Paneer Bhurji Recipe: పప్పు, కూరలతో బోర్ కొడుతోందా.? అయితే “పనీర్ భుర్జీ”తో కొత్త టేస్ట్ ఆస్వాదించండి..!
- పనీర్లో ప్రోటీన్ సమృద్ధిగా..
- ఇంట్లోనే చాలా సులభంగా 'పనీర్ భుర్జీ'..
- తయారీ ఇలా..
- Follow Us :
-
-
Add as a preferred
source on google
Paneer Bhurji Recipe: రోజూ పప్పు, అన్నం, బెండకాయ, సొరకాయ కూరలు తింటూ బోర్ కొడుతోందా..? అయితే, పిల్లల నుంచి పెద్దల వరకు పనీర్ అంటే ఇష్టపడని వారు చాలా తక్కువ. అలాంటి పనీర్తో కేవలం కొన్ని పదార్థాలు ఉపయోగించి అదిరిపోయే రుచితో భుర్జీ తయారు చేసుకోవచ్చు. కాస్త మసాలా, కాస్త క్రీమీ టచ్తో చేసే ఈ రెసిపీ ఒక్కసారి తింటే ఇంట్లో తరచూ చేయమని అడగాల్సిందే. కాస్త స్పైసీగా, రుచికరంగా, త్వరగా తయారయ్యే వంటకం కావాలంటే ఢాబా స్టైల్ పనీర్ భుర్జీ మంచి ఆప్షన్. దీనిని తయారు చేయడం చాలా సులభమే కాకుండా.. పనీర్లో ప్రోటీన్ కూడా సమృద్ధిగా ఉంటుంది.
ఉల్లిపాయలు, టమాటాలు, క్యాప్సికం, పచ్చిమిర్చి, కసూరి మెంతి, మసాలాలతో తయారు చేసే ఈ పనీర్ భుర్జీని వేడి వేడి పరాటా, బటర్ నాన్, తవా రోటీ లేదా పూరీతో తింటే చాలా రుచిగా ఉంటుంది. పనీర్ భుర్జీ పొడిగా కాకుండా సాఫ్ట్గా, జ్యూసీగా, క్రీమీగా ఉండాలంటే ఇలా చెప్పినట్లు ఫాలో అవ్వండి చాలు..
Also Read
- Can Beer Damage Your Kidneys: బీర్ తాగితే కిడ్నీలకు ఏం కాదనుకుంటున్నారా? తాజా అధ్యయనంలో షాకింగ్ నిజాలు..
- Marriages: "పెళ్లి వద్దు.. సింగిల్ లైఫే బెటర్".. యువత పెళ్లికి ఎందుకు దూరంగా ఉంటోంది? 4 ప్రధాన కారణాలివే..
- Tandoori Roti Recipe: ఇంట్లోనే కరకరలాడే తందూరీ రోటీ.. ప్రెషర్ కుక్కర్లోనే సింపుల్గా హోటల్ స్టైల్ తందూరీ రోటీ..!
- Healthy Vegetarian Recipes: గుమ్మడికాయ అంటే ముఖం చిట్లిస్తున్నారా? రెస్టారెంట్ స్టైల్లో ఇలా చేసి చూడండి.. మెతుకు వదలరు!
కావాల్సిన పదార్థాలు:
* పనీర్ – 250 గ్రాములు.
* ఉల్లిపాయలు – 2 (సన్నగా తరిగినవి)
* టమాటాలు – 2 (సన్నగా తరిగినవి)
* క్యాప్సికం – అర ముక్క (సన్నగా తరిగినది)
* పచ్చిమిర్చి – 2 (సన్నగా తరిగినవి)
* అల్లం-వెల్లుల్లి పేస్ట్ – 1 టీ స్పూన్
* వెన్న లేదా నెయ్యి – 2 టేబుల్ స్పూన్లు
* నూనె – 1 టేబుల్ స్పూన్
* జీలకర్ర – అర టీ స్పూన్
* పసుపు – అర టీ స్పూన్
* కారం – 1 టీ స్పూన్
* ధనియాల పొడి – 1 టీ స్పూన్
* గరం మసాలా – అర టీ స్పూన్
* పావ్ భాజీ మసాలా లేదా కిచెన్ కింగ్ మసాలా – అర టీ స్పూన్
* కసూరి మెంతి – 1 టీ స్పూన్
* తాజా క్రీమ్ లేదా పాలు – 2 టేబుల్ స్పూన్లు
* కొత్తిమీర – సన్నగా తరిగినది
* ఉప్పు – రుచికి సరిపడా..
