Viral Video: విద్యార్థినికి అలాంటి మెసేజ్‌లు పంపిన ఉపాధ్యాయుడు.. ఉతికి ఆరేసిన పేరెంట్స్ (వీడియో)

పాఠశాల ఉపాధ్యాయులు పిల్లలకు విద్యాబుద్ధులు నేర్పి, సమాజాభివృద్ధికి వారిని సిద్ధం చేస్తారు. అయితే ఉత్తరప్రదేశ్‌లోని హమీర్‌పూర్‌లో ఓ ఉపాధ్యాయుడు అందుకు విరుద్ధంగా వ్యవహరించాడు. ప్రస్తుతం అతడి వీడియో వైరల్ అవుతోంది. ఓ విద్యార్థినికి చెందిన కుటుంబీకులు ఉపాధ్యాయుడిని కొట్టడం వీడియోలో చూడొచ్చు. తొమ్మిదో తరగతి విద్యార్థినికి అసభ్యకరమైన మెసేజ్‌లు పంపినందుకు ఉపాధ్యాయుడిని కొట్టినట్లు సమాచారం.

READ MORE: US: అమెరికాలో మరో తెలుగు విద్యార్థి బలి.. కాల్పుల్లో ఖమ్మం జిల్లా వాసి మృతి

తొమ్మిదో తరగతి విద్యార్థినికి అసభ్యకర మెసేజ్‌లు…
హమీర్‌పూర్‌లోని ప్రభుత్వ పాఠశాలలో బోధించే ముఖేష్ చౌరాసియా. ఇతను తొమ్మిదవ తరగతి విద్యార్థినులకు ప్రతిరోజూ అసభ్యకరమైన సందేశాలు, వీడియోలు పంపేవాడు. విద్యార్థినులు ప్రశ్నించడంతో.. వారిని కర్రలతో కొడుతూ.. హింసించేవాడు. ఇలాంటి పరిస్థితుల్లో ఓ విద్యార్థిని తన కుటుంబ సభ్యులకు ఈ విషయాన్ని చెప్పింది. దీంతో కుటుంబ సభ్యులు పాఠశాలలోకి ప్రవేశించి ఉపాధ్యాయుడిని కొట్టారు. ఈ ఘటనపై సమాచారం అందుకున్న పోలీసులు ఉపాధ్యాయుడిని అదుపులోకి తీసుకున్నారు. అలాగే కుటుంబీకుల ఫిర్యాదు ప్రకారం.. ఉపాధ్యాయుడిపై కుటుంబ సభ్యులు ఎఫ్ఐఆర్ నమోదు చేశారు.

READ MORE:Congress: ‘‘ఇలా అయితే ఎలా..?’’ వరస ఓటములపై కాంగ్రెస్ మేథోమదనం..

యూపీలోని హమీర్‌పూర్‌లో ..
యూపీలోని హమీర్‌పూర్‌లో జరిగిన ఈ సంఘటనకు సంబంధించి ఈ వీడియోను @సచిన్‌గుప్తాUP ఎక్స్‌లో పోస్ట్ చేశాడు. “ప్రభుత్వ పాఠశాల ఉపాధ్యాయుడు ముఖేష్ చౌరాసియా 9వ తరగతి విద్యార్థికి అసభ్యకరమైన సందేశాలు పంపేవారు. విద్యార్థిని, ఆమె కుటుంబ సభ్యులు ఉపాధ్యాయుడిని చెప్పులతో కొట్టారు. టీచర్‌పై ఎఫ్‌ఐఆర్‌ నమోదు చేశారు.” అని క్యాప్షన్‌లో రాశాడు. ఈ ఘటనపై వినియోగదారులు తీవ్రంగా స్పందిస్తున్నారు. ఈ ఉపాధ్యాయుడిని కఠినంగా శిక్షించాలని డిమాండ్ చేశారు.

यूपी : हमीरपुर जिले में सरकारी स्कूल का टीचर मुकेश चौरसिया 9वीं की छात्रा को अश्लील मैसेज भेजता था। छात्रा और उसकी फैमिली ने टीचर को चप्पलों से पीटा। टीचर के खिलाफ FIR हुई। pic.twitter.com/n6JubHCrJP

— Sachin Gupta (@SachinGuptaUP) November 30, 2024