నేడు కొండపల్లి మున్సిపల్ చైర్మన్ ఎన్నిక…

నేడు కొండపల్లి మున్సిపల్ చైర్మన్ ఎన్నిక జరగనుంది. హైకోర్టు ఆదేశాలతో మూడోసారి.. ఈరోజు ఉదయం 10:30కు కౌన్సిల్ సమావేశం ప్రారంభం కానుంది. మొదటిగా సభ్యుల ప్రమాణ స్వీకారం అనంతరం చైర్మన్ ఎన్నిక జరుగుగుతుంది. ఎక్స్ అఫీషియో సభ్యుడిగా సమావేశానికి హాజరు కావాలంటూ ఎన్నికల అధికారి నుంచి కేశినేని నానికి సమాచారం అదింది. మున్సిపల్ చైర్మన్ ఎన్నిక సందర్భంగా గొల్లపూడి, ఇబ్రహీంపట్నం, కొండపల్లి ప్రాంతాల్లో ఉద్రిక్తత పరిస్థితులు వచ్చాయి. గత రెండు రోజుల నుంచి జరుగుతున్న పరిణామాల నేపథ్యంలో అక్కడ భారీ బందోబస్తు ఏర్పాటు చేసారు పోలీసులు. తమ తరఫున గెలిచిన అభ్యర్థులను ఎమ్మెల్యే వసంత కృష్ణ ప్రసాద్ ప్రలోభాలకు గురిచేస్తున్నారంటున్నారు టీడీపీ లీడర్లు.

అయితే కేశినేని నానికి ఓటేసే అర్హతే లేదంటుంది వైసీపీ. పోటాపోటీగా వైసీపీ, టీడీపీ క్యాంప్ రాజకీయాలు కొనసాగుతున్నాయి. గొల్లపూడి దేవినేని ఉమా నివాసంలో టీడీపీ క్యాంప్ ఏర్పాటు చేసారు. ఎమ్మెల్యే కృష్ణ ప్రసాద్ స్వగ్రామం ఐతవరంలో వైసీపీ క్యాంప్ ఏర్పాటు చేసారు. కొండపల్లి మున్సిపాలిటీలో మొత్తం 29 వార్డులు ఉండగా… 14 వార్డులు వైసీపీ, 14 వార్డులు టీడీపీ గెలిస్తే ఒక వార్డులో ఇండిపెండెంట్ గెలిచారు. అయితే ఆ గెలిచిన ఇండిపెండెంట్ అభ్యర్థి లక్ష్మి టీడీపీకి మద్దతు పలికింది. అయితే ఆఖరి నిమిషంలో అధికారపక్షం ఎటువంటి ఎత్తులు వేస్తుందోనన్న టెన్షనులో టీడీపీ నేతలు ఉన్నట్లు తెలుస్తుంది.