Heavy Rain Alert: ఏపీ వైపు దూసుకొస్తున్న వాయుగుండం.. టోల్ఫ్రీ నంబర్లు ఏర్పాటు.. అధికారులకు కీలక ఆదేశాలు..
- Follow Us :
-
-
Add as a preferred
source on google
Heavy Rain Alert: ఆంధ్రప్రదేశ్ వైపు వాయుగుండం దూసుకొస్తుంది.. బంగాళాఖాతంలో ఏర్పడిన వాయుగుండం ప్రభావంతో ఆంధ్రప్రదేశ్లో వాతావరణ పరిస్థితులు మరింత తీవ్రం కానున్నాయి. ఈ వ్యవస్థ పశ్చిమ-వాయవ్య దిశగా కదులుతూ మరింత బలపడే అవకాశం ఉందని భారత వాతావరణ శాఖ (IMD) వెల్లడించింది. సెప్టెంబర్ 23 రాత్రి నుంచి 24వ తేదీ తెల్లవారుజాము మధ్య విశాఖపట్నం–గోపాల్పూర్ మధ్య ఉత్తరాంధ్ర, దక్షిణ ఒడిశా తీరాన్ని డీప్ డిప్రెషన్గా దాటే అవకాశం ఉందని IMD తెలిపింది. ఇక, వాయుగుండం ప్రభావంతో కోస్తాంధ్రలో భారీ నుంచి అతిభారీ వర్షాలు కురిసే అవకాశం ఉంది. ముఖ్యంగా ఉత్తరాంధ్ర జిల్లాల ప్రజలు మరింత అప్రమత్తంగా ఉండాలని అధికారులు సూచించారు. బలమైన ఈదురుగాలులు, భారీ వర్షాల కారణంగా ఉద్యాన పంటలకు నష్టం వాటిల్లే ప్రమాదం ఉందని హెచ్చరించారు. ప్రస్తుతం సముద్ర పరిస్థితులు కూడా అల్లకల్లోలంగా మారే అవకాశం ఉన్నందున మత్స్యకారులు సముద్రంలోకి వేటకు వెళ్లవద్దని IMD స్పష్టం చేసింది.
ఇక, వాయుగుండం నేపథ్యంలో అమరావతిలోని విపత్తుల నిర్వహణ సంస్థ కార్యాలయంలో హోంమంత్రి వంగలపూడి అనిత సమీక్ష నిర్వహించారు. వాతావరణ పరిస్థితులను ఎప్పటికప్పుడు పర్యవేక్షించాలని అధికారులను ఆదేశించారు. రానున్న మూడు రోజులు అత్యంత కీలకమని, ప్రభావిత జిల్లాల యంత్రాంగం హైఅలర్ట్లో ఉండాలని సూచించారు. ముందస్తు సహాయక చర్యల కోసం అవసరమైన ప్రాంతాల్లో SDRF బృందాలను సిద్ధంగా ఉంచాలని ఆదేశించారు. మత్స్యకారులు బోట్లు, వలలను సురక్షితంగా ఉంచుకోవాలని సూచించారు. అవసరాన్ని బట్టి రోడ్డు రవాణా, హెలికాప్టర్ సేవలను నియంత్రించేలా అధికారులు సిద్ధంగా ఉండాలని తెలిపారు. ప్రతికూల వాతావరణం కారణంగా ట్రాలర్లు, బోట్లు, చిన్న నౌకల రాకపోకలకు ఇబ్బందులు, రైల్వే సేవలకు అంతరాయం కలిగే అవకాశం ఉన్నందున ముందస్తు చర్యలు తీసుకోవాలని సూచించారు.
Also Read
- Cyclone Aquan Alert: అక్వాన్ తుఫాన్పై ఏపీ ప్రభుత్వం అలర్ట్.. యాక్షన్ ప్లాన్ రెడీ.. అధికారులకు కీలక ఆదేశాలు
- AP High Court: విజయ డెయిరీ బోర్డుకు హైకోర్టు షాక్.. చైర్మన్ సహా ఐదుగురి ఎన్నిక చెల్లదు..!
- Cyclone Akwan Alert: దిశ మార్చుకోనున్న అక్వాన్!.. ఏపీకి మరో తుఫాన్ ముప్పు..
- Cyclone Alert: బంగాళాఖాతంలో తీవ్ర వాయుగుండం.. తీరం వైపు దూసుకొస్తున్న తుఫాన్..!
కొండ వాలు ప్రాంతాల ప్రజలు మరింత అప్రమత్తంగా ఉండాలని, కొండచరియలు విరిగిపడే ప్రమాదం ఉన్న ప్రాంతాల్లో జాగ్రత్తలు పాటించాలని అధికారులు హెచ్చరించారు. వాగులు, వంకలు, పొంగిపొర్లుతున్న కాజ్వేల వద్ద హెచ్చరిక బోర్డులు ఏర్పాటు చేసి రాకపోకలను అవసరమైతే నియంత్రించాలని ఆదేశించారు. లోతట్టు ప్రాంతాల్లో పరిస్థితిని బట్టి ప్రజలను సురక్షిత ప్రాంతాలకు తరలించేందుకు చర్యలు చేపట్టాలని సూచించారు. ఈదురుగాలులు వీచే అవకాశం ఉన్నందున ప్రజలు చెట్లు, హోర్డింగ్స్, పాత ఇళ్ల వద్ద ఉండకూడదని అధికారులు సూచించారు. విపత్తు పరిస్థితులపై ప్రజలకు ఎప్పటికప్పుడు హెచ్చరిక సందేశాలు పంపించాలని, విపత్తుల నిర్వహణ సంస్థ, RTGS అధికారులతో నిరంతరం సమన్వయం చేసుకోవాలని హోంమంత్రి ఆదేశించారు.
అత్యవసర పరిస్థితుల్లో ప్రజలు విపత్తుల నిర్వహణ సంస్థ టోల్ఫ్రీ నంబర్లు 112, 1070, 18004250101ను సంప్రదించాలని అధికారులు సూచించారు. వాయుగుండం కదలికలను దృష్టిలో ఉంచుకుని ప్రజలు అధికారిక హెచ్చరికలను పాటిస్తూ అప్రమత్తంగా ఉండాలని కోరారు.
తాజావార్తలు
-
Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
-
Dhanush Secret: ప్రపంచానికి తెలియని ధనుష్ సీక్రెట్ లీక్ చేసిన శ్రీలీల!
-
OM Pre Release Event: ఇన్నాళ్లూ వచ్చిన సినిమాలు చేసుకుంటూ వెళ్లా, కానీ ఇప్పుడు రూట్ మార్చా.. శ్రీలీల ఓపెన్ కామెంట్స్!
-
Renu Desai: ‘ఓం’ ప్రీరిలీజ్ ఈవెంట్లో ధనుష్కు సారీ చెప్పిన రేణు దేశాయ్.. ఎందుకంటే?
-
Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!