Imran Khan: రాజీనామా ప్రసక్తేలేదు.. ఇది విదేశీ శక్తుల కుట్ర..
అవిశ్వాస తీర్మానంపై పోరాటం చేస్తున్న పాకిస్తాన్ ప్రధాని ఇమ్రాన్ ఖాన్ సంచలన వ్యాఖ్యలు చేశారు.. ఇవాళ జాతినుద్దేశించి ప్రసంగించిన ఆయన.. తాను రాజీనామా చేసే ప్రసక్తేలేదని మరోసారి స్పష్టం చేశారు.. తమ ప్రభుత్వాన్ని కూల్చేందుకు విదేశీ శక్తులతో కలసి ముగ్గురు దొంగలు పనిచేస్తున్నారని మండిపడ్డారు.. కొన్ని విదేశాల నుంచి మాకు మెసేజ్లు వస్తున్నాయని తెలిపారు.. విదేశీ శక్తులు కుట్ర చేస్తుంటే.. దేశం లోపల వారికి సహకరించే శత్రువులు కూడా ఉన్నారని, ఇద్దరు కీలక మిత్రపక్షాలు ఫిరాయించిన తర్వాత జాతీయ అసెంబ్లీలో మెజారిటీని కోల్పోయిన ఇమ్రాన్ ఖాన్ ఆరోపించారు. మాకు కొన్ని విదేశాల నుండి సందేశాలు వస్తున్నాయి… ఇమ్రాన్ ఖాన్ పోతే పాకిస్తాన్ను క్షమించమని వారు అంటున్నారని పేర్కొన్నారు.. నన్ను గద్దె దించడంలో విఫలమైతే, పాకిస్తాన్ క్లిష్ట పరిస్థితులను ఎదుర్కోవలసి వస్తుందనే సందేశాలు కూడా వస్తున్నాయని వ్యాఖ్యానించారు.
Read Also: Pawan Kalyan: విద్యుత్ ఛార్జీలపై ఉద్యమం.. ఉచిత విద్యుత్ హామీ ఏమైంది..?
ఇక, ముగ్గురు తొత్తులు ఇక్కడ విదేశీ శక్తులతో కలిసి పని చేస్తున్నారు.. వారు ఇమ్రాన్ ఖాన్ను తొలగించాలని కుట్ర చేస్తున్నారని పేర్కొన్నారు.. ఆదివారం జరిగిన వ్యవహారాలను ప్రస్తావిస్తూ.. ఇమ్రాన్ ఖానే దేశ భవిష్యత్తును నిర్ణయించేదన్నారు.. తను చివరి వరకు పోరాడుతాను అని ప్రకటించారు.. ప్రజలకు సేవ చేయాలనే రాజకీయాల్లోకి రావాలని నిర్ణయించుకున్నానని తెలిపిన ఇమ్రాన్.. రాజకీయాల్లోకి రాకముందు చాలా మందికి తెలియని పేర్లు ఉన్నాయి. కానీ, నా విషయంలో మాత్రం అలా కాదన్నారు.. అల్లా నాపై ఈమాన్ (విశ్వాసం) ఉంచకపోతే నేను రాజకీయాల్లోకి వచ్చేవాడిని కాదన్న ఆయన.. భగవంతుడు నాకు కీర్తి, సంపద, అన్నీ ఇచ్చాడంటే నా అదృష్టం.. ఈ రోజు నాకు ఏమీ అవసరం లేదు, అతను నాకు ప్రతిదీ ఇచ్చాడు, దానికి నేను చాలా కృతజ్ఞుడను. పాకిస్తాన్ నాకంటే 5 సంవత్సరాలు మాత్రమే పెద్దది, నేను స్వాతంత్ర్యం వచ్చిన తర్వాత పుట్టిన మొదటి తరానికి చెందినవాడిని అన్నారు. చిన్నతనంలో పాకిస్తాన్ అగ్రస్థానానికి చేరుకోవడం నాకు గుర్తుంది. మనం ఎలా అభివృద్ధి చెందామో తెలుసుకోవడానికి దక్షిణ కొరియా పాకిస్తాన్కు వచ్చింది, మలేషియా యువరాజులు నాతో పాఠశాలలో చదువుకునేవారు అని గుర్తుచేసుకున్నారు. మిడిల్ ఈస్ట్ మన యూనివర్సిటీలకు వచ్చేది. కానీ, ఇదంతా క్రమంగా మునిగిపోవడాన్ని నేను చూశాను, నా దేశం అవమానించబడటం చూశానన్నారు ఇమ్రాన్.
మరోవైపు.. నాకు ఇండియా, యూఎస్లో చాలా మంది స్నేహితులు ఉన్నారని తెలిపారు ఇమ్రాన్ ఖాన్.. నాకు ఎవరి మీదా ఎలాంటి దురుద్దేశాలు లేవు. నేను వారి విధానాలను ఖండిస్తున్నాను… మేం యూఎస్కి మద్దతు ఇవ్వకపోతే, వారు గాయపడిన ఎలుగుబంటిలా మాపై తిరుగుతారని మాకు చెప్పారని.. 9/11 సమయంలో, యూఎస్లో ఉగ్రవాద సంఘటన జరిగితే, మేం వారికి సహాయం చేయాలని చెప్పాం.. కానీ, అది పోరాడటానికి మా యుద్ధం కాదన్నారు. ఇక, కాశ్మీర్లో అంతర్జాతీయ చట్టాన్ని ఉల్లంఘించినప్పుడు మాత్రమే భారత్తో మా వివాదం అన్నారు.. విదేశీ శక్తులతో పని చేస్తున్న ముగ్గురు తొత్తులు ఇక్కడ కూర్చున్నారు. వారు ఇమ్రాన్ ఖాన్ను తొలగించాలని మరియు ఈ వ్యక్తిని ఈ స్థానంలో తీసుకోవాలని మరియు అప్పుడు అంతా బాగానే ఉంటుందని వారు కోరుకుంటున్నారు. అయితే మోసం చేసిన వ్యక్తి మిమ్మల్ని నడిపించాలని మీరు అనుకుంటున్నారా? ఇమ్రాన్ ఖాన్.