Pushpa The Rule: సుక్కూని జక్కన్న పూనాడా ఏంటి.. ఇంతలా చెక్కుతున్నాడు!!

Allu Arjun and Sukumar Special Care on Pushpa 2 The Rule: అల్లు అర్జున్ హీరోగా సుకుమార్ దర్శకత్వంలో పుష్ప మొదటి భాగం తెరకెక్కి విడుదలై సూపర్ హిట్ గా నిలిచిన సంగతి ప్రత్యేకంగా చెప్పాల్సిన అవసరం లేదు. రష్మిక మందన్న హీరోయిన్ గా నటించిన ఈ సినిమాలో సునీల్, అనసూయ, ఫహాద్ ఫాజిల్, అజయ్ ఘోష్ వంటి వారు ఇతర కీలక పాత్రల్లో నటించారు. అల్లు అర్జున్ కెరీర్ లోనే ఈ సినిమా భారీ బడ్జెట్ తో తెరకెక్కించగా సినిమా సూపర్ హిట్ గా నిలవడమే కాదు తెలుగు, తమిళ, కన్నడ, మలయాళ, హిందీ భాషల్లో మంచి కలెక్షన్లు కూడా రాబట్టింది. నిజానికి పుష్ప మొదటి భాగాన్ని చాలా త్వరగా ముగించారని చెప్పవచ్చు. సినిమాని ఎలా అయినా డిసెంబర్లో విడుదల చేయాలనే ఉద్దేశంతో చాలావరకు త్వర త్వరగా పూర్తి చేసి రిలీజ్ చేశారు.

Pawan Kalyan: పవన్ ఫ్యాన్స్ కి గుడ్ న్యూస్.. వచ్చే వారం నుంచే ‘ఉస్తాద్ భగత్ సింగ్’ ?

అయితే ఇప్పుడు రెండో భాగం మీద మాత్రం చాలా ఫోకస్ పెట్టి తెరకెక్కిస్తున్నారు. మొదటి భాగం సత్తా చాటిన నేపథ్యంలో క్యారెక్టరైజేషన్ ప్రేక్షకులకు ఎంత చేరువైందో అర్థం చేసుకున్న సుకుమార్ ఇప్పుడు ఏ మాత్రం త్వరపడకుండా రాజమౌళి బాటలోనే సినిమాని ఒక రేంజ్ లో చెక్కుతున్నట్లుగా తెలుస్తోంది. సినిమాలో ప్రీతి చిన్న డీటెయిల్ కూడా మిస్ అవ్వకుండా రెండో భాగాన్ని ఒక రేంజ్ లో తెరకెక్కిస్తున్నారని అంటున్నారు. మొదటి భాగం రిలీజ్ అయినప్పుడు కేవలం తెలుగులో మాత్రమే అంచనాలు ఉన్నాయి. కానీ ఇప్పుడు తెలుగు సహా తమిళ, కన్నడ, మలయాళ హిందీ భాషల్లో సైతం సినిమా మీద భారీ అంచనాలు ఉన్న నేపథ్యంలో సుకుమార్ కూడా పెట్టుబడులు పెట్టారని మొదటి భాగానికి సహ నిర్మాణ సంస్థగా వ్యవహరించిన ముత్తంశెట్టి మీడియా వర్క్స్ ని తప్పించి సుకుమార్ సొంత ప్రొడక్షన్ హౌస్ ఈ సినిమా నిర్మాణంలో భాగమైంది అని తెలుస్తుంది.