Reliance: మార్కెట్లో అంబానీ సునామీ.. ఒక్క రోజే రూ. 1.29 లక్షల కోట్లు జంప్!
- Follow Us :
-
-
Add as a preferred
source on google
Reliance: దలాల్ స్ట్రీట్లో రిలయన్స్ ఇండస్ట్రీస్ సృష్టించిన ప్రకంపనలు అంతర్జాతీయ మార్కెట్లను సైతం ఆశ్చర్యపరిచాయి. గత కొద్ది నెలలుగా దాదాపు 28 శాతం మేర పతనమై, ఇన్వెస్టర్లలో ఆందోళన రేకెత్తించిన రిలయన్స్ స్టాక్.. ఒక్క దెబ్బతో తిరిగి తన పూర్వ వైభవాన్ని సంతరించుకుంది. సెప్టెంబర్ త్రైమాసిక ఫలితాల వెల్లడి తర్వాత సోమవారం ట్రేడింగ్ మొదలైన క్షణం నుంచే రిలయన్స్ షేర్లలో కొనుగోళ్ల సునామీ కనిపించింది. ట్రేడింగ్ ప్రారంభమైన కేవలం 45 నిమిషాల్లోనే షేరు ధర ఏకంగా 8 శాతానికి పైగా ఎగబాకి రూ. 1,259 వద్ద గరిష్ట స్థాయిని తాకింది. ఈ ఒక్క రోజు భారీ ర్యాలీతో రిలయన్స్ మార్కెట్ విలువ రూ. 1.29 లక్షల కోట్లకు పైగా పెరిగి, కంపెనీ మొత్తం మార్కెట్ క్యాపిటలైజేషన్ ఏకంగా రూ. 17.04 లక్షల కోట్ల రికార్డు మైలురాయిని దాటేసింది.
ఇటీవల జియో ప్లాట్ఫామ్స్ లిస్టింగ్ తర్వాత కూడా కదలని షేరును కంపెనీ ఆర్థిక ఫలితాలు సరికొత్త ఎత్తుకు చేర్చాయి. దలాల్ స్ట్రీట్ నివేదిక ప్రకారం.. గత ఏడాదితో పోలిస్తే కంపెనీ నికర లాభం 41 శాతం పెరిగి రూ. 25,548 కోట్లకు చేరింది. గతేడాది ఇదే త్రైమాసికంలో ఇది రూ. 18,165 కోట్లుగా నమోదైంది. మొత్తం ఆదాయం 29 శాతం వృద్ధితో రూ. 3.32 లక్షల కోట్లకు పెరిగింది. రిటైల్ విభాగంలో క్విక్ కామర్స్ పోటీ వల్ల స్వల్ప ఒత్తిడి ఉన్నప్పటికీ, ‘ఆయిల్ టు కెమికల్స్’ విభాగం అంచనాలకు మించి రాణించింది. ఈ విభాగం ఎబిట్డా ఏకంగా 68 శాతం ఎగబాకి రికార్డు స్థాయిలో రూ. 25,203 కోట్లను తాకింది. అంతర్జాతీయంగా ఏవియేషన్ టర్బైన్ ఫ్యూయల్, గ్యాస్ ఆయిల్ మార్జిన్లు 3.5 రెట్లకు పైగా పెరగడం సంస్థకు భారీగా కలిసొచ్చింది.
Also Read
- RBI Fact Check: జనవరి 1, 2027 నుంచి కొత్త చెక్బుక్ రూల్స్?.. పాత చెక్బుక్లపై RBI కీలక ప్రకటన
- Diwali Special Trading: దీపావళి వేళ ప్రత్యేక ట్రేడింగ్.. లాభాలతో మొదలై నష్టాలతో ముగిసిన సూచీలు..
- Temple Device: జొమాటో కొత్త బిజినెస్ స్కీమ్.. మండిపడుతున్న డాక్టర్లు!
