CM Chandrababu: పార్టీ నేతలతో సీఎం చంద్రబాబు టెలీ కాన్ఫరెన్స్..

పార్టీ నేతలతో ముఖ్యమంత్రి చంద్రబాబు నాయుడు టెలీ కాన్ఫరెన్స్ నిర్వహించారు. నామినేటెడ్ పదవుల భర్తీ, అభ్యర్థుల ఎంపికపై దిశా నిర్దేశం చేశారు. పార్టీ కోసం కష్టపడిన వారికి ప్రాధాన్యత ఇస్తామని సీఎం వెల్లడించారు. అంతేకాకుండా.. జిల్లా నేతలు, మంత్రుల అభిప్రాయాలను సీఎం చంద్రబాబు తెలుసుకున్నారు. ఈ నెలాఖరులోగా లేదా వచ్చే నెల మొదటి వారంలో భారీగా నామినేటెడ్ పదవులు ఇస్తామని అన్నారు.

Read Also: Andhra Pradesh: అమావాస్య ఎఫెక్ట్..! వెలవెల బోతున్న రిజిస్ట్రేషన్ ఆఫీసులు..

టెలీ కాన్ఫరెన్స్‌లో భాగంగా.. ప్రతి జిల్లా పరిస్థితి అడిగి తెలుసుకున్నారు ముఖ్యమంత్రి చంద్రబాబు.. పదవులు పొందిన వారు పార్టీ కోసం కష్టపడాలని సీఎం సూచించారు. పదవులు వచ్చాయి కదా అని.. రిలాక్స్ అవ్వద్దు ముఖ్యమంత్రి పేర్కొన్నారు. వ్యవసాయ మార్కెట్ కమిటీ, ప్రాథమిక వ్యవసాయ సహకార సంఘం, దేవాలయ పాలక మండళ్లుతో సహా అన్ని పదవులు వస్తాయని చంద్రబాబు ఈ సందర్భంగా తెలిపారు. కాగా.. టెలీ కాన్ఫరెన్స్‌లో సీనియర్ నేతలు, జిల్లా నేతలు, మంత్రులు, ఎంపీలు పాల్గొన్నారు.

Read Also: Rythu Maha Dharna: నల్లగొండలో ముగిసిన రైతు మహాధర్నా.. భారీగా తరలివచ్చిన జనం