హీరో దాడి… దారుణమైన ఘటనపై హీరోయిన్ ఫస్ట్ రియాక్షన్

ప్రముఖ మలయాళీ నటి భావన ఎట్టకేలకు తన వ్యక్తిగత జీవితంలో జరిగిన అత్యంత వివాదాస్పద సంఘటన గురించి మాట్లాడింది. 2017లో ఒక సినిమా షూటింగ్‌ని పూర్తి చేసుకుని భావన తన ఇంటికి తిరిగి వస్తున్నప్పుడు, ఆమెను కిడ్నాప్ చేసి 2 గంటలకు పైగా దాడి చేశారు. ఇది అప్పట్లో సంచలనం సృష్టించింది. సుప్రసిద్ధ మలయాళీ హీరో దిలీప్ కు కూడా ఈ కేసుతో సంబంధం ఉండడంతో ఆయనను అరెస్టు చేసి కోర్టులో హాజరుపరిచారు. దిలీప్ బెయిల్‌పై విడుదలయ్యాడు. కేసు ఇంకా కొనసాగుతోంది. ఈ దారుణమైన ఘటన జరిగి ఐదేళ్లు పూర్తయ్యింది. ఇప్పుడు ఈ సంఘటనకు సంబంధించి సోషల్ మీడియాలో ఓ సుదీర్ఘ పోస్ట్‌ను భావన షేర్ చేసింది.

Read Also : వైరల్ వీడియో : శ్రియా సీక్రెట్ కు ఏడాది !

“ఇది అంత తేలికైన ప్రయాణం కాదు. బాధితురాలి నుండి ప్రాణాలతో బయటపడే ప్రయాణం. ఐదేళ్లుగా నాపై జరిగిన దాడి బరువుతో నా పేరు, నా గుర్తింపు అణచివేయబడింది. నేరం చేసింది నేను కానప్పటికీ, నన్ను అవమానపరచడానికి, మౌనంగా ఉంచడానికి, ఒంటరిగా చేయడానికి చాలా ప్రయత్నాలు జరిగాయి. కానీ అలాంటి సమయంలో నా గొంతును సజీవంగా ఉంచడానికి ముందుకొచ్చిన వారు ఉన్నారు. ఇప్పుడు నేను చాలా గొంతులు వింటున్నాను. న్యాయం కోసం ఈ పోరాటంలో నేను ఒంటరిగా లేనని నాకు తెలుసు. న్యాయం గెలవాలని, తప్పు చేసిన వారికి శిక్ష పడేలా చూడాలని, మరెవరికీ అలాంటి పరిస్థితి రాకుండా ఉండేందుకు నేను ఈ ప్రయాణం కొనసాగిస్తాను. నాతో పాటు నిలబడిన వారందరికీ మీ ప్రేమకు హృదయపూర్వక ధన్యవాదాలు” అంటూ రాసుకొచ్చింది భావన.

Read Also : యంగ్ టైగర్ న్యూ లుక్… కోర మీసంతో క్లాసీ పిక్

ఐదేళ్ల క్రితం జరిగిన ఈ ఘటన మలయాళ చిత్ర పరిశ్రమనే కాదు, దక్షిణ భారత చలనచిత్ర పరిశ్రమను కూడా కదిలించింది. ఆ తరువాత భావన నవీన్‌ను వివాహం చేసుకుంది. ఆమె ఇప్పుడు కన్నడ సినిమాలలో బిజీగా ఉంది. కొంతమంది వ్యక్తుల కారణంగా భావనకు మలయాళ ఆఫర్లు రావట్లేదని పుకార్లు కూడా ఉన్నాయి. ఇక మరోవైపు ఈ కేసులో కేరళ పోలీస్ క్రైమ్ బ్రాంచ్ లైంగిక వేధింపులు చేసిన నేరస్థులపై క్రిమినల్ కేసును కూడా ప్రారంభించింది. ఈ కేసులో మొత్తం 6 మంది నిందితులలో దిలీప్ ఒకడు. కేసుకు సంబంధించి తదుపరి విచారణ ఇంకా కొనసాగుతోంది.

ఇక ఇన్వెస్టిగేషన్ ఆఫీసర్స్ ను దిలీప్ తో పాటు నిందితులు బెదిరించడంతో వారిపై మరో కేసు నమోదైంది. కేసును పర్యవేక్షిస్తున్న పోలీసును చంపడానికి కుట్ర పన్నుతున్న ఆడియో క్లిప్‌ లు బయటకు రావడంతో దిలీప్‌పై మరికొన్ని ఎఫ్‌ఐఆర్‌లు దాఖలయ్యాయి. వారిపై IPC సెక్షన్లు 116 (ఖైదుతో శిక్షార్హమైన నేరాన్ని ప్రోత్సహించడం), 118 (మరణశిక్ష విధించదగిన నేరానికి రూపకల్పన చేయడం లేదా జీవితాంతం జైలు శిక్ష విధించడం), 120B (నేరపూరిత కుట్రకు పక్షం), 506 (నేరపూరిత బెదిరింపు), 34 (నేరసంబంధం) కింద కేసులు నమోదు చేశారు. కొత్త ఎఫ్ఐఆర్ దిలీప్, సూరజ్, దిలీప్ సోదరుడు అనూప్, ఒక వీఐపీ మరియు మరో ఇద్దరితో సహా ఆరుగురిపై నమోదు అయ్యింది. ఈ కేసులో కేరళ ప్రభుత్వం కొత్త బృందాన్ని ఏర్పాటు చేసింది.