Bellamkonda Sai Sreenivas New Movie: బెల్లంకొండ సాయి శ్రీనివాస్ పేరుకి పెద్దగా పరిచయం అవసరం లేదు. తెలుగు తెర మీదకు ఆయన వచ్చి దాదాపు మూడేళ్లు అయింది. ‘అల్లుడు అదుర్స్’ సినిమా తరువాత ఆయన హిందీలో ‘ఛత్రపతి’ చేశారు. అది విడుదలై ఏడాదికి పైగా దాటింది. ఆ తర్వాత ‘టైసన్ నాయుడు’ స్టార్ట్ చేశారు. ఇప్పుడు మరొక సినిమాను స్టార్ట్ చేయడానికి రెడీ అయ్యారు. బెల్లంకొండ సాయి శ్రీనివాస్, యువ కథానాయిక అనుపమ పరమేశ్వరన్ ది సూపర్ హిట్ కాంబినేషన్. ‘రాక్షసుడు’ సినిమాలో ఆ ఇద్దరూ యాక్ట్ చేశారు. ఇప్పుడు మరోసారి వాళ్లిద్దరూ కలిసి నటించడానికి రెడీ అయ్యారు. ‘చావు కబురు చల్లగా’ ఫేమ్ కౌశిక్ పెగళ్లపాటి దర్శకత్వంలో ఒక సినిమా రూపొందుతున్న సంగతి తెలిసిందే. ఈ సినిమాను శ్రీమతి అర్చన సమర్పణలో షైన్ స్క్రీన్స్ ప్రొడక్షన్ నెం 8, #BSS11గా సాహు గారపాటి ప్రొడ్యూస్ చేస్తున్నారు.
సోమవారం అన్నపూర్ణ స్టూడియోస్‌లో ఘనంగా పూజా కార్యక్రమంతో ఈరోజు అధికారికంగా ప్రారంభించబడింది. సాహు గారపాటి ప్రొడ్యూస్ చేస్తున్నారు. సోమవారం పూజా కార్యక్రమాలతో ఈ సినిమా ప్రారంభం కానుంది. ఆకర్షణీయమైన ఆవరణతో విలక్షణమైన ప్రపంచంలో సెట్ చేయబడిన ఈ హారర్-మిస్టరీ చిత్రం ఇప్పటికే దాని ఆసక్తికరమైన ఫస్ట్ లుక్‌తో సంచలనం సృష్టించింది. ఈ చిత్రంలో హీరో, హీరోయిన్ క్యారక్టర్లు చుట్టూ ఉత్కంఠ ఉంటుంది అని, వారు తమ కెరీర్‌లో ఇంతకు ముందెన్నడూ పోషించని పాత్రలను పోషించబోతున్నారు అని డైరెక్టర్ కౌశిక్ చెప్పుకొచ్చారు. అలానే ఈ సినిమా రెగ్యులర్ చిత్రీకరణ జూలై 11న ప్రారంభమై శరవేగంగా సాగుతుంది అని వచ్చే ఏడాది సినిమా రిలీజ్ చేసేలా ప్లాన్ చేస్తున్నామన్నారు. సంగీతం – బి. అజనీష్ లోక్‌నాథ్ , డోప్ – చిన్మయ్ సలాస్కర్, ప్రొడక్షన్ డిజైన్ – మనీషా ఎ దత్, ఆర్ట్ డైరెక్టర్ – డి శివ కామేష్,ఎడిటర్ – నిరంజన్ దేవరమానే, పోరాటాలు: జాషువా మాస్టర్ పని చేయనున్నారు.