EPFO WhatsApp Service: EPFO WhatsApp సేవ ప్రారంభం.. ‘Hi’ పంపితే చాలు, PF బ్యాలెన్స్, పాస్బుక్ వివరాలు మీ చేతిలో!
- Follow Us :
-
-
Add as a preferred
source on google
EPFO WhatsApp Service Launched: ఉద్యోగుల భవిష్య నిధి సంస్థ (EPFO) తన కోట్లాది మంది సభ్యులకు మరో కీలక డిజిటల్ సౌకర్యాన్ని అందుబాటులోకి తీసుకొచ్చింది. ఇకపై PF సభ్యులు EPFO వెబ్సైట్లో లాగిన్ అవ్వాల్సిన అవసరం లేకుండా WhatsApp ద్వారానే తమ PF ఖాతా బ్యాలెన్స్, ఇటీవల జరిగిన లావాదేవీలు, పాస్బుక్ వివరాలను తెలుసుకునే అవకాశం కల్పించారు. కేంద్ర కార్మిక, ఉపాధి శాఖ మంత్రి మన్సుఖ్ మాండవీయ ఈ కొత్త డిజిటల్ సేవను ప్రారంభించారు. EPFO 74వ వ్యవస్థాపక దినోత్సవం సందర్భంగా ఈ సేవను అందుబాటులోకి తీసుకొచ్చారు.
WhatsAppలో ‘Hi’ పంపితే చాలు!
EPFO సభ్యులు తమ UANతో రిజిస్టర్ అయిన మొబైల్ నంబర్ నుంచి EPFO అధికారిక WhatsApp సేవకు “Hi” లేదా “Hello” అని సందేశం పంపడం ద్వారా ఈ సేవలను పొందవచ్చు.
Also Read
- Gold Theft Protection: దొంగలు పడినా నో టెన్షన్.. మీ బంగారు నగలకు పూర్తి రక్షణ ఇచ్చే సూపర్ పాలసీ ఇదే!
- Jimmy Tata: టాటా గ్రూప్లో అసలైన ట్విస్ట్.. రతన్ టాటా తమ్ముడి ఎంట్రీతో మారిన లెక్కలు!
- Windfall Tax Hike: కేంద్రం కీలక నిర్ణయం.. డీజిల్ ఎగుమతులపై పన్ను లీటరుకు రూ.14కు పెంపు.. పెట్రోల్పై జీరో డ్యూటీ!
- Indian Employees Emergency Savings: జీతం వస్తేనే జీవనం.. భారత ఉద్యోగుల ఆర్థిక పరిస్థితిపై సంచలన సర్వే..!
WhatsApp నంబర్: +91 8796441800
వెరిఫికేషన్ పూర్తయిన తర్వాత సభ్యులు అందుబాటులో ఉన్న మెనూ ద్వారా వివిధ సేవలను పొందవచ్చు.
అందుబాటులో ఉన్న సేవలు:
EPF/PF ఖాతా బ్యాలెన్స్ తెలుసుకోవచ్చు
ఇటీవల జరిగిన 5 లావాదేవీలను చూడవచ్చు
పాస్బుక్ వివరాలను పొందవచ్చు లేదా డౌన్లోడ్ చేసుకోవచ్చు
EPFO WhatsApp సేవను ఎలా ఉపయోగించాలి?
ఈ సౌకర్యాన్ని ఉపయోగించేందుకు కింది స్టెప్స్ను అనుసరించండి:
Step 1:
ముందుగా మీ UANతో రిజిస్టర్ అయిన మొబైల్ నంబర్లో WhatsApp ఓపెన్ చేయండి.
Step 2:
+91 8796441800 నంబర్కు “Hi” లేదా “Hello” అని మెసేజ్ పంపండి.
Step 3:
తర్వాత EPFO ఆటోమేటెడ్ చాట్బాట్ అందించే సూచనలను అనుసరించండి.
Step 4:
మీ మొబైల్ నంబర్, UANకు సంబంధించిన వివరాలతో అవసరమైన వెరిఫికేషన్ పూర్తి చేయండి.
Step 5:
వెరిఫికేషన్ పూర్తైన తర్వాత మెనూలో మీకు కావాల్సిన సేవను ఎంచుకోండి.
