అల్లు అర్జున్ ‘అన్‌స్టాపబుల్’… రవితేజ కంటే ముందే !

ఇటీవల కాలంలో అత్యంత ప్రజాదరణ పొందిన టాక్ షోలలో నందమూరి బాలకృష్ణ ‘అన్‌స్టాపబుల్’ కూడా ఒకటి. ఇది హీరోలతో పాటు చిత్రనిర్మాతలకు ఇష్టమైన స్టాప్‌గా మారింది. ‘పుష్ప’ టీమ్ ఇప్పటికే విడుదలకు ముందు చిత్రాన్ని ప్రమోట్ చేసింది. అయితే ఇప్పుడు చిత్ర బృందం బాలకృష్ణ ‘అన్‌స్టాపబుల్’ షోలో కన్పించబోతోందని సమాచారం. తదుపరి ఎపిసోడ్ కోసం ఈ టాక్ షోలో అల్లు అర్జున్, రష్మిక, దర్శకుడు సుకుమార్ బాలయ్యతో కలిసి పాల్గొననున్నారు.

https://ntvtelugu.com/samantha-comments-on-her-item-song-in-pushpa/

వాస్తవానికి ‘అన్‌స్టాపబుల్’ నెక్స్ట్ ఎపిసోడ్‌లో రవితేజ, డైరెక్టర్ గోపీచంద్ మలినేని ఉండవలసి ఉంది. కానీ ‘పుష్ప’ టీమ్ కారణంగా మాస్ మహారాజ ఎపిసోడ్ ఈ సంవత్సరం చివరి ఎపిసోడ్ కానున్న మరో వారానికి వాయిదా పడిందని సమాచారం. బాలయ్యతో కలిసి ‘పుష్ప’రాజ్ చేసిన సందడిని డిసెంబర్ 25న క్రిస్మస్ సందర్భంగా ప్రేక్షకుల కోసం ప్రీమియర్ చేయనున్నారు. ఇక బాలకృష్ణ ‘అఖండ’ ప్రీ-రిలీజ్ ఈవెంట్‌కు బన్నీ హాజరయ్యారు. ఇప్పుడు ఇద్దరు స్టార్ హీరోలు ‘పుష్ప’, ‘అఖండ’ చిత్రాల గురించి ఈ వేడుకపై మాట్లాడతారు. రెండు సినిమాలు అనూహ్యంగా రన్ అవుతున్న విషయం తెలిసిందే. “అన్‌స్టాపబుల్” షో ఆశ్చర్యకరంగా రాజమౌళి, రవితేజ, అల్లు అర్జున్ వంటి ఊహించని అతిథులను తెరపైకి తీసుకు వస్తూ ప్రేక్షకులను థ్రిల్ చేస్తోంది.