Rare Love Marriage: అరుదైన ప్రేమ పెళ్లి. ఆన్ లైన్ వివాహానికి హైకోర్ట్ గ్రీన్ సిగ్నల్
- Follow Us :
-
-
Add as a preferred
source on google
Rare Love Marriage: పెళ్లిళ్లు పలు రకాలు. ఈమధ్య వింత వివాహమొకటి జరిగింది. ఓ అమ్మాయి తననుతానే మనువాడింది. సోలో బతుకే సో బెటర్ అన్నట్లు ఈ సోలో మ్యారేజ్ అప్పట్లో బాగా వార్తల్లో నిలిచింది. అయితే ఇప్పుడు ఓ అరుదైన పెళ్లికి తెర లేవబోతోంది. ఇది ఆన్లైన్ మ్యారేజ్. అబ్బాయి అమెరికాలో ఉన్నాడు. అమ్మాయి ఇండియాలో ఉంది. వాళ్లిద్దరూ వర్చువల్గా ఒక్కటవుతారన్నమాట. దీనికి మద్రాస్ హైకోర్టు మదురై బెంచ్ గ్రీన్ సిగ్నల్ ఇచ్చింది. ఈ మేరకు ఏర్పాట్లు చేయాలని సబ్ రిజిస్ట్రార్ను ఆదేశించింది. తద్వారా ఆ జంటకు పరోక్షంగా ప్రి-వెడ్డింగ్ గిఫ్ట్ ఇచ్చింది.
తమిళనాడులోని కన్యాకుమారికి చెందిన వంశీ సుదర్శిని అనే అమ్మాయి, అమెరికాకు చెందిన రాహుల్ ఎల్ మధు అనే అబ్బాయి ప్రేమించుకున్నారు. పెళ్లి చేసుకోవాలని నిర్ణయించుకున్నారు. దీనికోసం అతను అమెరికా నుంచి ఇండియాకి వచ్చాడు. తామిద్దరం వివాహం చేసుకోవాలనుకుంటున్నాం అంటూ ఈ ఏడాది మే 5వ తేదీన మనవలకురిచి అనే ప్రాంతంలోని సబ్ రిజిస్ట్రార్ ఆఫీసులో ఉమ్మడిగా దరఖాస్తు సమర్పించారు. ప్రత్యేక వివాహ చట్టం-1954లోని సెక్షన్-5(వివాహ ఉద్దేశ ముందస్తు సమాచారం) మేరకు అప్లికేషన్ ఇచ్చారు. వారం రోజుల తర్వాత దీనికి సంబంధించిన నోటీసునూ ప్రచురించారు.
Also Read
- Tandoori Roti Recipe: ఇంట్లోనే కరకరలాడే తందూరీ రోటీ.. ప్రెషర్ కుక్కర్లోనే సింపుల్గా హోటల్ స్టైల్ తందూరీ రోటీ..!
- Healthy Vegetarian Recipes: గుమ్మడికాయ అంటే ముఖం చిట్లిస్తున్నారా? రెస్టారెంట్ స్టైల్లో ఇలా చేసి చూడండి.. మెతుకు వదలరు!
- Dosa Making Tips : దోస వేసే ముందు పెనంపై నీళ్లు ఎందుకు చల్లుతారు?.. దీని వెనుక ఉన్న అసలు సీక్రెట్ ఇదే!
- Electric Comb: బట్టతల బాధితులకు చైనా గుడ్ న్యూస్.. ఎలక్ట్రిక్ దువ్వెనతో 28 రోజుల్లోనే వెంట్రుకలు!