అలా మీరు మీ PF బ్యాలెన్స్, చివరి 5 ట్రాన్సాక్షన్లు, పాస్బుక్ వివరాలను సులభంగా పొందవచ్చు.
కార్యాలయాలకు వెళ్లాల్సిన అవసరం తగ్గించే లక్ష్యం
EPFO 74వ వ్యవస్థాపక దినోత్సవం సందర్భంగా ప్రారంభించిన ఈ కొత్త సేవ ప్రధానంగా సభ్యులకు రోజువారీ సేవలను మరింత సులభతరం చేయడమే లక్ష్యంగా తీసుకొచ్చారు. ఈ విధానం ద్వారా సభ్యులు చిన్న చిన్న సమాచారం కోసం EPFO కార్యాలయాలకు వెళ్లాల్సిన అవసరం తగ్గనుంది. డిజిటల్ సేవలను మరింత వేగంగా, సులభంగా అందించడంలో ఇది కీలక అడుగుగా భావిస్తున్నారు.
ఇనాక్టివ్ ఖాతాల్లో ఉన్న డబ్బుకు ఆటోమేటిక్ క్లెయిమ్
EPFO మరో ముఖ్యమైన సౌకర్యాన్ని కూడా ప్రారంభించింది. నిష్క్రియాత్మకంగా (Inoperative) ఉన్న EPF ఖాతాల్లో రూ.1,000 వరకు ఉన్న బ్యాలెన్స్కు అర్హులైన సభ్యులు ప్రత్యేకంగా క్లెయిమ్ దాఖలు చేయాల్సిన అవసరం లేకుండా ఆటోమేటిక్ సెటిల్మెంట్ ప్రక్రియను ప్రారంభించే విధానాన్ని తీసుకొచ్చారు. ఆధార్తో వెరిఫై అయిన ఇనాక్టివ్ EPF ఖాతాలకు సంబంధించి, నిర్ణీత ప్రక్రియ ప్రకారం సభ్యుడి గుర్తింపు, బ్యాంక్ ఖాతా వివరాల వెరిఫికేషన్ పూర్తైన తర్వాత సెటిల్మెంట్ ప్రక్రియ ఆటోమేటిక్గా ప్రారంభమవుతుంది. ఈ చర్య ద్వారా సుమారు లక్ష ఖాతాలకు సంబంధించిన రూ.5 కోట్ల వరకు ఉన్న మొత్తానికి అర్హులైన లబ్ధిదారులకు ప్రయోజనం కలగవచ్చని అంచనా.
EPFO సభ్యులకు మరింత సులభమైన సేవలు
మొత్తంగా EPFO WhatsApp సేవ ప్రారంభం ద్వారా PF సభ్యులు తమ ఖాతా వివరాలను వేగంగా తెలుసుకునే అవకాశం లభించనుంది. ఒక సాధారణ “Hi” మెసేజ్తోనే PF బ్యాలెన్స్, ఇటీవలి లావాదేవీలు, పాస్బుక్ వివరాలు పొందగలగడం ఈ సేవలో ప్రధాన ఆకర్షణగా నిలుస్తోంది.
EPFO Services on WhatsApp Launched! 💬
Check your EPF Balance, view your last 5 transactions and download your Passbook with just a WhatsApp message.
📲 Scan the QR Code or say Hi at +91 8796441800.
#EPFO #WhatsAppServices https://t.co/AqxDzFJr6E
— EPFO (@officialepfo) November 1, 2026
తాజావార్తలు
-
Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
-
SAFF Championship 2026: తొలిసారి ఫైనల్కు చేరిన పాకిస్థాన్కు షాక్.. SAFF ఛాంపియన్షిప్ 2026 విజేతగా భారత్
-
Astrology: నవంబర్ 18 బుధవారం దినఫలాలు.. ఈ రాశులవారు ఈ పూజ మాత్రం మరవొద్దు..!
-
Koti Deepotsavam 2026 : భక్తజన సందోహం మధ్య కోటి దీపోత్సవం.. కనువిందు చేసిన భద్రకాళీశ్వరుల కల్యాణం
-
OTR : ఎమ్మెల్సీ అభ్యర్థుల ప్రకటనలో బీజేపీ జాప్యం.. అసలు కారణం ఏంటి?
-
OTR: నాయుడుపేటలో టీడీపీకి షాక్.. ఓటమికి అసలు కారణం ఇదేనా?
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!