Health Tips : గొంతులో ఇన్‌ఫెక్షన్ ను తగ్గించి, ఇమ్యూనిటీని పెంచే సూపర్ టీ ఇదే.. ఆ రోగాలకు చెక్..

చలికాలంలో చలి తీవ్రత పెరుగుతుంది.. ఉదయం 7 దాటినా బయటకు రావాలంటే జనాలు వణికిపోతున్నారు.. అందుకే చాలా మందికి టీ తో రోజు మొదలు పెడతారు..అలా రోజుకు 6 సార్ల వరకు కూడా తాగుతారు..అయితే టీ ని ఎక్కువగా తాగడం వల్ల శరీరానికి ఎటువంటి మేలు కలగదు. పైగా అనేక అనారోగ్య సమస్యల బారిన పడాల్సి వస్తుంది. సాధారణ టీ కి బదులుగా మనకు అందుబాటులో ఉండే పదార్థాలతో హెర్బల్ టీ ని తయారు చేసుకుని తాగడం వల్ల మనం అనేక ఆరోగ్య ప్రయోజనాలను సొంతం చేసుకోవచ్చు.నని నిపుణులు చెబుతున్నారు.. ఈ హెర్బల్ టీ ని తయారు చేయడం చాలా సులభం. దీనిని తాగడం వల్ల మనం చక్కటి ఆరోగ్యాన్ని సొంతం చేసుకోవచ్చు. ఎలానో చూద్దాం..

ఈ టీ ని తయారు చేసుకోవడానికి గానూ దాల్చిన చెక్కను, యాలకులను, తులసి ఆకులను, పుదీనా ఆకులను ఉపయోగించాల్సి ఉంటుంది. ముందుగా ఒక గిన్నెలో రెండు కప్పుల నీళ్లు పోసి వేడి చేయాలి. ఇందులోనే ఒక ఇంచు దాల్చిన చెక్క ముక్కను, 10 తులసి ఆకులను, 15 పుదీనా ఆకులను వేసుకోవాలి. తరువాత 2 లేదా 3 యాలకులను దంచి వేసుకోవాలి. ఈ నీటిని ఒక కప్పు అయ్యే వరకు బాగా మరిగించి స్టవ్ ఆఫ్ చేసుకోవాలి. తరువాత ఈ నీటిని వడకట్టుకుని కప్పులోకి తీసుకోవాలి. రుచి కొరకు ఇందులో తేనె, నిమ్మరసం కూడా వేసుకోవచ్చు. ఇలా తయారు చేసుకున్న హెర్బల్ టీ ని టీ తాగినట్టు కొద్ది కొద్దిగా చప్పరిస్తూ తాగాలి. ఈ విధంగా హెర్బల్ టీని తయారు చేసుకుని తాగడం వల్ల శరీరంలో రోగనిరోధక శక్తి పెరుగుతుంది. మనం తరచూ ఇన్ఫెక్షన్ ల బారిన పడకుండా ఉంటాము. చలికాలంలో వచ్చే దగ్గు, జలుబు సమస్యల నుండి ఉపశమనం కలుగుతుంది..

అలాగే ఈ టీని తాగడం వల్ల జీర్ణశక్తి మెరుగుపడుతుంది. మలబద్దకం, గ్యాస్, అజీర్తి వంటి సమస్యలు తగ్గుతాయి. శరీరంలో మలినాలు తొలగిపోతాయి. శరీరం శుభ్రపడుతుంది. ఈ విధంగా హెర్బల్ టీ ని తయారు చేసుకుని తాగడం వల్ల మన ఆరోగ్యానికి ఎంతో మేలు కలుగుతుంది. సాధారణ టీ తాగే వారు దానికి బదులుగా ఇలా హెర్బల్ టీ ని తయారు చేసుకుని తాగడం వల్ల మంచి ఫలితాలను సొంతం చేసుకోవచ్చని నిపుణులు చెబుతున్నారు.. రోజు తాగితే మరిన్ని ప్రయోజనాలు ఉంటాయని నిపుణులు చెబుతున్నారు.. మీరు ట్రై చెయ్యండి..

నోట్ : ఇంటర్నెట్ లో సేకరించిన సమాచారం ఆధారంగా ఈ వార్తను పబ్లిష్ చేస్తున్నాము. ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. తదుపరి జరిగే ఎలాంటి పరిణామాలకు ఎన్టీవీతెలుగు.కామ్ బాధ్యత వహించదు.