“గం గం గణేశా” అంటున్న దేవరకొండ

యంగ్ హీరో ఆనంద్ దేవరకొండ మరో కొత్త ప్రాజెక్ట్‌ను ప్రకటించారు. ఈ మేరకు తన నెక్స్ట్ ప్రాజెక్ట్ టైటిల్ ను రివీల్ చేస్తూ పోస్టర్ ను విడుదల చేశారు మేకర్స్. “గం గం గణేశా” అనే టైటిల్ తో రూపొందుతున్న ఈ సినిమా కొత్త పోస్టర్ పై “యాక్షన్ ఫెస్టివల్ ప్రారంభమవుతుంది” అని ఉంది. అలాగే టైటిల్ ఫాంట్‌లో కొన్ని తుపాకీలను చూపిస్తూ మేకర్స్ ఇచ్చిన హింట్ చూస్తుంటే ఈ సినిమా థీమ్‌ ఇదేనేమో, గ్రామీణ నేపథ్యంలో రూపొందనున్న మూవీ అన్పిస్తోంది.

Read Also : నిజమైన జోక్… RIP అంటే అవమానకరం… : ఆర్జీవీ

ఆనంద్ దేవరకొండ నెక్స్ట్ ‘హైవే’ అనే థ్రిల్లర్‌లో కనిపించనున్న విషయం తెలిసిందే. త్వరలోనే ఆనంద్ “గం గం గణేశా” మూవీ షూటింగ్‌ను కూడా ప్రారంభించనున్నారు. ఉదయ్ శెట్టి ఈ చిత్రానికి దర్శకత్వం వహించనుండగా, కేదార్ సెలగంశెట్టి, వంశీ కారుమంచి సంయుక్తంగా ఈ చిత్రాన్ని నిర్మించనున్నారు. నటీనటులు, సాంకేతిక నిపుణుల గురించి మరిన్ని వివరాలను త్వరలోనే ప్రకటిస్తామని మేకర్స్ తెలిపారు.