Allu Arjun: అడ్డంగా దొరికేసిన అల్లు అర్జున్.. ఇలా బుక్కయ్యాడేంటి?
Allu Arjun getting trolled for Fans Comments: ఎప్పుడెప్పుడు సినిమా వాళ్ళ నుంచి మీమ్ కంటెంట్ దొరుకుతుందా? అని మీమర్లు ఆసక్తికరంగా ఎదురు చూస్తూ ఉంటారు. అలాంటి వాళ్ళ కోసమే అన్నట్టుగా కొంతమంది హీరోలు మీడియా ముందే మాట్లాడి దొరికేస్తూ ఉంటారు. తాజాగా అలాంటి పరిస్థితి అల్లు అర్జున్ కి కూడా ఎదురైంది. నిన్న జరిగిన మారుతి నగర్ సుబ్రమణ్యం అనే సినిమా ప్రీ రిలీజ్ ఈవెంట్ లో అల్లు అర్జున్ కొన్ని ఆసక్తికరమైన వ్యాఖ్యలు చేశారు. అందులో మీమర్లను ఆకర్షించే విధంగా ఉన్న వ్యాఖ్యలు ఇప్పుడు వైరల్ అవుతున్నాయి. సాధారణంగా హీరోని చూసి అందరూ ఆయనకు ఫాన్స్ అవుతారు కానీ నేను ఫ్యాన్స్ ని చూసి హీరోని అయ్యానని అల్లు అర్జున్ కామెంట్ చేశాడు. ఆయన ఏ ఉద్దేశంతో అన్నాడో కానీ అసలు ఇదేమి లాజిక్ రా నాయనా అంటూ ఇప్పుడు సోషల్ మీడియాలో చర్చ జరుగుతోంది.
Allu Arjun: బన్నీ గడ్డానికి అరకోటి?
నిజానికి ఎవరికైనా హీరో అయ్యాకే ఫాన్స్ రెడీ అవుతారు, ఫ్యాన్స్ అయ్యాక హీరో అవ్వడం అనేది లాజిక్ లేని అంశం. మరి బన్నీ ఆ లాజిక్ మిస్ అయ్యాడో లేక ఇంకేదైనా చెప్పాలి అనుకుని మాటలు కుదరక ఇలా చెప్పాడో అర్థం కావడం లేదు. నిజానికి బన్నీ చాలా బాగా మాట్లాడుతాడు గతంలో ఇదే విషయం చాలా సార్లు ప్రూవ్ అయింది. మరి ఈ విషయంలో మాత్రం ఎందుకో లాజిక్ లెస్ గా మాట్లాడి ట్రోలర్లకు టార్గెట్ అయ్యాడు. దీంతో వాళ్లు నువ్వు హీరో అవకముందే నీకు ఫ్యాన్స్ ఉన్నారా? అంటూ ప్రశ్నిస్తున్నారు. అలాగే ఫ్యాన్స్ ని తన ఆర్మీగా చెప్పుకుంటూ ఉంటాడు అల్లు అర్జున్. ఇదే విషయం మీద కూడా చాలా చర్చలు జరిగాయి. ఇప్పుడు కూడా మరోసారి తన అభిమానులను ఆర్మీ అని సంబోధించి మళ్లీ చర్చలకు తావిచ్ఛాడు.