Sudheer Babu New Movie Updates: వైవిధ్యమైన చిత్రాలతో ప్రేక్షకులను అలరిస్తున్న హీరో సుధీర్ బాబు. నవ దళపతిగా అభిమానుల మన్ననలు అందుకుంటున్న సుధీర్ బాబు.. ఓ సూపర్ నేచురల్ మిస్టరీ థ్రిల్లర్లో నటించబోతున్నారు. ఇది భారీ బడ్జెట్ చిత్రంగా పాన్ ఇండియా లెవల్లో రూపొందనుంది. ఓ అద్భుతమైన సినిమాటిక్ ఎక్స్పీరియెన్స్ను ఆడియెన్స్కి అందించేలా.. లార్జర్ దేన్ లైఫ్ స్టోరీ లైన్తో ఇంతకు ముందెన్నడూ చూడని డిఫరెంట్ కాన్సెప్ట్తో తెరకెక్కబోతున్నఈ సినిమాలో విజువల్ ఎఫెక్ట్స్కి ఎంతో ప్రాధ్యానత ఉంటుంది. ఈ చిత్రంతో వెంట్ కళ్యాణ్ దర్శకుడిగా పరిచయం అవుతున్నారు.
జూన్ 14న విడుదలైన హరోంహర చిత్రంతో సుధీర్ బాబు రీసెంట్గా సక్సెస్ సాధించిన సంగతి తెలిసిందే. అందులో యాక్షన్ సన్నివేశాలు, కథనంకు ప్రేక్షకుల నుంచి చాలా మంచి స్పందన వచ్చింది. రుస్తుం, టాయ్లెట్: ఏక్ ప్రేమ్ కథ, ప్యాడ్ మ్యాన్, పరి వంటి చిత్రాలను అందించిన ప్రేరణ అరోరా సమర్పణలో సుధీర్ బాబు చేయబోతున్న చిత్రం రూపొందనుంది. ఈ సినిమాలో బాలీవుడ్ హీరోయిన్ నటించనుంది. త్వరలోనే మేకర్స్ ఆ వివరాలను తెలియజేయనున్నారు. ఈ చిత్రాన్ని వచ్చే ఏడాది శివరాత్రి సందర్భంగా మార్చిలో విడుదల చేయనున్నారు. ప్రేరణ అరోరా, శివిన్ నారగ్, నిఖిల్ నంద, ఉజ్వల్ ఆనంద్ ఈ చిత్రాన్ని నిర్మిస్తున్నారు. మన పురాణాలతో అనుసంధానం చేయబడిన ఎన్నో రహస్యాలను ఇది వెలికి తీస్తుంది. సినిమా ఫస్ట్ లుక్ను ఆగస్ట్ 15న విడుదల చేయనున్నారు.
Also Read: Team India Coach: టీమిండియా కొత్త హెడ్ కోచ్ ఎంపిక.. కీలక అప్డేట్ ఇచ్చిన జై షా!
సుధీర్ బాబు మాట్లాడుతూ… ‘నేను ఈ సినిమా స్క్రిప్ట్ నచ్చి ఏడాది పాటు టీమ్తో ట్రావెల్ అవుతున్నాను. డిఫరెంట్ కంటెంట్తో రూపొందనున్న ఈ సినిమాతో ప్రేక్షకల ముందుకు ఎప్పుడెప్పుడు వద్దామా అని ఎంతో ఆతృతగా ఎదురుచూస్తున్నా. వరల్డ్ క్లాస్ సినిమాటిక్ ఎక్స్పీరియెన్స్ను ప్రేక్షకులకు అందించటానికి ప్రేరణ అరోరా, ఆమె టీమ్ సభ్యులు ఎంతగానో కష్టపడుతున్నారు. ఇది ప్రేక్షకుల మనసుకు హత్తుకుంటుందనే గట్టి నమ్మకం ఉంది’ అని ధీమా వ్యక్తం చేశారు.