NTR 31: సలార్ రిలీజ్ ట్రైలర్ చూసాక ఎన్టీఆర్ ఫ్యాన్స్ ఫుల్ హ్యాపీ…

రెబల్ స్టార్ ప్రభాస్, సెన్సేషనల్ డైరెక్టర్ ప్రశాంత్ నీల్ కాంబినేషన్ లో తెరకెక్కుతున్న పాన్ ఇండియా మూవీ సలార్ మరో మూడు రోజుల్లో ఆడియన్స్ ముందుకి రావడానికి రెడీ అయ్యింది. ఇప్పటికే ఉన్న హైప్ ని ఆకాశానికి చేరుస్తూ సలార్ రిలీజ్ ట్రైలర్ బయటకి వచ్చింది. సలార్ ఫైనల్ పంచ్ అంటూ బయటకి వచ్చిన ఈ ట్రైలర్ సంచనలం సృష్టిస్తోంది. ప్రభాస్ ని ప్రశాంత్ నీల్ ప్రెజెంట్ చేసిన విధానం, ఆ ఫ్రేమింగ్, ఆ కలర్ గ్రేడింగ్, హ్యూజ్ సెట్స్, భారీ యాక్షన్ ఎపిసోడ్స్, ఎలివేషన్ షాట్స్ తో ట్రైలర్ రచ్చ లేపేలా ఉంది. బాక్సాఫీస్ ని ఎరుపెక్కించడం గ్యారెంటీ అని మూడు నిమిషాల ట్రైలర్ తోనే చూపించాడు ప్రశాంత్ నీల్. డిజిటల్ ప్లాట్ఫామ్స్ వ్యూస్ పరంగా కొత్త బెంచ్ మార్క్ సెట్ చేస్తున్న సలార్ రిలీజ్ ట్రైలర్ చూసి అందరికన్నా ఎక్కువగా ఖుషిగా ఉన్నారు యంగ్ టైగర్ ఎన్టీఆర్ ఫ్యాన్స్.

సలార్ రిలీజ్ ట్రైలర్ చూసిన ఎన్టీఆర్ ఫ్యాన్స్ ఫుల్ జోష్ లోకి వచ్చేసారు. ప్రశాంత్ నీల్ తన నెక్స్ట్ సినిమాని ఎన్టీఆర్ తోనే చేస్తున్నాడు. ఎన్టీఆర్ 31 అనే వర్కింగ్ టైటిల్ తో ఇప్పటికే అఫీషియల్ గా అనౌన్స్ అయిన ఈ సినిమా మరో నాలుగు నెలల్లో సెట్స్ పైకి వెళ్లనుంది. ఎన్టీఆర్-ప్రశాంత్ నీల్ లు కలిస్తే అది ఫైర్ హౌజ్ కాంబినేషన్ లాంటిది. ఈ ఇద్దరు కలిసి సినిమా చేస్తే ఎలా ఉంటుందో అని ఊహించుకుంటూ ఎన్టీఆర్ ఫ్యాన్స్ ఖుషి అవుతున్నారు. ఎన్టీఆర్ తో చేయబోయే సినిమాని ప్రశాంత్ నీల్ తన డ్రీమ్ ప్రాజెక్ట్ అని చెప్తున్నాడు. మరి రెగ్యులర్ సినిమానే పాన్ ఇండియా బాక్సాఫీస్ షేక్ అయ్యేలా చేసే ప్రశాంత్ నీల్… తన డ్రీమ్ ప్రాజెక్ట్ ని ఎన్టీఆర్ తో ఎలా చేస్తాడో అర్ధం చేసుకోవచ్చు. ఎన్టీఆర్ దేవర, వార్ 2 షూటింగ్స్ కంప్లీట్ అవ్వగానే ప్రశాంత్ నీల్ సినిమా స్టార్ట్ చేయనున్నాడు. ఈ ప్రాజెక్ట్ అనౌన్స్మెంట్ తో చేసే సౌండ్ ఏ రేంజులో ఉంటుందో చూడాలి.