Andhra Pradesh: మొదటి సూది మీకే వేస్తా.. మంత్రి రోజాకు చిన్నారి సమాధానం
- Follow Us :
-
-
Add as a preferred
source on google
ఏపీలో గడప గడపకు మన ప్రభుత్వం కార్యక్రమం కొనసాగుతోంది. ఈ నేపథ్యంలో బాలాజీ జిల్లాలో మంత్రి రోజా పర్యటిస్తున్నారు. వడమాలపేట మండలం ఎస్వీపురం గ్రామంలో మంగళవారం నాడు గడప గడపకు మన ప్రభుత్వం కార్యక్రమంలో ఆమె పాల్గొన్నారు. ఈ సందర్భంగా ప్రతి ఇంటికి వెళ్లి ప్రభుత్వం అందిస్తున్న పథకాలను మంత్రి రోజా వివరించారు.
ఓ ఇంటి దగ్గర మంత్రి రోజా ప్రభుత్వ పథకాలను వివరిస్తూ ఓ అమ్మాయిని పిలిచి అమ్మఒడి పథకం వస్తుందని.. పెద్దయ్యాక ఏమవుతావు అని అడిగారు. డాక్టర్ అవుతావా, లాయర్ అవుతావా, యాక్టర్ అవుతావా, పొలిటీషియన్ అవుతావా అని ప్రశ్నించారు. అయితే ఆ చిన్నారి సిగ్గుపడుతూ డాక్టర్ అవుతానని సమాధానం చెప్పింది. డాక్టర్ అయ్యాక మొదటి సూది మీకే వేస్తాను అని చిన్నారి చెప్పడంతో మంత్రి రోజా సహా అక్కడున్న వారందరూ నవ్వుకున్నారు. కాగా ఈ వీడియో సోషల్ మీడియాలో వైరల్ అవుతోంది.