President’s flag: ప్రెసిడెంట్స్ ఫ్లాగ్ అంటే ఏంటి?. రేపు తమిళనాడు పోలీసులకు ఇవ్వనున్న వెంకయ్యనాయుడు
తద్వారా తాము భార్యాభర్తలం కాబోతున్నామని బహిరంగంగా ప్రకటించారు. నిబంధనల ప్రకారం నెల రోజులాగి చట్టబద్ధంగా ఒక్కటయ్యేందుకు సబ్ రిజిస్ట్రార్ ఆఫీసుకి వెళ్లారు. కానీ అధికారి ఆ పెళ్లి జరపలేదు. ఎందుకు? ఏమిటి? అనేది తెలియదు. దీంతో వాళ్లు నిరాశగా వెనుదిరిగారు. పెళ్లి నిమిత్తం ఇండియాలో ఉండేందుకు తీసుకున్న అనుమతి గడువు ముగుస్తుండటంతో అతను తిరిగి అమెరికా వెళ్లాల్సి వచ్చింది. ఈ నేపథ్యంలో అమ్మాయి హైకోర్టులో పిటిషన్ వేసింది. వర్చువల్ మ్యారేజ్కి పర్మిషన్ ఇవ్వాలని కోరింది. ఈ పిటిషన్పై విచారణ జరిపిన జస్టిస్ జీఆర్ స్వామినాథన్ దీనికి గ్రీన్ సిగ్నల్ ఇచ్చారు.
ఈ సందర్భంగా ఆయన కొన్ని కీలక వ్యాఖ్యలు చేశారు. సబ్ రిజిస్ట్రార్ చేసిన తప్పిదానికి ఆ జంట శిక్ష అనుభవించకూడదని అన్నారు. పెళ్లి అనేది మనిషి ప్రాథమిక హక్కు అని, ప్రత్యేక విహహ చట్టం, పౌర-రాజకీయ హక్కుల అంతర్జాతీయ ఒడంబడిక, మానవ హక్కుల సార్వత్రిక ప్రకటన దీనికి అనుకూలంగా విధివిధానాలను రూపొందించాయని చెప్పారు. పెళ్లి ఎలా చేసుకోవాలనేది వ్యక్తుల ఇష్టాఇష్టాలకే వదిలేయాలని, ఈ కేసులో వీళ్లిద్దరూ ఆన్లైన్ పద్ధతిని ఎంచుకున్నారని, టెక్నాలజీకి అనుగుణంగా చట్టం కూడా మారాలని తెలిపారు.
పిటిషనర్ కోరినట్లు వర్చువల్గా పెళ్లి చేసేందుకు సబ్ రిజిస్ట్రార్ ఏర్పాట్లు చేయాలని ఆదేశించారు. వరుడు రాహుల్కి వధువు వంశీ పవరాఫ్ అటార్నీ కాబట్టి ఆమె అతని తరఫున మ్యారేజ్ సర్టిఫికెట్ బుక్లో సంతకం చేయొచ్చని స్పష్టం చేశారు. ముగ్గురు సాక్షుల సమక్షంలో చట్టం ప్రకారం పెళ్లి జరిపించి ఆమెకు వివాహ ధ్రువీకరణ పత్రాన్ని ఇవ్వాలని ఆదేశాలు జారీచేశారు. పెళ్లి కార్డు లేని ఈ ప్రేమ వివాహానికి మొత్తమ్మీద శుభం కార్డు పడింది.
తాజావార్తలు
-
World Cup Final 2023: నవంబర్ 19.. భారత క్రికెట్ అభిమానులు ఎప్పటికీ మర్చిపోలేని చేదు జ్ఞాపకం..
-
Tandoori Roti Recipe: ఇంట్లోనే కరకరలాడే తందూరీ రోటీ.. ప్రెషర్ కుక్కర్లోనే సింపుల్గా హోటల్ స్టైల్ తందూరీ రోటీ..!
-
Asus TUF Gaming F16, A15: Asus TUF Gaming F16, A15 లాంచ్.. RTX గ్రాఫిక్స్తో అదిరిపోయే ఫీచర్లు!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
Akvan Cyclone Alert: మళ్లీ ఉత్తరాంధ్ర తీరంవైపు అక్వాన్ తుఫాన్..! మరో 36 గంటలు అలర్ట్
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..