- Ananya Agarwal: 21 ఏళ్ల వయసులోనే బిజినెస్.. కేవలం 50 రోజుల్లోనే రూ. 15 లక్షల రెవెన్యూ రాబట్టిన కాలేజీ స్టూడెంట్
అంబానీ కంపెనీ చూపించిన ఈ దూకుడుతో ప్రముఖ మార్కెట్ అనలిస్టులు తమ అంచనాలను పెంచేశారు. జెఫరీస్ రిలయన్స్కు ‘బై’ రేటింగ్ కొనసాగిస్తూ రూ. 1,710 టార్గెట్ ధరను నిర్ణయించింది. ప్రస్తుత ధరతో పోలిస్తే రాబోయే రోజుల్లో ఈ షేరు మరో 47 శాతం వరకు పెరిగే అవకాశం ఉందని పేర్కొంది. శీతాకాలంలో చమురు శుద్ధి మార్జిన్లు మరింత బలంగా ఉంటాయని అంచనా వేసింది. ఇక నోమురా.. రిలయన్స్ ఎబిట్డా తమ అంచనాల కంటే 9 శాతం ఎక్కువగా ఉందని చెబుతూ, రూ. 1,560 టార్గెట్తో 34 శాతం అప్సైడ్ ఉంటుందని తెలిపింది. నువామా కంపెనీ నికర అప్పు రూ. 1.17 లక్షల కోట్లతో పూర్తి నియంత్రణలో ఉందని స్పష్టం చేస్తూ రూ. 1,703 టార్గెట్ ఇచ్చింది. భవిష్యత్తులో ప్రారంభం కానున్న ‘న్యూ ఎనర్జీ’ విభాగం లాభాలను మరో స్థాయికి తీసుకెళ్తుందని విశ్లేషించింది. 52 వారాల గరిష్ట స్థాయి రూ. 1,611 కంటే ప్రస్తుత షేరు ధర ఇంకా దిగువనే ఉన్నప్పటికీ, సోమవారం నమోదైన ఈ దూకుడు గత నష్టాలన్నింటినీ పూడ్చివేసి కొత్త రికార్డుల దిశగా పయనించేందుకు బలమైన పునాదిని వేసిందని చెబుతున్నారు.
తాజావార్తలు
-
RBI Fact Check: జనవరి 1, 2027 నుంచి కొత్త చెక్బుక్ రూల్స్?.. పాత చెక్బుక్లపై RBI కీలక ప్రకటన
-
Nvidia CEO Controversy: ‘నేను నా భార్యకు ద్రోహం చేశాను,’.. చైనా గూఢచారితో వివాహేతర సంబంధం నిజమేనన్న ఎన్విడియా సీఈఓ
-
Virat Kohli: కోహ్లీ 100 సెంచరీల వేట.. గిల్, అయ్యర్కు తప్పిన చిక్కు.. గవాస్కర్ ఆసక్తికర వ్యాఖ్యలు!
-
Airtel నుంచి ‘Buy 1 Get 1’ ఆఫర్.. ఆ ప్లాన్స్ తో ఒక్కసారి రీఛార్జ్ చేస్తే రెండుసార్లు ప్రయోజనం..!
-
Pete Hegseth: ‘పీట్ హెగ్సెత్ దిగిపోవాల్సిందే’.. ట్రంప్ ప్రభుత్వానికి డెమోక్రాట్ల షాక్.. అభిశంసనకు సిద్ధం!
ట్రెండింగ్
-
Realme నుంచి పవర్ఫుల్ 5G ఫోన్లు.. 10,000mAh బ్యాటరీ, 200MP కెమెరాతో వచ్చేస్తున్న Realme 17 సిరీస్..!
-
IPL 2027: టీమిండియా పవర్ హిట్టర్పై కన్ను.. గుజరాత్ టైటాన్స్ది పెద్ద ప్లానే!
-
IPL 2027 Trade: డీల్ క్లోజ్.. పంజాబ్ కింగ్స్కు హార్దిక్ పాండ్యా.. మ్యాచ్ విన్నర్ను వదులుకున్న ప్రీతి జింటా!
-
Diwali 2026: అమావాస్య ఎప్పుడొస్తుంది? దీపావళి లక్ష్మీ పూజకు శుభ ముహూర్తం, పూజా విధానం, పూర్తి వివరాలు ఇవే..
-
Diwali Tips: మట్టి ప్రమిదల్లో నూనె త్వరగా అయిపోతోందా? ఈ చిన్న చిట్కాలు పాటించండి..