Baby on Board Title in Consideration for Sharwanand: చాలా కాలం టాలీవుడ్లో మోస్ట్ ఎలిజిబుల్ బ్యాచిలర్ గా ఉన్న శర్వానంద్ ఈమధ్యనే వివాహం చేసుకున్నాడు. తన భార్యతో కలిసి వెకేషన్ కు కూడా వెళ్లి ఎంజాయ్ చేస్తున్నాడు. అయితే ఇదిలా ఉండగా శర్వా తన కారుపై ‘బేబీ ఆన్ బోర్డ్’ కార్డ్‌ను ఉంచడానికి సిద్ధమవుతున్నాడు, అంటే ఆయన తండ్రి కాబోతున్నాడా అనే అనుమానం కలగవచ్చు కానీ అప్పుడే ఒక నిర్ణయానికి రాకండి. ఎందుకంటే అసలు సంగతి వేరే ఉంది. హాయ్ నాన్న అనే సినిమాలో నాని ఇప్పటికే నాన్న పాత్రలో నటిస్తుండగా, మరో యువ హీరో శర్వానంద్ కూడా ఆన్ స్క్రీన్ డాడ్ గా మారబోతున్నాడని అంటున్నారు. ఆయన తన సినిమాలో తండ్రి పాత్రలో నటిస్తున్నాడు. శ్రీరామ్ ఆదిత్య దర్శకత్వం వహిస్తున్న ఈ చిత్రానికి బేబీ ఆన్ బోర్డ్-bob అనే టైటిల్ పరిశీలనలో ఉంది.ప్రస్తుతంశ్రీరామ్ ఆదిత్య దర్శకత్వంలో శర్వానంద్, కృతి శెట్టి జంటగా నటిస్తున్న సినిమా నిర్మాణ దశలో ఉంది.
Pushpa The Rule: సుక్కూని జక్కన్న పూనాడా ఏంటి.. ఇంతలా చెక్కుతున్నాడు!!
మేకర్స్ దీనికి ‘బాబ్’ (బేబీ ఆన్ బోర్డ్) అని పేరు ఫిక్స్ చేయాలని భావిస్తున్నారు. దర్శకుడు ఈ కథకు “బాబ్” అనే టైటిల్ పెట్టారని, ఎందుకంటే ఈ సినిమా ఒక బేబీ చుట్టూనే తిరుగుతూ ఉంటుందని అంటున్నారు. అయితే ఇది టీమ్ వర్కింగ్ టైటిల్ అని, మరి ఇదే టైటిల్ ఫైనల్ అవుతుందో లేదో వేచి చూడాలని అంటున్నారు. శర్వానంద్ గత ఏడాది “ఒకే ఒక జీవితం” సినిమాతో ఒక మాదిరి హిట్ అందుకున్నాడు. ఇప్పుడు మరో సూపర్ హిట్ అందుకోవాలని ఆశిస్తున్నాడు. పీపుల్ మీడియా ఫ్యాక్టరీ వారు నిర్మిస్తున్న ‘బాబ్’ (బేబీ ఆన్ బోర్డ్) సినిమా ఈ శ్రీరామ్ ఆదిత్య దర్శకత్వంలో తెరకెక్కుతూ ఉండడంతో సినిమాపై భారీ అంచనాలే ఉన్నాయి. ఇక తండ్రి పాత్రలో శర్వా కనిపిస్తుంటే కనుక ఆయనకి మాత్రమే కాదు కృతి శెట్టికి కూడా తల్లిగా ఇది మొదటి సినిమా అయ్యే అవకాశం ఉంది.
