Pakistan Spy Network: నేవీ, రక్షణ సంస్థలే టార్గెట్? ఏపీలో పాక్ స్పై నెట్వర్క్ తీవ్ర కలకలం..
- Follow Us :
-
-
Add as a preferred
source on google
Pakistan Spy Network: ఆంధ్రప్రదేశ్లో పాకిస్థాన్కు చెందిన ఇంటెలిజెన్స్ ఆపరేటివ్స్తో సంబంధాలున్నాయన్న అనుమానంతో కౌంటర్ ఇంటెలిజెన్స్ చేపట్టిన ‘ఆపరేషన్ ఫైర్వాల్–2026’ ఇప్పుడు తీవ్ర కలకలం రేపుతోంది. మొత్తం 18 మందిని అనుమానితులుగా గుర్తించిన అధికారులు.. వీరిలో 13 మంది నేవీ సిబ్బంది ఉన్నట్లు పేర్కొన్నారు. పాక్ ఇంటెలిజెన్స్ ఆపరేటివ్స్తో నేరుగా సంబంధాలు కొనసాగించినట్లు అనుమానిస్తున్న నేపథ్యంలో దర్యాప్తు కొనసాగుతోంది. ఈ ఆపరేషన్లో భాగంగా ఏపీ, కేరళ, మహారాష్ట్ర, కర్ణాటకతో పాటు మొత్తం 10 రాష్ట్రాలు, కేంద్ర పాలిత ప్రాంతాల్లో ఏకకాలంలో సోదాలు నిర్వహించినట్లు సమాచారం. 12 కౌంటర్ ఇంటెలిజెన్స్ బృందాలు ఈ తనిఖీల్లో పాల్గొన్నాయి. అనుమానితుల నుంచి ఎలక్ట్రానిక్ పరికరాలను స్వాధీనం చేసుకుని, వాటిలోని సమాచారాన్ని పరిశీలిస్తున్నట్లు అధికారులు తెలిపారు.
విశాఖపట్నంలోని నేవీ, రక్షణ సంస్థలకు సంబంధించిన సున్నితమైన, రహస్య సమాచారాన్ని లక్ష్యంగా చేసుకుని గూఢచర్యం జరిగిందా..? అనే కోణంలో దర్యాప్తు సాగుతోంది. ఎన్క్రిప్టెడ్ కమ్యూనికేషన్ ఛానళ్ల ద్వారా కీలక సమాచారాన్ని పాక్ ఇంటెలిజెన్స్ ఆపరేటివ్స్కు చేరవేశారా అనే అంశాన్ని కౌంటర్ ఇంటెలిజెన్స్ పరిశీలిస్తోంది. అనుమానితుల్లో ఇద్దరి పాత్రకు సంబంధించి ప్రాథమిక ఆధారాలు లభించినట్లు అధికారులు చెబుతున్నారు.
Also Read
- TGCSB Busts Movie Piracy Gang: థియేటర్లో ఫోన్ కెమెరా.. ఆన్లైన్లో లీక్.. కర్నూలు కుర్రాళ్ల హైటెక్ పైరసీ బాగోతం గుట్టురట్టు..
- Tamil Nadu: రైలు బోగీలో మహిళపై అత్యాచారం-హత్య.. నిందితుడ్ని 6 గంటల్లో పట్టించిన గోల్డ్ రింగ్!
- Delhi: పెళ్లి చేసుకోవాలని ఇన్ఫ్లుయెన్సర్ ఇంట్లోకి చొరబడ్డ యువకుడు.. కొట్టి చంపిన బంధువులు.
- Pakistan ISI Honey Trap: విడాకులు తీసుకున్న, నిరుద్యోగ భారతీయ మహిళలే టార్గెట్.. పాకిస్తాన్ ఐఎస్ఐ హనీట్రాప్!
విశాఖలో సివిలియన్ కాంట్రాక్ట్ డ్రైవర్ అరెస్ట్
ఈ కేసులో విశాఖకు చెందిన సివిలియన్ కాంట్రాక్ట్ డ్రైవర్ అన్నం సాయి వరప్రసాద్ను ఏపీ కౌంటర్ ఇంటెలిజెన్స్ అరెస్ట్ చేసింది. నేవీ, రక్షణ సంస్థలకు సంబంధించిన రహస్య సమాచారాన్ని పాక్ ఆపరేటివ్కు చేరవేసినట్లు ఆయనపై ఆరోపణలు ఉన్నాయి. ఇందుకు ప్రతిఫలంగా డబ్బులు తీసుకున్నారా అనే కోణంలోనూ దర్యాప్తు కొనసాగుతోంది. ఆయనను కోర్టులో హాజరుపరచగా అక్టోబర్ 14 వరకు జ్యుడీషియల్ రిమాండ్ విధించడంతో విశాఖ జిల్లా జైలుకు తరలించారు.
