Kurnool: విలువ తెలిసిన వాళ్ళకి దొరకదు. దొరికిన వాళ్లకి విలువ తెలియదు అన్నట్లు.. పెళ్లికాక కొందరు బాధపడుతుంటే.. పెళ్లి చేసుకుని నమ్మి వెంట వచ్చిన భార్యను చిత్రహింసలు పెట్టి అర్ధాయుష్షుతో తనువు చాలించేలా చేస్తున్నారు మరికొందరు. కన్నవాళ్ళను వదిలి కట్టుకున్న భర్తే జీవితం అనుకుని వచ్చిన భార్యను వరకట్నం కోసం వేధిస్తున్నారు. వేధింపులు తాళలేని మహిళలు తనువు చాలిస్తున్నారు. వరకట్నం వేధింపులతో మహిళలు ఆత్మహత్యలు చేసుకున్న ఘటనలు గతంలో కోకొల్లలు. అలానే చట్టం తన పని తాను చేసుకుపోతుంది.. నిందితులకు ఏనాటికైనా శిక్ష పడుతుంది. న్యాయస్థానం కేసు నమోదైన సంవత్సరాల తరువాత నిందితులను శిక్షించిన ఘటనలు కోకొల్లలు. అలాంటి ఘటనే మరోసారి తాజాగా కర్నూలులో వెలుగు చూసింది.
వివరాలలోకి వెళ్తే.. కర్నూలు జిల్లా లోని జోహారాపురంలో షాజహాన్ బీ అనే మహిళను వరకట్నం కోసం తన భర్త ముక్తార్ బాష వెంధించాడు. కాగా భర్త వేధింపులు తాళలేక షాజహాన్ బీ 2017 లో ఆత్మహత్య చేసుకుని మృతి చెందింది. ఈ నేపథ్యంలో మృతురాలి తల్లిదండ్రుల ఫిర్యాదు మేరకు ఆమె భర్త ముక్తార్ భాష పైన కేసు నమోదు చేశారు పోలీసులు. ఈ నేపథ్యంలో కేసు విచారణ కొనసాగుతూ వచ్చింది. అయితే ముక్తార్ బాష పై ఆరోపణలు ఋజువుకావడంతో 6 ఏళ్ళ తరువాత తాజాగా అతనికి న్యాయస్థానం శిక్ష విధించింది. కాగా ముక్తార్ బాషాకు 3 సంవత్సరాల జైలు శిక్ష తో పాటుగా 50 వేలు జరిమానా విధించారు కర్నూలు ఫోర్త్ అదనపు సెషన్స్ జడ్జి.
