రెండేళ్లుగా వాట్సాప్లో ప్రేమించుకున్నారు…కలుసుకునేందుకు హోటల్కు వెళ్లగా…
- Follow Us :
-
-
Add as a preferred
source on google
ప్రేమకు వయసుతో పనిలేదు. పెళ్లితో పనిలేదు. ఎప్పుడైనా ఎవరైనా సరే ప్రేమలో పడొచ్చు. సాంకేతక పరిజ్ఞానం అందుబాటులోకి వచ్చిన తరువాత ఇవి మరింత ఎక్కువయ్యాయి. వాట్సాప్ అందుబాటులోకి వచ్చిన తరువాత వాట్సాప్ ప్రేమలు ఎక్కువయ్యాయి. ఇలానే రెండేళ్ల క్రితం ఓ యాభై ఏళ్ల వ్యక్తి ఓ యువతి ప్రేమలో పడ్డాడు. రెండేళ్లుగా వారు వాట్సాప్లోనే మాట్లాడుకున్నారు. ఛాటింగ్ చేసుకున్నారు. ప్రేమను వ్యక్తం చేసుకున్నారు. రెండేళ్ల తరువాత ఓ హోటల్లో కలుసుకోవాలని అనుకున్నారు.
Read: మేకప్ లేకుండా భార్యను చూసి షాకైన భర్త… వెంటనే…
ముందుగా ఫిక్స్ చేసుకున్న హోటల్కు ఫిక్స్ చేసుకున్న సమయానికి హోటల్కు వెళ్లాడు ఆ పెద్దాయన. అయితే, అక్కడ యువతి స్థానంలో ముగ్గురు వ్యక్తులు కనిపించారు. ఆ పెద్దాయన్ను పక్కకు తీసుకెళ్లి బెదిరించారు. ఆయన దగ్గర ఉన్న కార్డులు లాక్కున్నారు. ఆ పెద్దాయన అకౌంట్ నుంచి పెద్ద మొత్తంలో డ్రా చేసుకున్నారు. విషయం గ్రహించేలోపే అకౌంట్ మొత్తం గుల్లయింది. వెంటనే ఆ పెద్దాయన జరిగిన విషయాన్ని పోలీసుల దృష్టికి తీసుకెళ్లాడు. పోలీసులు కేసు నమోదు చేసుకొని దర్యాప్తు చేస్తున్నారు.