100 మిలియన్ క్లబ్లో ‘భీమ్లా నాయక్’.. పవన్ క్రేజ్ అంటే ఇదే
పవర్ స్టార్ పవన్ కళ్యాణ్- రానా దగ్గుబాటి మల్టీస్టారర్ గా తెరకెక్కుతున్న చిత్రం భీమ్లా నాయక్.. సంక్రాంతి కానుకగా జనవరి 13 న విడుదల కానున్న ఈ సినిమాపై ప్రేక్షకులు భారీ అంచనాలను పెట్టుకున్నారు. ఇప్పటికే ఏ సినిమా నుంచి విడుదలైన పోస్టర్స్, సాంగ్స్ రికార్డులు సృష్టిస్తూనే ఉన్నాయి. తాజాగా భీమ్లా నాయక్ టైటిల్ సాంగ్ సరికొత్త రికార్డు సృష్టించింది. ఎన్నడూ లేని విషంగా ఈ టైటిల్ సాంగ్ యూట్యూబ్ లో 100 మిలియన్ క్లబ్లో చేరింది. ఈ విషయాన్ని మేకర్స్ సోషల్ మీడియా ద్వారా ప్రకటించారు.
భీమ్లా నాయక్.. అంటూ సాగే ఈ పాటను రామ జోగయ్య శాస్త్రి రాయగా.. థమన్ సంగీతం అందించాడు.. ఈ చిత్రానికి సంబంధించిన ఆడియో రైట్స్ దాదాపు 5.04 కోట్ల రూపాయలకు ప్రముఖ సంస్థ ఆదిత్య మ్యూజిక్ కొనుగోలు చేసింది. మరి సాంగ్స్ తోనే రికార్డులు సృష్టిస్తోన్న ఈ సినిమా రిలీజ్ అయ్యి ఎన్ని రికార్డ్స్ సృష్టిస్తోందో చూడాలి.