మధ్యప్రాచ్యంలో టెన్షన్.. టెన్షన్ వాతావరణం నెలకొంది. ఇరాన్పై దాడి కోసం అమెరికా భారీ ప్రణాళికలు రచిస్తోంది. తమ దారికి తెచ్చుకునేందుకు అమెరికా తీవ్ర కసరత్తు ప్రారంభించింది. తాజాగా మధ్య ప్రాచ్యంలో బలగాలు మోహరింపు కోసం అగ్ర రాజ్యం భారీ ‘ఎయిర్ బ్రిడ్జి’ని ఏర్పాటు చేసింది. మందుగుండు సామగ్రి, పరికరాలను రవాణా చేసే విమానాల ప్రక్రియ కొనసాగుతోంది. ఇందుకు సంబంధించిన వీడియో వైరల్ అవుతోంది.
ఇప్పటికే ఇరాన్ చుట్టూ అమెరికా యుద్ధ విమానాలు మోహరించాయి. యూఎస్ఎస్ అబ్రహం లింకన్ నౌకతో సహా ఎఫ్-35సీ, ఇఎ-18 ఫైటర్ జెట్లు కూడా ఉన్నాయి. ఇటీవల కరేబియన్లో పనిచేసిన యుఎస్ఎస్ జెరాల్డ్ ఆర్ ఫోర్డ్ కూడా చేరుకుంది. ఎయిర్ అండ్ స్పేస్ ఫోర్సెస్ నివేదిక ప్రకారం.. జర్మనీలోని స్పాంగ్డాహ్లెం ఎయిర్ బేస్, ఇటలీలోని అవియానోఎయిర్ బేస్, సౌత్ కరోలినాలోని మెక్ఎంటైర్ జాయింట్ నేషనల్ గార్డ్ బేస్ నుంచి F-16 ఫైటింగ్ ఫాల్కన్లు మధ్యప్రాచ్యం వైపు కదులుతున్నాయి.
ఇక యూకేలోని లేకెన్హీత్ RAF నుంచి F-15E స్ట్రైక్ ఈగల్స్, వర్జీనియాలోని జాయింట్ బేస్ లాంగ్లీ-యుస్టిస్ నుంచి F-22 రాప్టర్లు కూడా మోహరించాయి. ఈ విమానాలు గతంలో ఇరానియన్ అణు ప్రదేశాలపై దాడులు చేయడమే కాకుండా ప్రత్యేక కార్యకలాపాల్లో కూడా పాల్గొన్నాయి. RC-135 రివెట్ జాయింట్ ఇంటెలిజెన్స్ విమానాలు, P-8 పోసిడాన్ సముద్ర గస్తీ విమానాలు వంటి సహాయక విమానాలను కూడా తరలిస్తోంది. కొన్ని RC-135లు భద్రత కోసం గ్రీకు ద్వీపమైన క్రీట్కు మార్పు చేశారు. మరికొన్ని ఫ్లోరిడా నుంచి ప్రయాణిస్తున్నాయి. బహుళ ఇంధనం నింపే విమానాలు, వైమానిక కమాండ్, నియంత్రణ విమానాలు, ఎలక్ట్రానిక్ కమ్యూనికేషన్ విమానాలు కూడా మోహరింపుల్లో చేరుకోనున్నాయి.
అణు ఒప్పందంపై ఇప్పటికే ఒమన్, జెనీవాలో అమెరికా చర్చలు జరిపింది. కానీ ఇరాన్ దారికి రాలేదు. అణు ఒప్పందం చేసుకునేందుకు నిరాకరించింది. అయితే ఇటీవల ‘బోర్డ్ ఆఫ్ పీస్’ మీటింగ్లో ట్రంప్ మాట్లాడుతూ.. ఇరాన్కు 10 రోజుల సమయం ఇస్తున్నామని ఆ సమయంలోగా డీల్ జరగకపోతే దాడి ఉంటుందని హెచ్చరించారు. కానీ ఇరాన్ ఏ మాత్రం వెనక్కి తగ్గలేదు. అమెరికా దాడిని ఎదుర్కొంటామని.. సముద్రంలోనే నౌకలను ముంచేస్తామని ఇరాన్ వార్నింగ్ ఇచ్చింది. అయితే ఈ వారంలో ఇరాన్పై అమెరికా దాడి చేయొచ్చని వార్తలు వినిపిస్తున్నాయి.
The massive USAF airbridge to support future strikes on Iran continued overnight, with dozens of airlifters moving additional air defense assets and munitions into the Middle East. pic.twitter.com/qIqgc1YjFh
— OSINTtechnical (@Osinttechnical) February 22, 2026