Road Accident: కోనసీమలో ఘోర రోడ్డు ప్రమాదం.. ఇద్దరు విద్యార్థులు మృతి

Two Students Died In Konaseema Dist Road Accident: అంబేద్కర్ కోనసీమ జిల్లాలో ఘోర రోడ్డు ప్రమాదం చోటు చేసుకుంది. బైక్‌లో వెళ్తున్న ముగ్గురు యువకులు కారుని తప్పించబోయి, ఎదురుగా వస్తున్న లారీని ఢీకొట్టారు. ఈ ఘటనలో ఇద్దరు యువకులు అక్కడికక్కడే మృతిచెందగా.. మరొకరికి తీవ్ర గాయాలయ్యాయి. ఆ వివరాల్లోకి వెళ్తే.. అమలాపురంలోని శ్రీ చైతన్య ఎడ్యుకేషన్ ఇనిస్టిట్యూట్‌లో చదువుకుంటున్న ముగ్గురు విద్యార్థులు, ఈరోజు కాలేజీలో ప్రాక్టికల్స్‌కు వెళ్లారు. ప్రాక్టికల్స్ అయ్యాక ముగ్గురు తిరిగి ఇంటికి బైక్‌లో బయలుదేరారు. అయినవిల్లి మండలం నేదునూరు పెదపాలెం వద్దకు చేరుకున్నప్పుడు.. తమ ముందున్న కారుని తప్పించబోయేందుకు ప్రయత్నించారు. అయితే.. ఈ ప్రయత్నంలో ఎదురుగా వస్తున్న లారీని వీళ్లు గమనించలేకపోయారు. సునాయాసంగా దాటేయొచ్చని అనుకున్నారు.

Boat Accident: ఇటలీ తీరంలో విషాదం.. శరణార్థుల పడవ మునిగి 34 మంది మృతి

కానీ.. ఆ యువకులు నేరుగా వెళ్లి లారీని గుద్దేశారు. అతివేగంతో వాళ్లు బైక్‌ నడపడంతో.. బలంగా లారీని ఢీకొట్టారు. ఈ ప్రమాదంలో ఇద్దరు యువకులు స్పాట్‌లోనే మరణించారు. మృతి చెందిన విద్యార్థుల్ని ఎన్. నరేంద్ర, ఎన్. రాజేష్‌గా గుర్తించారు. ఎన్ నరేంద్ర కొత్తపేట మండలం ఖండ్రిగ గ్రామానికి చెందినవాడు కాగా.. ఎన్. రాజేష్ అంబాజీపేట మండలం ముక్కామల గ్రామానికి చెందినవాడు. చిన్న వయసులోనే తమ పిల్లలు తిరిగిరాని లోకాలకు వెళ్లిపోవడంతో.. నరేంద్ర, రాజేష్ కుటుంబాల్లో విషాదఛాయలు అలుముకున్నాయి. తల్లిదండ్రులు, బంధువులు కన్నీటిపర్యంతమవుతున్నారు. మరోవైపు.. గాయపడిన మరొక యువకుడ్ని ఆసుపత్రికి తరలించి, చికిత్స అందిస్తున్నారు. ఈ ఘటనపై పోలీసులు కేసు నమోదు చేసి, దర్యాప్తు చేస్తున్నారు.

Ritika Singh: న్యూడ్ ఫోటోల కలకలం.. రితికా సింగ్ కలవరం