Anil Ravipudi: ఈ సినిమాతో బాలయ్య మరింత ఎత్తుకు ఎదిగారు

Anil Ravipudi: గాడ్ ఆఫ్ మాసెస్ నందమూరి బాలకృష్ణ ‘భగవంత్ కేసరి’ బ్లాక్ బస్టర్ విజయాన్ని అందుకుంది. సక్సెస్ ఫుల్ డైరెక్టర్ అనిల్ రావిపూడి దర్శకత్వంలో కాజల్ అగర్వాల్ హీరోయిన్ గా శ్రీలీల కీలక పాత్ర పోషించిన ఈ చిత్రం, ప్రముఖ నిర్మాణ సంస్థ షైన్ స్క్రీన్స్ బ్యానర్‌ లో దసరా కానుకగా అక్టోబర్ 19న ప్రపంచవ్యాప్తంగా విడుదలై అన్ని వర్గాల ప్రేక్షకులని అలరించి, అభిమానులు, ప్రేక్షకులు, విమర్శకులందరి ప్రశంశలు అందుకొని అఖండ విజయం సాధించింది. భగవంత్ కేసరి రికార్డ్ బ్రేకింగ్ కలెక్షన్స్ తో సక్సెస్ ఫుల్ గా రన్ అవుతున్న నేపధ్యంలో చిత్ర యూనిట్ బ్లాక్ బస్టర్ ప్రెస్ మీట్ ని నిర్వహించింది. ఈ సక్సెస్ మీట్ లో అనిల్ రావిపూడి, శ్రీలీల, అనంత్ శ్రీరామ్ తదితరులు పాల్గొన్నారు.

Sunaina: హాస్పిటల్ బెడ్ పై స్టార్ హీరోయిన్.. అసలేమైంది..?

ఇక ఈ సక్సెస్ మీట్ లో అనిల్ రావిపూడి మాట్లాడుతూ.. ” ఈ చిత్రం ప్రమోషన్స్ మొదలుపెట్టినప్పటి నుంచి ఒకే మాట చెప్పాం. ఈ సినిమా శానా యేండ్లు యాదుంటాది అని. అది ఈ రోజు నిజం చేశారు. చాలా సంతోషంగా వుంది. ఒక దర్శకుడిగా భగవంత్ కేసరి సంపూర్ణమైన తృప్తిని ఇచ్చింది. అన్ని వైపుల నుంచి చాలా అద్భుతమైన స్పందన వస్తోంది. సినిమాలో చూపించిన హ్యూమన్ ఎమోషన్స్, తండ్రి బిడ్డ మధ్య అనుబంధానికి ప్రేక్షకులు చాల బాగా కనెక్ట్ అయ్యారు. ఆడపిల్లని సింహాలా పెంచాలనే ఒక మంచి కంటెంట్ జనాల్లోకి వెళ్ళింది. బాలకృష్ణ గారు తన కంఫర్ట్ జోన్ ని దాటి స్త్రీ సాధికారత గురించి వున్న ఈ కథని చేశారు. బాలకృష్ణ గారికి నిజంగా హ్యాట్సాఫ్. బాలకృష్ణ గారి నటన గురించి అందరూ గొప్పగా మాట్లాడుతున్నారు. ఈ సినిమాతో ఆయన హీరోగా మరింత ఎత్తుకు ఎదిగారు. నాకు ఇంత మంచి అవకాశం ఇచ్చిన బాలకృష్ణ గారి ధన్యవాదులు. శ్రీలీల.. విజ్జి పాపగా అద్భుతంగా నటించింది. ముఖ్యంగా యాక్షన్ ఎపిసోడ్ లో ప్రత్యేక శిక్షణ తీసుకొని ఎక్స్ ట్రార్డినరీ గా చేసింది. ఆ ఎపిసోడ్స్ గూస్ బంప్స్ తెప్పిస్తున్నాయి. సినిమాని చాలా గొప్పగా ఆదరించారు. ఇది ఆరంభం మాత్రమే. దసరా మరో పది రోజులు వుంది. క్లీన్ రన్ దొరుకుతుంది. ముందుముందు ఇంకా మట్లాడుకుందాం. ఇంత గొప్పగా ఆదరించి, ఇంత పెద్ద ఘనవిజయాన్ని ఇచ్చిన ప్రేక్షకులు ధన్యవాదాలు. బాలకృష్ణ గారితో కలిసి మరో పెద్ద ఈవెంట్ ని నిర్వహించబోతున్నాం. భగవంత్ కేసరి వేడుకలు జరుగుతూనే వుంటాయి” అని చెప్పుకొచ్చాడు.