PM Narendra Modi: బ్రిటన్ ప్రధాని లిజ్ ట్రస్కు ప్రధాని మోడీ ఫోన్.. ఆ అంశాలపై కీలక చర్చ
PM Narendra Modi: ప్రధాని మంత్రి నరేంద్ర మోడీ బ్రిటన్ నూతన ప్రధాని లిజ్ ట్రస్తో ఫోన్లో మాట్లాడారు. ప్రధానిగా బాధ్యతలు స్వీకరించిన ఆమెకు అభినందనలు తెలిపారు. బ్రిటన్లో సుదీర్ఘకాలం పనిచేసిన చక్రవర్తి, క్వీన్ ఎలిజబెత్ మరణం పట్ల సంతాపాన్ని తెలియజేశారు. రెండు దేశాల మధ్య సహకారం గురించి లిజ్ ట్రస్తో చర్చించారు.
CDS General Bipin Rawat: ఆర్మీ స్థావరానికి దివంగత సీడీఎస్ జనరల్ బిపిన్ రావత్ పేరు
“బ్రిటన్ ప్రధాన మంత్రిగా బాధ్యతలు స్వీకరించినందుకు ప్రధానమంత్రి ట్రస్ను అభినందించారు. గతంలో వాణిజ్య కార్యదర్శి, విదేశాంగ కార్యదర్శిగా పని చేసినప్పుడు భారతదేశం-యూకేల మధ్య ద్వైపాక్షిక సంబంధాలకు ఆమె చేసిన సహకారాన్ని కూడా ఆయన ప్రశంసించారు” అని ప్రభుత్వ పత్రికా ప్రకటన తెలిపింది. రోడ్మ్యాప్ 2030 అమలు, వాణిజ్య చర్చలలో సహకారం, రక్షణ, భద్రతా సహకారం, ఇరు దేశాల మధ్య సంబంధాలతో సహా ద్వైపాక్షిక సంబంధాలపై కూడా ఇద్దరు నేతలు చర్చించినట్లు ప్రకటన పేర్కొంది. “భారత్, బ్రిటన్ మధ్య సమగ్ర వ్యూహాత్మక భాగస్వామ్యాన్ని మరింత బలోపేతం చేయడానికి ఇద్దరు నాయకులు కట్టుబడి ఉన్నారు” అని అది పేర్కొంది. భారత ప్రజల తరఫున ప్రధాని మోడీ రాణి ఎలిజబెత్-2 మరణంపై తమ ప్రగాఢ సంతాపాన్ని తెలియజేశారని ఆ ప్రకటన జోడించింది.