అమ్మకి అరుదైన గౌరవం… కూతురు ఏం చేసిందంటే..

భార్య అంటే తనలో సగం. కష్టసుఖాల్లో తోడూనీడగా ఆమె భర్తకు వెన్నంటి వుంటుంది. ఎక్కడో పుట్టి, ఎక్కడో పెరిగి వివాహం అనే మూడుముళ్ళు, ఏడడుగులతో భర్తతో పాటు పుట్టింటిని వదలి మెట్టినింటికి అడుగులు వేస్తుంది. అక్కడ ఏ కష్టం వచ్చినా భర్త అడుగుజాడల్లోనే నడుస్తోంది. భర్తకి కష్టం వస్తే ఆమె ఓదారుస్తుంది. భర్తతోటిదే లోకంగా బతుకుతుంది. కానీ, విధి వైచిత్రితో ఆ భార్య దూరం అయితే ఆ భర్త వేదనకు అంతే వుండదు. ఆమె గురుతులతో కాలం వెళ్ళదీస్తాడు. కానీ ఒక కూతురు తల్లిని మరిచిపోలేక తల్లిని పోలినట్టుగా వుండే విగ్రహాన్ని తయారుచేయించింది. తండ్రికే బహుమతిగా ఇచ్చి అమ్మప్రేమను చాటుకుంది.

విజయవాడలో ఓ కూతురు చేసిన పని అందరినీ ఆకట్టుకుంటోంది. సిలికాన్ వ్యాక్స్ తో తల్లి నిలువెత్తు విగ్రహం చేయించింది. ఏడాదిన్నర క్రితం అనారోగ్యంతో చనిపోయిన అమ్మ అన్నపూర్ణమ్మ గురుతుల్ని మరిచిపోలేక ఆమెకు నిలువెత్తు విగ్రహం చేయించింది. సిలికాన్ వ్యాక్స్ తో రూపుదిద్దుకున్న ఈ విగ్రహం అందరినీ ఆకట్టుకుంటోంది. ఒంటరిగా ఉన్న తండ్రికి, తల్లి పుట్టిన రోజు సందర్భంగా విగ్రహం బహుమతిగా ఇచ్చింది ఆ కూతురు. అచ్చం మనిషి రూపంలో ఉన్న విగ్రహాన్ని చూసి సంతోష పడుతున్నారు కుటుంబసభ్యులు. కూతురుని చేసిన పనికి ఉబ్బితబ్బిబవుతున్నా. భార్య మెమరీస్ గుర్తుచేసుకుంటున్నాడు ఆ భర్త. ఆమె బర్త్ డే సందర్భంగా కుటుంబం అందించిన నిజమైన నివాళి ఈ విగ్రహం.