Russia: పుతిన్ దేశంలో పెట్రోల్ బంకులు ఖాళీ! రష్యాకు పెట్రోల్ అమ్ముతున్న భారత్..
- Follow Us :
-
-
Add as a preferred
source on google
Russia: అంతర్జాతీయ ఇంధన మార్కెట్లో ఒక అరుదైన, ఊహించని పరిణామం చోటుచేసుకుంది. ప్రపంచంలోనే అతిపెద్ద చమురు ఉత్పాదక దేశాల్లో ఒకటైన రష్యా.. ఇప్పుడు తన దేశీయ అవసరాల కోసం భారతదేశం నుంచి గ్యాసోలిన్ (పెట్రోల్) దిగుమతి చేసుకోవడం ప్రారంభించింది. ఉక్రెయిన్ జరిపిన వరుస డ్రోన్ దాడుల్లో రష్యాకు చెందిన పలు ఆయిల్ రిఫైనరీలు, ఇంధన మౌలిక సదుపాయాలు తీవ్రంగా దెబ్బతినడమే ఇందుకు ప్రధాన కారణం. ప్రముఖ అంతర్జాతీయ వార్తా సంస్థ రాయిటర్స్ ఈ షాకింగ్ వివరాలను వెల్లడించింది.
11 టైమ్ జోన్లలోనూ తీవ్ర కొరత..
ఉక్రెయిన్ దాడుల కారణంగా రష్యాలోని గ్యాసోలిన్ ఉత్పత్తి దాదాపు 25 శాతం పడిపోయింది. దీంతో రష్యాలోని మొత్తం 11 టైమ్ జోన్ల పరిధిలో ఇంధన కొరత ఏర్పడింది. పెట్రోల్ బంకుల వద్ద కిలోమీటర్ల మేర వాహనాలు క్యూ కట్టడం, ధరలు రికార్డు స్థాయికి చేరడంతో ప్రభుత్వం ఇంధన రేషనింగ్ను కూడా అమలు చేస్తోంది. ప్రస్తుతం రష్యాకు రోజుకు కనీసం 1.10 లక్షల టన్నుల గ్యాసోలిన్ అవసరం కాగా.. డిమాండ్కు తగ్గ సప్లై లేకపోవడంతో రష్యా అధ్యక్షుడు వ్లాదిమిర్ పుతిన్ స్వయంగా ఈ కొరతను అంగీకరించారు.
Also Read
- Iran War: ఇరాన్పై 7 రోజుల వైమానిక దాడులకు ప్లాన్? ట్రంప్ నిర్ణయం కోసం నెతన్యాహు ఎదురుచూపులు
- Trump, Putin, Xi Jinping Meet: ట్రంప్, పుతిన్, జిన్పింగ్ చారిత్రాత్మక భేటీ.. 5 కీలక విషయాలు ఇవే!
- Bangladesh: భారత్ నుంచే చుక్కలు చూపిస్తున్న హసీనా.. బంగ్లాదేశ్లో లాక్డౌన్!
- Asteroids: భూమి వైపు దూసుకొస్తున్న 5 గ్రహశకలాలు.. నాసా 48 గంటల పాటు అలర్ట్!
భారత్ నుంచి రష్యాకు చమురు..
ఈ సంక్షోభాన్ని అధిగమించడానికి రష్యా వివిధ దేశాల నుంచి ప్రతి నెలా దాదాపు 4 లక్షల టన్నుల గ్యాసోలిన్ దిగుమతి చేసుకోవాలని ప్లాన్ చేసింది. ఇందులో భాగంగా ఇప్పటికే భారత్ నుంచి కనీసం 60,000 మెట్రిక్ టన్నుల గ్యాసోలిన్తో కూడిన రెండు భారీ నౌకలు రష్యాకు పయనమయ్యాయి. భారతదేశానికి చెందిన ఏ రిఫైనరీ ఈ ఇంధనాన్ని సరఫరా చేసిందనేది మాత్రం ప్రస్తుతానికి గోప్యంగా ఉంచారు. పొరుగు దేశమైన బెలారస్ కూడా రష్యాకు గ్యాసోలిన్ సరఫరాను మూడు రెట్లు పెంచింది. భారత్ నుంచి దిగుమతి చేసుకునే ఇంధనం ఆర్థికంగా భారం కాకుండా ఉండేందుకు రష్యా పార్లమెంట్ తమ పన్ను నిబంధనలలో కీలక సవరణలు చేసింది. భారతీయ రవాణా ఖర్చులు, చమురు ధరలకు అనుగుణంగా దిగుమతి చేసుకునే కంపెనీలకు బడ్జెట్ సబ్సిడీలను అందించేలా కొత్త చట్టాన్ని ఆమోదించింది.
తిరగబడిన అంతర్జాతీయ సమీకరణాలు..
నిజానికి, ఉక్రెయిన్ యుద్ధం ప్రారంభమైనప్పటి నుంచి భారతదేశం రష్యా నుంచి రికార్డు స్థాయిలో ముడి చమురును దిగుమతి చేసుకుంటోంది. జూన్ నెలలో భారత మొత్తం చమురు దిగుమతుల్లో రష్యా వాటా ఏకంగా 50 శాతం దాటింది (రోజుకు 27 లక్షల బ్యారెళ్లు). రష్యా నుంచి తక్కువ ధరకే ముడి చమురును కొనుగోలు చేసి, దానిని శుద్ధి చేస్తున్న భారత్.. ఇప్పుడు అదే రష్యాకు తిరిగి గ్యాసోలిన్ రూపంలో ఇంధనాన్ని ఎగుమతి చేయడం అంతర్జాతీయ రాజకీయాల్లో సంచలనంగా మారింది.
తాజావార్తలు
-
Koti Deepotsavam 2026 Live Day-7 : కోటి దీపోత్సవం ఏడో రోజు.. నేడు త్రిశక్తి మహాపూజ, జోగులాంబ కల్యాణం
-
India Rafale Jets: 4 రాఫెల్ జెట్లు మిస్సింగ్.. బ్రిటీష్ నివేదికపై మాజీ ఎయిర్ మార్షల్ ఫైర్!
-
YS Jagan: రామాయపట్నం పోర్టుకు కస్టమ్స్ గుర్తింపు.. హర్షం వ్యక్తం చేసిన జగన్..
-
Pakistan ISI Honey Trap: విడాకులు తీసుకున్న, నిరుద్యోగ భారతీయ మహిళలే టార్గెట్.. పాకిస్తాన్ ఐఎస్ఐ హనీట్రాప్!
-
CM Revanth Reddy : అమిత్ షాకు రేవంత్ రెడ్డి సవాల్.. ఓవైసీపై పోటీ చేయగలరా.?
ట్రెండింగ్
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!