తయారు చేసే విధానం:
ముందుగా కడాయిలో ఒక టేబుల్ స్పూన్ నూనె, రెండు టేబుల్ స్పూన్ల వెన్న లేదా నెయ్యి వేసి వేడి చేయాలి. నూనెతో పాటు వెన్నను ఉపయోగించడం వల్ల వెన్న త్వరగా కాలిపోకుండా ఉంటుంది. ఇప్పుడు జీలకర్ర వేసి చిటపటలాడించాలి. తర్వాత సన్నగా తరిగిన ఉల్లిపాయలు, పచ్చిమిర్చి వేసి మీడియం మంటపై రెండు నుంచి మూడు నిమిషాల పాటు వేయించాలి. ఉల్లిపాయలు లేత గులాబీ రంగులోకి వచ్చిన తర్వాత అల్లం-వెల్లుల్లి పేస్ట్ వేసి మరో నిమిషం పాటు పచ్చివాసన పోయే వరకు వేయించాలి.
ఇప్పుడు సన్నగా తరిగిన క్యాప్సికం, టమాటాలు వేసి కొద్దిగా ఉప్పు కలపాలి. కడాయిపై మూత పెట్టి రెండు నుంచి మూడు నిమిషాలు ఉడికించాలి. టమాటాలు మెత్తగా మారి, మిశ్రమం నుంచి నూనె కొద్దిగా బయటకు వచ్చే వరకు ఉడికించాలి. తర్వాత మంటను తగ్గించి పసుపు, కారం, ధనియాల పొడి, పావ్ భాజీ మసాలా లేదా బిర్యానీ మసాలా వేసి సుమారు ఒక నిమిషం పాటు బాగా కలుపుతూ వేయించాలి. ఇప్పుడు రెండు టేబుల్ స్పూన్ల పాలు లేదా తాజా క్రీమ్ వేసి మసాలాలో బాగా కలపాలి. ఈ చిన్న చిట్కా వల్ల పనీర్ భుర్జీ పొడిగా కాకుండా క్రీమీగా, జ్యూసీగా ఉంటుంది.
తర్వాత తురిమిన పనీర్, అవసరమైనంత ఉప్పు వేసి మసాలాతో సున్నితంగా కలపాలి. పనీర్ వేసిన తర్వాత రెండు నుంచి మూడు నిమిషాలకు మించి ఉడికించకూడదు. ఎక్కువసేపు ఉడికిస్తే పనీర్ గట్టిగా, రబ్బర్లా మారే అవకాశం ఉంటుంది. చివరగా గరం మసాలా, చేతితో నలిపిన కసూరి మెంతి, సన్నగా తరిగిన కొత్తిమీర వేసి బాగా కలిపి స్టవ్ ఆఫ్ చేయాలి. అంతే.. ఎంతో రుచికరమైన, సాఫ్ట్గా, క్రీమీగా ఉండే ఢాబా స్టైల్ “పనీర్ భుర్జీ” రెడీ. దీన్ని వేడివేడిగా పరాటా, రోటీ, నాన్ లేదా పూరీతో సర్వ్ చేస్తే అద్భుతంగా ఉంటుంది. రోజూ చేసే సాధారణ కూరలకు భిన్నంగా లంచ్ లేదా డిన్నర్లో ఈ పనీర్ భుర్జీని ఒకసారి తప్పకుండా ట్రై చేయండి.
తాజావార్తలు
-
EPFO New Rules 2026: పీఎఫ్ ఖాతాదారులకు జాక్పాట్.. ఇకపై 90% డబ్బు మీ చేతికే! కొత్త రూల్ ఇదే..
-
UGC NET Exam Schedule: 87 సబ్జెక్టులు.. 6 రోజులు.. 2 షిఫ్టులు! యూజీసీ నెట్ 2026 షెడ్యూల్ ఫుల్ డీటెయిల్స్ ఇవే..
-
Maharashtra: అక్రమ సంబంధం.. సుపారీ హత్య.. భర్త స్నేహితురాలిని చంపించిన భార్య..
-
Telangana Jobs : నిరుద్యోగులకు మరో గుడ్న్యూస్.. ఆయుష్ విభాగంలో 70 ఉద్యోగాలు
-
Asteroids: భూమి వైపు దూసుకొస్తున్న 5 గ్రహశకలాలు.. నాసా 48 గంటల పాటు అలర్ట్!
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!