Kim Jong Un: కిమ్ కూతురు ఎలా ఉందో చూడండి.. శాటిలైట్ పరిశీలనకు వచ్చిన తండ్రీకూతుళ్లు
Kim Jong Un: ఉత్తర కొరయా అధినేత కిమ్ జోంగ్ ఉన్ మరోసారి తన కూతురుతో కలిసి అధికారిక కార్యక్రమాల్లో పాల్గొనడం చర్చనీయాంశంగా మారింది. భవిష్యత్ నార్త్ కొరియా అధినేతగా కిమ్ కూతరు ఉండబోతుందనే వార్తల నేపథ్యంలో ఇటీవల కాలంలో పలు సందర్భాల్లో కిమ్ తన కూతురు ‘జూఏ’తో కలిసి క్షిపణి పరీక్షలు, ఇతర కార్యక్రమాలకు హాజరవుతున్నారు. నార్త్ కొరియా కొత్తగా ప్రయోగిస్తున్న స్పై శాటిలైట్ పనులను ఆయన కూతురుతో కలిసి సమీక్షించారు. మంగళవారం ఆయన నాన్-పర్మనెంట్ శాటిలైట్ లాంచ్ ప్రిపరేటరీ కమీటీని కలిశారని నార్త్ కొరియా అధికారిక మీడియా కేసీఎన్ఏ వెల్లడించింది. ఈ సమయంలో ఆయన వెంట కూతురు జూఏ ఉన్న ఫోటోలను విడుదల చేసింది.
Read Also: JP Nadda: అమెరికా, చైనా, జపాన్ ఆర్థిక సంక్షోభాన్ని ఎదుర్కొంటున్నాయి.. కారణం ఇదే..
గత నెల క్రితమే ఈ ఉపగ్రహ ప్రయోగానికి కిమ్ పచ్చ జెండా ఊపాడు. నార్త్ కొరియా కొత్త సాలిడ్ ఫ్యూయల్ ఖండాంతర బాలిస్టిక్ క్షిపణిని ప్రయోగించిన వారం తరువాత ఏప్రిల్ 18న ఈ విషయం వెలుగులోకి వచ్చింది. తాజాగా ఉపగ్రహ ప్రయోగానికి సంబంధించిన వివరాలను శాస్త్రవేత్తల నుంచి కిమ్ అడిగి తెలుసుకున్నాడు. శాటిలైట్ పరీక్షకు సిద్ధంగా ఉందని కేసీఎన్ఏ తెలిపింది. అమెరికా, సౌత్ కొరియాలు ఉద్రిక్తతలను పెంచుతున్నాయని ఆరోపిస్తున్న కిమ్.. అణు ప్రయోగాలను, క్షిపణి ప్రయోగాలను వేగంగా నిర్వహిస్తున్నాడు.
2021లో కిమ్ ఈ కీలక ప్రాజెక్టులో ఈ సైనిక నిఘా ఉపగ్రహం ఒకటి. అయితే దీన్ని ఎప్పుడు ప్రయోగిస్తారనే తేదీని మాత్రం నార్త్ కొరియా వెల్లడించలేదు. నార్త్ కొరియా సొంత టెక్నాలజీ లేదా రష్యా, చైనా నుంచి వచ్చిన సాంకేతికతతో ఈ నిఘా ఉపగ్రహాన్ని తయారు చేస్తున్నట్లు విశ్లేషకులు భావిస్తున్నారు.