Vimal Bags : విదేశీయులకు “విమల్” మోజు.. లగ్జరీ బ్రాండ్లకు చెల్లుచీటి..?
- గుచ్చీ, ప్రాడాకు బదులు "విమల్" బ్యాగులతో విదేశీయుల స్టైల్ వాక్
- సోషల్ మీడియాలో వైరల్ అవుతున్న వీడియో
- "విమల్" బ్యాగులపై నెటిజన్లలో జోక్‌లతో పాటు చర్చలు
- Follow Us :
-
-
Add as a preferred
source on google
Vimal Bags : సోషల్ మీడియాలో ఇటీవల వైరల్ అయిన ఓ వీడియో నెటిజన్లను విపరీతంగా ఆకట్టుకుంటోంది. ఈ వీడియోలో పలువురు విదేశీయులు తమ భుజాలపై ప్రముఖ అంతర్జాతీయ లగ్జరీ బ్రాండ్‌లైన గుచ్చీ, ప్రాడా వంటి బ్యాగులకు బదులుగా, భారతదేశంలో నిత్యం కనిపించే “విమల్” బ్రాండ్ ప్లాస్టిక్ బ్యాగులను ధరించి స్టైల్‌గా నడుచుకుంటూ వెళ్తున్నారు. సాధారణంగా విదేశీయులు భారతదేశానికి వచ్చినప్పుడు ఇక్కడి హస్తకళలు, సాంప్రదాయ వస్త్రాలు లేదా బ్రాండెడ్ ఉత్పత్తులను కొనుగోలు చేస్తుంటారు.
Akhanda Godavari Project: నేడు ‘అఖండ గోదావరి’ ప్రాజెక్ట్‌కు శంఖుస్థాపన!
అయితే, ఈ వీడియోలో వారు విమల్ బ్యాగులను ధరించడం అందరినీ ఆశ్చర్యానికి గురిచేస్తోంది. ఇది కేవలం సరదా కోసం ధరించారా, లేక విమల్ బ్యాగుల డిజైన్ వారికి నచ్చిందా అనే దానిపై నెటిజన్లు రకరకాలుగా చర్చించుకుంటున్నారు. ఈ వీడియో బయటపడగానే, సోషల్ మీడియాలో మీమ్స్, కామెంట్లు వెల్లువెత్తాయి. కొందరు నెటిజన్లు “భారతీయ ‘దేశీ’ స్టైల్ ఇప్పుడు అంతర్జాతీయంగా ట్రెండ్‌గా మారుతోందా?” అని ప్రశ్నిస్తుండగా, మరికొందరు “ఇది నిజమైన సౌలభ్యం, స్థోమతకు నిదర్శనం” అని వ్యాఖ్యానిస్తున్నారు.
గుచ్చీ, ప్రాడా వంటి బ్రాండ్లు వేల డాలర్ల ధర పలుకుతుండగా, విమల్ బ్యాగులు అతి తక్కువ ధరలో, సులభంగా లభిస్తాయి. బహుశా, ఇదే విదేశీయులను ఆకర్షించి ఉండవచ్చు అని కొందరు అభిప్రాయపడుతున్నారు. ఈ వీడియో భారతదేశంలో తయారైన వస్తువులకు అంతర్జాతీయ స్థాయిలో లభిస్తున్న గుర్తింపును, లేదా కనీసం వినోదాత్మక దృష్టితోనైనా అవి ఆకర్షిస్తున్న తీరును తెలియజేస్తోంది. ఈ ట్రెండ్ ఎంతకాలం కొనసాగుతుందో చూడాలి..!
Kanaka Durgamma: నేటి నుంచి ఇంద్రకిలాద్రిపై వారహి నవరాత్రులు, ఆషాఢ సారె సమర్పణ ఉత్సవాలు!
View this post on Instagram