బామ్మ ‘నాటు’ డాన్స్.. ఫిదా అవుతున్న నెటిజన్స్
ప్రస్తుతం ఎక్కడ చూసిన నాటు నాటు సాంగ్ మాత్రమే కనిపిస్తోంది. టాలీవుడ్ స్టార్ హీరోలు రామ్ చరణ్, ఎన్టీఆర్ వేసిన స్టెప్స్ తో సోషల్ మీడియా దద్దరిల్లుతుంది. రాజమౌళి దర్శకత్వంలో వారిద్దరూ మల్టీస్టారర్ గా ఆర్ఆర్ఆర్ చిత్రం రాబోతున్న విషయం తెలిసిందే.. జనవరి 7 న విడుదల కానున్న ఈ చిత్ర ప్రమోషన్స్ షురూ చేసిన మేకర్స్ ఇటీవల సెకండ్ సింగిల్ నాటు నాటు సాంగ్ ని రిలీజ్ చేశారు. ఇక ఈ పాట అందరిలోనూ ఫుల్ జోష్ ని పెంచేసింది.
ఎక్కడ విన్నా ఇదే పాట.. ఎవరి కాలు కదిపినా అవే స్టెప్స్.. సెలబ్రిటీల నుంచి సామాన్యుల వరకు ఆ స్టెప్స్ ని పొగడని వారు లేరు. ఇక తాజాగా ఒక బామ్మా ఈ పాటకు వేసిన స్టెప్స్ ప్రస్తుతం నెట్టింట వైరల్ గా మారింది. 70 ఏళ్ల వయసులో కూడా బామ్మ గారు అలుపుసొలుపు లేకుండా నాటు నాటు అంటూ స్టెప్స్ ఇరగదీశారు. బామ్మ నాటు డాన్స్ వీడియోని ఆర్ఆర్ఆర్ సోషల్ మీడియా ఖాతాలతో షేర్ చేయడంతో బామ్మగారు వైరల్ గా మారిపోయారు.