హ్యుందాయ్ క్రెటా EV భారతదేశంలో లాంచ్ కావడానికి సిద్ధంగా ఉంది. క్రెటా ఎలక్ట్రిక్ వెర్షన్ 2025 సంవత్సరంలో జరగనున్న భారత్ మొబిలిటీ గ్లోబల్ ఎక్స్‌పోలో మొదటి రోజున ప్రారంభించబడుతుంది. జనవరి 17న హ్యుందాయ్ క్రెటా EV ఇండియాలో లాంచ్ కానుంది. హ్యుందాయ్ క్రెటా EV ఏ ఫీచర్లతో ఇండియా మార్కెట్లోకి వస్తుందో తెలుసుకుందాం.
Read Also: Rewind 2024: భారీ అంచనాలతో వచ్చి బోల్తా కొట్టిన తెలుగు సినిమాలివే
హ్యుందాయ్ క్రెటా EVలో కొత్తగా ఏమి ఉంటుంది..?
హ్యుందాయ్ క్రెటా ఎలక్ట్రిక్ వెర్షన్ దాని పోటీదారుల నుండి చాలా భిన్నంగా ఉంటుంది. ముఖ్యంగా స్టైలింగ్ పరంగా. ఈ కారులో ఉండే ఫీచర్లు కొంచెం అధునాతనంగా ఉంటాయి. కొత్త లుక్ క్లోజ్డ్ గ్రిల్, రెండు బంపర్‌లకు కొత్త డిజైన్.. విభిన్నంగా కనిపించే అల్లాయ్ వీల్స్, EV-ప్రత్యేక బ్యాడ్జ్‌లను ఇందులో చూడవచ్చు.
ఇంటీరియర్‌:
ఈ కారులో మూడు-స్పోక్ స్టీరింగ్ వీల్ ఉంటాయి. స్టీరింగ్ వీల్ కాలమ్ దగ్గర ఉంచబడిన డ్రైవ్ సెలెక్టర్ కంట్రోలర్.. రెండు కప్పుల హోల్డర్‌లతో రీస్టైల్ చేయబడిన సెంటర్ కన్సోల్, ఎలక్ట్రానిక్ పార్కింగ్ బ్రేక్, కూల్డ్ సీట్లు ఉన్నాయి. దీనితో పాటు.. సెంటర్ ప్యానెల్‌లోని HVAC నియంత్రణలు వంటి కొన్ని ఫీచర్లు Alcazar ఫేస్‌లిఫ్ట్ లాగా ఉండవచ్చు. క్రెటా EVలో ఇన్ఫోటైన్‌మెంట్, ఇన్‌స్ట్రుమెంట్ క్లస్టర్ కోసం ట్విన్ స్క్రీన్ సెటప్ ఇంతకుముందులానే ఉంటుంది. అలాగే.. ఇన్ఫోటైన్‌మెంట్‌లో మరిన్ని ఫీచర్లు, అప్‌డేట్ చేయబడిన సాఫ్ట్‌వేర్ ఇంటర్‌ఫేస్ కూడా చూడవచ్చు.
రేంజ్, బ్యాటరీ:
క్రెటా EVలో 45kWh బ్యాటరీ ప్యాక్‌ను చూడవచ్చు. ఇందులో అమర్చిన ఫ్రంట్-యాక్సిల్-మౌంటెడ్ మోటార్ సుమారుగా 138 హెచ్‌పి పవర్, 255 ఎన్ఎమ్ గరిష్ట టార్క్‌ను ఉత్పత్తి చేస్తుంది. ఇందులో అమర్చిన బ్యాటరీ ప్యాక్ పూర్తిగా ఛార్జ్ అయిన తర్వాత 400 కి.మీ కంటే ఎక్కువ రేంజ్ ఇవ్వగలదు.
పోటీ:
హ్యుందాయ్ క్రెటా EV BE 6e, Curvv EVలతో పోటీపడుతుంది. అంతేకాకుండా.. MG ZS EV, మారుతి యొక్క రాబోయే కొత్త EV SUV, E Vitaraతో కూడా పోటీ పడుతుంది. ఇండియాలో లాంచ్ అయిన తర్వాత క్రెటా ఈవీ ఫీచర్లన్నీ వెల్లడవుతాయి.
