Tata Harrier EV: ఎలక్ట్రిక్ కారుగా మార్కెట్లోకి టాటా హారియర్.. ధర, ఫీచర్లు ఇవే
కొత్త కారు కొనాలని అనుకునే వాళ్లు.. అందులో ఎలక్ట్రిక్ కారు కొనాలనుకుంటే టాటా నుంచి మరొక కొత్త ఎలక్ట్రిక్ కారు రిలీజ్ కు రెడీ కానుంది. ఇప్పటికే మార్కెట్లోకి వచ్చిన టాటా హరియర్ కారును ఎలక్ట్రిక్ కారుగా మార్చి మార్కెట్లోకి ప్రవేశపెట్టబోతున్నారు. అయితే ఈ కారుకు సంబంధించిన ఫీచర్లు ఎలా ఉన్నాయో తెలుసుకుందాం. ఇప్పటికే పెట్రోల్, CNG వాహనాలతో మార్కెట్లలో దూసుకుపోతున్న టాటా మోటార్స్.. ఇప్పుడు ఎలక్ట్రిక్ కార్ల తయారీలో కూడా విజృంభిస్తోంది. గతంలో ఈవీ సెగ్మెంట్లో భారీ నష్టాన్ని చవిచూసిన టాటా.. ఇప్పుడు నష్టాల నుంచి తేరుకునేందుకు హారియర్ SUV కారు EV వెర్షన్ను తీసుకురాబోతుంది. ఈ కారుకు ఒక్కసారి ఛార్జ్ చేస్తే దాదాపు 500 కి.మీ. వెళుతుందని సమాచారం తెలుస్తోంది. టాటా హారియర్ EV బోర్న్ ఎలక్ట్రిక్ ప్లాట్ఫారమ్పై ఈ కారును తయారు చేశారు. దీని కారణంగా ఇది హై స్పీడ్ కారు అవుతుంది. ఇది డ్యూయల్ టోన్ కలర్ ఆప్షన్లను పొందుతుంది.
Minister Amarnath: బీజేపీ రాష్ట్ర అధ్యక్షులా.. టీడీపీకి అధ్యక్షులా..?
భద్రత కోసం టాటా హారియర్ EVలో అడ్వాన్స్ డ్రైవింగ్ అసిస్టెంట్ సిస్టమ్ (ADAS)ను ఏర్పాటు చేశారు. రాడార్ టెక్నాలజీ, కెమెరాలు, సెన్సార్లపై పనిచేస్తుంది. రోడ్డు ప్రమాదాల నుంచి కాపాడేందుకు ఈ వ్యవస్థ ఉపయోగపడుతుంది. కారులో డ్రైవింగ్ చేస్తున్నప్పుడు దృష్టి మరల్చినట్లయితే, ఈ సిస్టమ్ ఆటోమేటిగ్గా ఆన్ అవుతుంది. కారు ముందు ఉన్న ఇతర కారు, వ్యక్తి మొదలైన వాటి గురించి డ్రైవర్ను హెచ్చరిస్తుంది.
Online Love Story: ప్రియుడిని పెళ్లాడేందుకు చైనా నుంచి పాకిస్థాన్కు.. సరిహద్దు దాటిన మరో ప్రియురాలు
టాటా హారియర్ కొత్త కారు వెనుక భాగంలో ‘T’ లోగోను కలిగి ఉంది. ఈ కారులో EV డివిజన్ – టాటా ప్యాసింజర్ ఎలక్ట్రిక్ మొబిలిటీ (TPEML) కొత్త సిగ్నేచర్ అందుబాటులో ఉంది. కారులో పనోరమిక్ సన్రూఫ్, వైర్లెస్ ఫోన్ ఛార్జింగ్, రెయిన్ సెన్సింగ్ వైపర్లు ఉంటాయి. అంతేకాకుండా 10.25-అంగుళాల టచ్స్క్రీన్ ఇన్ఫోటైన్మెంట్ సిస్టమ్, ఆండ్రాయిడ్ ఆటో, ఆపిల్ కార్ప్లేతో కూడిన 7-అంగుళాల డిజిటల్ డ్రైవర్ డిస్ప్లే ఉంటుందని పేర్కొన్నారు. కంపెనీ సాధారణ ఛార్జర్ మరియు ఫాస్ట్ ఛార్జర్ రెండింటితో ఛార్జింగ్ ఆప్షన్లతో వస్తోంది.
The Marvels: మళ్ళీ ఏకమవనున్న సమంత, తమన్నా, కాజల్, రకుల్?
టాటా హారియర్ రంగు విషయానికొస్తే.. బ్రాంజ్ వైట్ డ్యూయల్ టోన్ కలర్ స్కీమ్లలో అందుబాటులో ఉంటుంది. కనెక్ట్ చేసే LED DRL స్ట్రిప్ దాని ముందు గ్రిల్ పైన కనిపిస్తుంది. ఇది వెనుక పార్కింగ్ సెన్సార్, కెమెరా, సీట్ బెల్ట్ అలర్ట్ వంటి అధునాతన ఫీచర్లు ఉన్నాయి. అంతేకాకుండా 17-అంగుళాల అల్లాయ్ వీల్స్ మరియు 425 లీటర్ల బూట్ స్పేస్ లభిస్తుందని అంచనా. ఈ కారు లాంచ్ తేదీ, ధర గురించి కంపెనీ ఇంకా ఎలాంటి సమాచారం ఇవ్వలేదు. ఈ కారు 2024 సంవత్సరంలో విడుదల చేయబడుతుందని అంచనా వేస్తున్నారు. మొదటిసారిగా, ఈ కొత్త కారు ఆటో ఎక్స్పో 2023లో కనిపించింది.