Vegetable Market: గుంటూరు జిల్లాలో మరోసారి కూరగాయల హోల్ సేల్ మార్కెట్ వివాదం తెర పైకి వచ్చింది. హైవే పక్కన సొంత స్థలంలో హోల్ సేల్ మార్కెట్ ని కొల్లి శారద మార్కెట్ లోని పాత వ్యాపారులు ఏర్పాటు చేసుకున్నారు. హైవే పక్కన స్థలంలో మార్కెట్ ఏర్పాటుకు కోర్టు అనుమతి లేదని పేర్కొనింది. కోర్టు ఆదేశాలతో పాత వ్యాపారులు ఏర్పాటు చేసుకున్న మార్కెట్ ను కార్పోరేషన్ సిబ్బంది తొలగించింది.
Read Also: Shimron Hetmyer: మ్యాచ్ ఓడినా భారీ రికార్డ్ సృష్టించిన విండీస్ ప్లేయర్..!
అయితే, మరోసారి కోర్టును పాత వ్యాపారులు ఆశ్రయించారు. తమ సొంత స్థలంలో మార్కెట్ ఏర్పాటు చేసుకున్న తొలగించడంపై ఆగ్రహం వ్యక్తం చేశారు. కార్పోరేషన్ పై కోర్టులోనే తేల్చుకోవడానికి ఓల్డ్ వ్యాపారులు సిద్ధమైనట్లు పేర్కొన్నారు. కొల్లి శారదా మార్కెట్ కు తిరిగి వచ్చేందుకు పాత వ్యాపారులు విముఖత వ్యక్తం చేస్తున్నారు. కొల్లి శారదా హోల్ సేల్ మార్కెట్ లో షాపులకు 7 నెలల క్రితం కార్పొరేషన్ వేలం పాట నిర్వహించింది. అధిక ధరలకు షాపులను కొత్త వ్యాపారులు దక్కించుకోవడంతో కొత్త మార్కెట్ ను ఓల్డ్ వ్యాపారులు ఏర్పాటు చేసుకున్నారు.
