EDLI Scheme: పీఎఫ్ ఖాతా ఉందా? ఫ్రీగా రూ. 7 లక్షలు పొందే ఛాన్స్!.. ఎలా అంటే?

సంగటిత రంగంలో పనిచేసే ఉద్యోగులకు గొప్ప వరం లాంటిది ఎంప్లాయీస్ ప్రావిడెంట్ ఫండ్ స్కీమ్. దీని ద్వారా ఉద్యోగి రిటైర్ మెంట్ అయిన తర్వాత ఆర్థిక భరోసా కల్పిస్తుంది. అంతే కాదు తన చందాదారులకు ఈపీఎఫ్ఓ సూపర్ బెనిఫిట్స్ ను అందిస్తోంది. పీఎఫ్ ఖాతాదారులకు భారీ ప్రయోజనాలు అందేలా కృషి చేస్తోంది. రూల్స్ ను సరళతరం చేస్తూ కొత్త రూల్స్ ను కూడా ప్రవేశపెడుతోంది. స్కీమ్స్ ద్వారా ఆర్థిక ప్రయోజనాలను అందిస్తోంది. ఈపీఎఫ్ఓ అందించే ఇన్సూరెన్స్ స్కీమ్ ద్వారా పీఎఫ్ ఖాతాదారులు ఉచితంగా రూ. 7 లక్షలు పొందొచ్చు.

ఆ స్కీమ్ మరేదో కాదు ఎంప్లాయీస్ డిపాజిట్ లింక్డ్ ఇన్సూరెన్స్ స్కీమ్. రూ. 15 వేల బేసిక్ పే ఉన్న ఉద్యోగులందరికీ ఇది వర్తిస్తుంది. ఈడీఎల్ఐ స్కీమ్ కోసం పీఎఫ్ ఖాతాదారులు ప్రీమియం చెల్లించాల్సిన అవసరం లేదు. చందాదారుడు మరణిస్తే నామినీకి బీమా డబ్బులు అందిస్తారు. అయితే ఉద్యోగి శాలరీ ఆధారంగా బీమా సొమ్ము అందిస్తారు. సంవత్సర కాలంలో ఉద్యోగి తీసుకున్న నెలవారి సగటు జీతం కంటే ఇది 30 రెట్లు అధికంగా ఉంటుంది. ఈ పథకం పీఎఫ్ ఖాతాదారుడి కుటుంబానికి ఆర్థిక భరోసాను కల్పిస్తుంది.

కాగా ఈపీఎఫ్ఓ చందాదారుడు మరణిస్తే అతని నామినీ బీమా కవరేజీని క్లైయిమ్ చేసుకోవచ్చు. అవసరమైన డాక్యుమెంట్స్ ను ఈపీఎఫ్ కార్యాలయంలో అందించి పొందొచ్చు. డెత్ సర్టిఫికెట్, వారసత్వ ధృవీకరణ పత్రం, బ్యాంక్ డీటెయిల్స్ వంటి తదితర పత్రాలను అందించాల్సి ఉంటుంది. అయితే నామిని వయసు 18 ఏళ్లు కలిగి ఉండాలి. ఈపీఎఫ్ఓ పరిశీలన తర్వాత బీమా సొమ్మును నామినీ ఖాతాలో జమ చేస్తుంది. ఇక జూన్ నుంచి పీఎఫ్ డబ్బులను ఏటీఎంల నుంచి విత్ డ్రా చేసుకునేలా ఈపీఎఫ్ఓ చర్యలు చేపట్టింది.