Narendra Modi: ప్రపంచంలోనే అత్యంత ప్రజాదరణ కలిగిన నేతగా నరేంద్రమోదీ..

Narendra Modi: భారత ప్రధాని నరేంద్రమోదీ ప్రపంచంలోనే అత్యధిక ప్రజాదరణ కలిగిన నేత అని అమెరికాకు చెందిన కన్సల్టింగ్ సంస్థ ‘మార్నింగ్ కన్సల్ట్’ వెల్లడించింది. ఈ సంస్థ చేపట్టిన సర్వేలో 78 శాతం ఆమోదంతో నరేంద్రమోదీ మోస్ట్ పాపులర్ గ్లోబల్ లీడర్ గా అవతరించారు. ప్రధాని మోదీ మొదటి స్థానంలో నిలవగా జాబితాలో అమెరికా అధ్యక్షుడు జో బిడెన్, ఫ్రెంచ్ అధ్యక్షుడు ఇమ్మాన్యుయేల్ మాక్రాన్, యూకే పీఎం రిషి సునాక్ చోటు సంపాదించారు. వీరంతా మోదీ తర్వాతి స్థానాల్లో ఉన్నారు.

మొత్తం 22 మంది గ్లోబల్ లీడర్లపై ఈ సంస్థ సర్వే నిర్వహించింది. గ్లోబల్ లీడర్ అఫ్రూవల్ సర్వే ఈ ఏడాది జనవరి 26-31 నుంచి సేకరించిన డేటా ఆధారం ఈ ర్యాకింగ్స్ ఇచ్చారు. ప్రతీ దేశంలో వయోజన ప్రజల ఏడు రోజుల సగటును తీసుకుని దీన్ని రూపొందించారు. యూఎస్ ప్రెసిడెంట్ జోబిడెన్ 40 శాతం ప్రజామోదం లభించింది.

Read Also: Baba Ramdev: ఐదు సార్లు నమాజ్ చేస్తారు.. ఆ తరువాత హిందూ యువతులను కిడ్నాప్ చేస్తారు..

యుఎస్-ట్రాకింగ్ సంస్థ వెబ్‌సైట్‌లో పంచుకున్న డేటా ప్రకారం, 78 శాతం మంది ప్రజలు ప్రధాని మోదీని ఆమోదించగా, 18 శాతం మంది ఆయనను తిరస్కరించారు. ప్రధాని మోడీ ఆమోదం రేటింగ్ ఇటీవల పెరిగింది, జనవరి మూడవ వారంలో 79 శాతానికి చేరుకుంది. అమెరికా అధ్యక్షుడు జోబిడైన్ 7వ స్థానంలో ఉన్నారు. 22 దేశాల అధినేతల ర్యాకింగ్స్ లో నార్వే ప్రధాన మంత్రి జోనాస్ గహర్ స్టోర్, దక్షిణ కొరియా అధ్యక్షుడు యూన్ సియోక్-యుల్ మరియు జపాన్ ప్రధాని ఫుమియో కిషిడా చివరి మూడు స్థానాల్లో ఉన్నారు.

మెక్సికో ప్రెసిడెంట్ ఆండ్రెస్ మాన్యుయెల్ లోపెజ్ ఒబ్రాడోర్ 68 శాతం రేటింగ్‌లతో రెండవ స్థానంలో నిలిచారు. స్విట్జర్లాండ్ అధ్యక్షుడు అలైన్ బెర్సెట్ 62 శాతం ఆమోదం రేటింగ్‌తో మూడవ స్థానంలో ఉన్నారు. ఆస్ట్రేలియా ప్రధాని ఆంథోని అల్బనీస్ 58 శాతం ఆమోదంతో 4వ స్థానంలో, బ్రెజిల్ అధ్యక్షుడు లూయిజ్ ఇనాసియో లులా డ సిల్వా 50 శాతం రేటింగ్‌లతో 5వ స్థానంలో, ఇటలీకి ఇటీవల కొత్తగా ఎన్నికైన జాతీయవాద నాయకురాలు జార్జియా మెలోని 52 శాతం రేటింగ్ తో 6వ స్థానంలో, కెనడా ప్రధాని 40 శాతం ఆమోదాలతో 9వ స్థానంలో, UK ప్రధాని రిషి సునక్ 30 శాతం ఆమోదాలతో 12వ స్థానంలో నిలిచారు.