బిగ్ బాస్ 5 : షన్నుపై పెరుగుతున్న నెగెటివిటీ… ఇదే కారణమా ?

“బిగ్ బాస్‌-5” వీకెండ్ కు వచ్చేసింది. అయితే ఇప్పుడు షో చివరి దశకు చేరుకోగా హౌస్ లో కాజల్, సిరి, సన్నీ, మానస్, షన్ను, సింగర్ శ్రీరామ్ ఉన్నారు. రోజులు గడుస్తున్న కొద్దీ ఎప్పటికప్పుడు కంటెస్టెంట్ లపై ప్రేక్షకుల అభిప్రాయాలు మారిపోతున్నాయి. 100 రోజులకు పైగా వారిని చూడటం వల్ల వారి గురించి ఓ నిర్ణయానికి వచ్చేస్తున్నారు. అయితే ఆ అభిప్రాయం కొన్నిసార్లు పాజిటివ్ అయితే మరికొన్ని సార్లు మాత్రం నెగెటివ్ గా ఉంటోంది. తాజాగా షణ్ముఖ్ జస్వంత్ పరిస్థితి అలాగే మారింది. ఈ సోషల్ మీడియా స్టార్ “బిగ్ బాస్ తెలుగు సీజన్ 5” టాప్ కంటెస్టెంట్స్‌లో ఒకరు. ఫైనల్‌లో టాప్ 3 కంటెస్టెంట్స్‌లో స్థానం సంపాదిస్తాడని అంచనాలు ఉన్నాయి. అయితే గత కొన్ని రోజులుగా అతని ప్రవర్తన ప్రేక్షకుల్లో నెగెటివిటీని తెస్తోంది.

Read Also : రివ్యూ: లక్ష్య

సిరితో షణ్ణు రిలేషన్ సోషల్ మీడియాలో చర్చనీయాంశమైంది. కొన్ని రోజుల క్రితం హౌస్ లోకి అడుగు పెట్టిన సిరి తల్లి ఒకరినొకరు కౌగిలించుకోవడం మానేయమని మొహం మీదే చెప్పేసింది. గత రాత్రి ఎపిసోడ్‌లో ఇతర హౌస్‌మేట్స్ టాస్క్‌లో సిరిని అనుకరిస్తున్నప్పుడు తనకు తగినంత గౌరవం ఇవ్వనందుకు, తన వైపు నిలబడనందుకు షన్ను సిరిపై అరుస్తూ కనిపించాడు. షన్ను ప్రవర్తన పై నెటిజన్లు విరుచుకు పడుతున్నారు. షణ్ణు సిరిని ఎప్పుడు కావాలంటే అప్పుడు ఇన్ఫ్లుయెన్స్ చేస్తున్నాడని, కన్ఫ్యూజ్ చేస్తున్నాడని ఆరోపిస్తున్నారు. మరి ఈ నెగెటివిటి కారణంగా ఆయన పాపులారిటీ దెబ్బతినే అవకాశం ఉంది. అంతేకాకుండా అది పరోక్షంగా అతని టైటిల్ గెలుచుకునే అవకాశాలను ప్రభావితం చేయవచ్చు. మరి ఏం జరుగుతుందో చూడాలి.