వాళ్ల వల్లే… టీడీపీకి 23 స్థానాలు : కొడాలి నాని

తాడేపల్లి : టీడీపీ అధినేత చంద్రబాబుపై కొడాలి నాని మరోసారి ఫైర్‌ అయ్యారు. టీడీపీ హయాంలో రైతలను చాలా ఇబ్బందులకు గురి చేశారని… రైతులు కొట్టిన చావు దెబ్బకు టీడీపీ 23 స్థానాలకు పరిమితం అయిందని చురకలు అంటించారు. చంద్రబాబు ఎప్పుడైనా 21 రోజుల్లో ఒక రైతుకు అయినా ఐదు రూపాయలు చెల్లించారా?? అని ప్రశ్నించారు. ధాన్యం కొనుగోళ్ళకు డబ్బులు ఇవ్వడం లేదని చంద్రబాబు విమర్శిస్తున్నారని…చంద్రబాబు గత ఐదేళ్ల పాలనలో ఏడాదికి సగటున 55 లక్ష మెట్రిక్ టన్నుల ధాన్యాన్ని కొనుగోలు చేశారని తెలిపారు.

read also : రేపు సీఎం వైఎస్‌ జగన్‌ పోలవరం పర్యటన

మేము వచ్చిన తర్వాత సగటున ఏడాదికి 83 లక్షల మెట్రిక్ టన్నుల ధాన్యాన్ని కొనుగోలు చేస్తున్నామని తెలిపారు. ఏడాదికి సగటున 8,500 కోట్లు ధాన్యం కొనుగోళ్ళకు చెల్లిస్తే..మేము వచ్చిన తర్వాత ఏడాదికి 1600 కోట్లు చెల్లిస్తున్నామని ప్రకటించారు. రైతులకు సోమ, మంగళ వారాల్లో 1600 కోట్లు రైతుల ఖాతాల్లో జమ చేస్తున్నామన్నారు. ఈ నెలాఖరు లోపు రైతులకు మొత్తం బకాయిలు చెల్లిస్తామని హామీ ఇచ్చారు.