TTD: హాట్‌ కేకుల్లా శ్రీవారి దర్శన టికెట్లు.. గంటన్నరలో ఏప్రిల్‌ కోటా మొత్తం బుకింగ్‌

TTD: కొలిచినవారి కొంగు బంగారం, కలియుగ ప్రత్యక్ష దైవం తిరుమల శ్రీ వేంకటేశ్వరస్వామి దర్శనానికి భక్తులు క్యూ కడతారు.. సీజన్‌తో సంబంధం లేకుండా తిరుమల గిరులు నిత్యం భక్తుల రద్దీతో కిటకిటలాడుతూనే ఉంటాయి.. ఇక, ఏదైనా ప్రత్యేక సందర్భం వచ్చిందంటే.. సెలవులు వచ్చాయంటే భక్తుల గురించి ప్రత్యేకంగా చెప్పాల్సిన అవసరంలేదు.. అయితే, ఆన్‌లైన్‌లోనూ శ్రీవారి దర్శనానికి సంబంధించిన టికెట్లు హాట్‌ కేకుల్లా అమ్ముడుపోతున్నాయి.. ఈ రోజు ఉదయం 11 గంటలకు రూ. 300 ప్రత్యేక దర్శన టికెట్లను విడుదల చేసింది తిరుమల తిరుపతి దేవస్థానం.. ఏప్రిల్‌ మాసానికి సంబంధించిన 3.26 లక్షల టికెట్లను అమ్మకానికి ఆన్‌లైన్‌లో పెట్టారు టీటీడీ అధికారులు.. అయితే, కేవలం గంటన్నర వ్యవధిలోనే ఏప్రిల్‌ కోటా మొత్తం టికెట్లను బుక్‌చేసుకున్నారు భక్తులు. కాగా, వేసవి సెలవుల నేపథ్యంలో ఏప్రిల్‌ నెల కోటా టికెట్లకు భారీ ఎత్తున డిమాండ్‌ ఉండే అవకాశం ఉందని ముందే అంచనా వేశారు అధికారులు.. దానికి తగ్గట్టుగానే కేవలం గంటన్నర వ్యవధిలో 3.26 లక్షల టికెట్లను బుక్‌ చేసుకున్నారు భక్తులు. అయితే, గతంలో 45 నిమిషాల లోపు కూడా మొత్తం కోటా టికెట్లు బుక్‌ చేసుకున్న సందర్భాలు లేకపోలేదు.

Read Also: RK Roja: ఆ నలుగురు ఎమ్మెల్యేలకు రోజా సవాల్‌.. దమ్మంటే రాజీనామా చేయండి..!