Macherla Police Blackmail: వీడు పోలీసేనా..? లవర్స్‌ ఏకాంత వీడియోలు తీసి బ్లాక్‌ మెయిల్‌.. కోరిక తీర్చాలని వేధింపులు..!

Macherla Police Blackmail: పల్నాడు జిల్లాలో ఓ పోలీస్ వ్యవహాశైలి‌ సంచలనంగా మారింది. మాచర్లలో ఏఎస్సైగా పనిచేస్తున్న సదరు పోలీస్ ఏకాంతంగా ఉన్న జంటలను టార్గెట్ చేసి వీడియోలు తియ్యడం, తర్వాత బెదిరించి డబ్బులు వసూలు చేస్తున్నట్లు ఆరోపణలున్నాయి. అంతటితో ఆగని ఆ పోలీస్ తన కోరిక తీర్చాలంటూ వేధిస్తున్నాడట. ఏఎస్సై వీడియోలు సోషల్ మీడియాలో హల్ చల్ చేస్తున్నాయి. మాచర్ల నియోజకవర్గంలోని పర్యాటక ప్రాంతాలకు వచ్చే ప్రేమికులను ఇలా బెదిరించి డబ్బులు వసూలు చేస్తున్నట్లు తెలుస్తుంది. మాచర్ల మండలం జమ్మలమడకకు చెందిన ఓ ఆటోడ్రైవర్ సహాయంతో వీడియోలు తీయిస్తున్నారు. సన్నిహితంగా ఉన్న వీడియోలు తీసి బెదిరించి విడతలవారీగా డబ్బులు వసూలు చేస్తున్నారు. మరో ఎస్సై, కానిస్టేబుల్ కూడా ఇదే తరహాలో వ్యవహరిస్తున్నట్లు పెద్దఎత్తున ప్రచారం జరుగుతుంది. ఓ వ్యాపారి మహిళతో సన్నిహితంగా ఉన్న సమయంలో వీడియో తీసి బ్లాక్ మెయిల్ చేసి పెద్ద ఎత్తున డబ్బులు వసూలు చేసినట్లు ప్రచారం జరుగుతుంది.

Read Also: Anushka Shetty: అనుష్క ‘ప్రమోషన్’ పంతం వీడనుందా?