కోయంబత్తూరులో మరో నేవీ ఉద్యోగి అరెస్ట్
ఇదే కేసులో కోయంబత్తూరులో మరో నేవీ ఉద్యోగి ప్రదీప్ ముఖర్జీని కూడా కౌంటర్ ఇంటెలిజెన్స్ అదుపులోకి తీసుకుంది. పాక్ ఇంటెలిజెన్స్ ఆపరేటివ్కు చెందిన వాట్సాప్ యాక్టివేషన్ కోసం OTP షేర్ చేసినట్లు ఆయనపై ఆరోపణలు ఉన్నాయి. అలాగే పాక్ ఇంటెలిజెన్స్ ఆపరేటివ్స్తో కమ్యూనికేషన్, కీలక సమాచారాన్ని చేరవేసిన అంశాలపై అధికారులు విచారణ చేస్తున్నారు. ప్రదీప్ ముఖర్జీని ట్రాన్సిట్ వారెంట్పై కోయంబత్తూరు నుంచి విజయవాడకు తరలించారు. అనంతరం కోర్టు అక్టోబర్ 14 వరకు జ్యుడీషియల్ కస్టడీ విధించడంతో ప్రస్తుతం విజయవాడ జిల్లా జైలులో ఉన్నట్లు సమాచారం.
మిగిలిన అనుమానితులపై దర్యాప్తు
మొత్తం 18 మంది అనుమానితుల్లో మిగిలిన 16 మందికి సంబంధించిన పాత్రపై కౌంటర్ ఇంటెలిజెన్స్ దర్యాప్తు కొనసాగుతోంది. పాక్ ఇంటెలిజెన్స్ ఆపరేటివ్స్తో వారి సంబంధాలు, సమాచార మార్పిడి, ఎలక్ట్రానిక్ పరికరాల వినియోగం, ఆర్థిక లావాదేవీలు వంటి అంశాలను అధికారులు పరిశీలిస్తున్నట్లు తెలుస్తోంది. జాతీయ భద్రతకు సంబంధించిన సున్నితమైన అంశం కావడంతో దర్యాప్తు పురోగతిపై పూర్తి వివరాలను అధికారులు వెల్లడించడం లేదు. అయితే, విశాఖలోని నేవీ, రక్షణ సంస్థలకు సంబంధించిన కీలక సమాచారం బయటకు వెళ్లిందా? ఈ నెట్వర్క్ వెనుక ఇంకా ఎవరెవరి ప్రమేయం ఉంది? అనే కోణాల్లో ‘ఆపరేషన్ ఫైర్వాల్–2026’ దర్యాప్తు కొనసాగుతున్నట్లు సమాచారం.
తాజావార్తలు
-
Koti Deepotsavam 2026 Day-8 Live: నేడు మరో విశేష ఘట్టం.. నరసింహస్వామి మహాభిషేకం.. తులసీ దామోదర కల్యాణం
-
Sanjay Raut: నాగ్పూర్ పేరును దీక్షాభూమిగా మార్చాలి.. ఉద్ధవ్ టీమ్ సంచలన డిమాండ్
-
IndusInd Bank: ఇండస్ఇండ్ మాజీ సీఈఓపై వేటు.. వేతనం వెనక్కి.. కారణం ఇదే..
-
Chandrabose: ‘నాటు నాటు’ ఆస్కార్ పాటకు 19 నెలలు కష్టపడ్డా!
-
Hanuman 2 : వివాదానికి తెరలేపనున్న హనుమాన్ 2 ప్రకటన?
-
Human Skull Found : మొన్న మహిళ కాలు.. నేడు మనిషి పుర్రె.. ఇబ్రహీంపట్నంలో మిస్టరీ
ట్రెండింగ్
-
Traditional Indian Textile Recycling : పాత చీరలతో కొత్త మ్యాజిక్.. మన అమ్మమ్మల ఫ్యాషన్ సీక్రెట్.!
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!
-
Ambati Rayudu: పని చేయాలంటే కోహ్లీలా.. పని చేయించాలంటే ధోనీలా ఉండాలి.!