దేశంలోని నంబర్-1 ఎలక్ట్రిక్ కారుగా ఎమ్‌జీ విండ్సర్ ఈవీ అవతరించింది. ఇది ఇండియన్ గ్రీన్ కార్ ఆఫ్ ది ఇయర్ 2025 విజేతగా నిలిచింది. ఈ కారు ఎలక్ట్రిక్ విభాగంలో బీఎమ్‌డబ్ల్యూ, బీవైడీ వంటి కంపెనీల మోడళ్లను కూడా అధిగమించింది. ఈ విభాగంలో BMW i5 రెండవ స్థానంలో నిలువగా బీవైడీ మూడవ స్థానానికి పరిమితమైంది.
READ MORE: UP: కన్నౌజ్‌ రైల్వే స్టేషన్‌‌లో కూలిన పైకప్పు.. కొనసాగుతున్న సహాయచర్యలు
దిగ్గజ ఆటోమొబైల్ సంస్థ ఎంజీ మోటార్స్ 2024 సెప్టెంబర్‌లో విండ్సర్ ఈవీని భారత మార్కెట్లో లాంచ్ చేసింది. దీని ప్రారంభ ఎక్స్-షోరూమ్ ధర రూ .9.99 లక్షలు. సరసమైన ధర, ఫీచర్ లోడెడ్ ఎలక్ట్రిక్ వాహనం కొనాలని చూస్తున్న వారికి ఇదో మంచి ఎంపిక. అయితే.. అప్పుడు ఆ కంపెనీ ధరలో ఒక ట్విస్ట్ పెట్టింది. బ్యాటరీని కారు బేస్ ప్రైజ్లో చేర్చలేదు. బ్యాటరీని రెంట్‌కి తీసుకుంటే కిలోమీటరుకు రూ.3.5 యూసేజ్ చార్జీ చెల్లించాల్సి ఉంటుంది. ఈ విధానంతో ప్రారంభ ఓనర్షిప్ కాస్ట్- బ్యాటరీ వినియోగ ఖర్చుల మధ్య ఆసక్తికరంగా మారింది.
READ MORE: Maharashtra: ఎంవీఏ కూటమికి బీటలు.. మున్సిపల్ ఎన్నికల్లో ఒంటరిగా పోటీ చేయాలని శివసేన(యూబీటీ) నిర్ణయం
కాగా.. కంపెనీ ఎంజీ విండ్సర్ ఈవీ బేస్-స్పెక్ వేరియంట్ ఎగ్జైట్ అనేక రకాల ఫీచర్లను అందిస్తుంది. బేస్ స్పెక్ లో విండ్సర్ ఈవీ ఎల్ఈడీ ప్రొజెక్టర్ హెడ్ ల్యాంప్స్, ఎల్ఈడీ డీఆర్ఎల్స్, 17-ఇంచ్ వీల్స్ అమర్చారు. ఫ్లష్ డోర్ హ్యాండిల్స్ ద్వారా ఎక్ట్సీరియర్ డిజైన్ను మరింత మెరుగుపరిచింది సంస్థ. క్యాబిన్ లోపల ఫ్యాబ్రిక్ సీట్లు, 60:40 స్ప్లిట్ రేర్ సీట్ ఉన్నాయి. ఇన్ఫోటైన్మెంట్ సిస్టెమ్ వైర్ లెస్ యాపిల్ కార్ప్లే, ఆండ్రాయిడ్ ఆటోతో కూడిన 10.1-ఇంచ్ టచ్స్క్రీన్ యూనిట్, స్టీరింగ్ మౌంటెడ్ ఆడియో కంట్రోల్స్, మల్టీ యుఎస్బీ పోర్ట్లు, 12వీ పవర్ అవుట్లెట్ కూడా అందుబాటులో ఉన్నాయి.
