Gensol EV: మూడు చక్రాల బుజ్జి కారు.. లాంచ్‌కు ముందే 30 వేల ప్రీ- బుకింగ్స్!

భారతీయ మార్కెట్లో ఎలక్ట్రిక్ కార్లకు డిమాండ్ వేగంగా పెరుగుతోంది. ఈసారి భారత్ మొబిలిటీ గ్లోబల్ ఎక్స్‌పోలో కూడా ఎలక్ట్రిక్ కార్ల హవా కనిపించింది. ఒకవైపు దేశం యొక్క మొట్టమొదటి సౌరశక్తితో నడిచే ఎలక్ట్రిక్ కారు ‘Vayve EVA’ కూడా పరిచయమైంది. మరోవైపు, పూణెకు చెందిన మరో ఎలక్ట్రిక్ కార్ కంపెనీ జెన్‌సోల్ ఈవీకి చెందిన త్రీవీలర్ ఎలక్ట్రిక్ కారు ‘ఎజియో’ కూడా అందరి దృష్టిని ఆకర్శించింది.

READ MORE: Gensol EV: మూడు చక్రాల బుజ్జి కారు.. లాంచ్‌కు ముందే 30 వేల ప్రీ- బుకింగ్స్!

జెన్‌సోల్ ఈవీ(Gensol EV) దాని రెండు ఎలక్ట్రిక్ వాహనాలైన జెన్సోల్ ఎజియో ఎలక్ట్రిక్ (Ezio), Ezibot (కార్గో వాహనం)తో దేశీయ మార్కెట్లోకి ప్రవేశించడానికి సిద్ధమవుతోంది.ఎజియో మూడు చక్రాలు కలిగిన చిన్న ఎలక్ట్రిక్ కారు. ఈ బుజ్జి ఎలక్ర్టిక్ కారును ఆటో ఎక్స్‌పోకు వచ్చిన వాళ్లు ఆశ్చర్యంగా చూస్తూ ఉండిపోయారు. దీని పొడవు 3035 మిమీ, వెడల్పు 1550 మిమీ, ఎత్తు 1675 మిమీ. దీని వీల్‌బేస్ 2050 మి.మీ. ఈ కారులో 250 లీటర్ల బూట్ స్పేస్ కూడా ఉందని కంపెనీ పేర్కొంది.

READ MORE: Thandel: ‘చై’కి అమీర్ ఖాన్ సపోర్ట్

ఈ కారులో మొత్తం ఇద్దరు కూర్చునే ఏర్పాటు చేశారు. ఈ ఏడాది జూలై నుంచి డిసెంబరు వరకు ఎజియోను లాంచ్ చేసేందుకు కంపెనీ ప్రయత్నిస్తోంది. ముందుగా బెంగళూరు, ఆ తర్వాత ఢిల్లీలో దీన్ని ప్రారంభించనున్నారు. కేవలం రెండు సీట్లను కలిగిన ఈ కారుకు మార్కెట్లో విపరీతమై డిమాండ్ ఉంది. లాంచ్ కాకముందే చాలా మంది ముందుగా బుకింగ్ చేసుకున్నారు. దీంతో పాటు మరో కార్గో మోడల్ Ezibotను కూడా విడుదల కాబోతుంది. ECO ఎలక్ట్రిక్ కార్, ECOBOT కార్గో ప్లాట్‌ఫారమ్ పేరుతో వస్తున్న ఈ వాహనాలను దాదాపు 30,000 మంది బుకింగ్ చేసుకున్నారు.