Clothes In Rainy Season :వర్షాకాలంలో బట్టలు వెంటనే ఆరిపోవాలంటే..ఈ చిట్కాలను ఫాలో అవ్వాల్సిందే..

దేశ వ్యాప్తంగా భారీ వర్షాలు కురుస్తున్నాయి.. గత కొద్ది రోజులుగా వర్షాలు అస్సలు తగ్గడం లేదు.. ఎంత బయట వర్షాలు కురిసినా కూడా స్నానం చెయ్యకుండా ఉండలేము.. విడిచిన బట్టలను ఉతికి ఫ్యాన్ కింద వేసిన ఆరవు..వాతావరణంలో తేమ శాతం ఎక్కువగా ఉండడం వల్ల బట్టలు త్వరగా ఆరవు. ముఖ్యంగా జీన్స్ వంటి మందపాటి వస్త్రాలు ఆరడానికి సమయం ఎక్కువగా పడుతుంది. అలాగే బట్టలు సరిగ్గా ఆరక వాటి నుండి వాసన కూడా వస్తూ ఉంటుంది. ఈ సమస్యను మనలో ప్రతి ఒక్కరు ఎదుర్కొంటారు. బట్టలను ఆరబెట్టడానికి రకరకాల ప్రయత్నాలు చేస్తూ ఉంటారు. అయితే కొన్ని పద్దతులను పాటించడం వల్ల మనం చాలా సులభంగా బట్టలను ఆరబెట్టుకోవచ్చు.. అవేంటో ఒకసారి చూద్దాం పదండీ..

వాషింగ్ మెషిన్ లో వేసి శుభ్రం చేస్తూ ఉంటారు. దీని వల్ల బట్టలు దాదాపుగా నీళ్లని పిండేసినట్టుగా నే బయటకు వస్తాయి. అదే చేత్తో శుభ్రం చేసుకునే వారైతే బట్టలను పూర్తిగా నీళ్లు లేకుండా పిండేసుకోవాలి. బట్టలను ఆరేసిన తరువాత నీరు కారకుండా చూసుకోవాలి. తరువాత ఈ బట్టలను తీగలపై ఒకదాని పక్కకు ఒకటి వేయాలి. ఒక దానిపై ఒకటి అస్సలు వేయకూడదు. బయట వీలు కాదు కాబట్టి బట్టలు ఆరవేయడానికి తీగలను ఇంట్లోనే కట్టుకోవాలి. ఇలా వీలు కాని వారు బట్టలను ఆరవేసే స్టాండ్ లపై వీటిని ఆరవేయాలి..

అంటే గాలి తగిలే చోట ఆరావెయ్యడం మంచిది..ఇలా చేయడం వల్ల బట్టలు ఆరడంతో పాటు వాసన రాకుండా ఉంటాయి. అదే విధంగా ఆరేసిన బట్టలు వాసన రాకుండా ఇంట్లో చక్కటి వాసన వెదజల్లేలా స్ప్రే చేయాలి లేదా ధూపం వేయాలి. అలాగే బట్టలు చక్కటి వాసన వచ్చేలా ఫ్యాబ్రిక్ కండీష్ నర్ లను వాడాలి… ఇక తేమను త్వరగా పీల్చుకొనేలా కాస్త ఉప్పును కూడా వాడవచ్చు.. అలాగే చిన్న చిన్న బట్టలను హెయిర్ డ్రైయర్స్ లేదా ఐరన్ బాక్స్ ద్వారా కూడా డ్రై చెయ్యొచ్చు.. ఇలాంటి చిన్న టిప్స్ పాటిస్తే ఇక బట్టల త్వరగా ఆరిపోతాయి.. ఒకసారి ట్రై చేసి చూడండి..