ఆగ‌స్టు 31, మంగళవారం దిన‌ఫ‌లాలు…

మేషం : ఈ రాశివారికి ఈ రోజు దైవ కార్యక్రమాలపట్ల ఆసక్తి అధికమవుతుంది. ఉద్యోగస్తులకు అదనపు బాధ్యతలు, పనిభారం వంటి చికాకులు తప్పవు. మీ ఆలోచనలు పలు విధాలుగా ఉంటాయి. దేనిమీదా శ్రద్ధ వహించలేరు. ఆదాయ వ్యయాలు సరిసమానంగా ఉండటం వల్ల పొదుపు సాధ్యంకాదు.

వృషభం : ఈ రోజు ఈ రాశివారిపై శకునాల ప్రభావం అధికంగా ఉంటుంది.. మీపై బంధువుల వ్యాఖ్యలు తీవ్ర ప్రభావం అధికంగా ఉంటుంది. ఉద్యోగ, విదేశీయాన యత్నాలు ఫలిస్తాయి. ప్రముఖ సంస్థల షేర్ల కొనుగోళ్లు లాభిస్తాయి. చిట్స్, ఫైనాన్స్, రంగాల వారికి ఖాతాదారుల నుంచి ఒత్తిడి తప్పదు.

మిథునం : ఈ రోజు మీరు ఆర్థిక లావాదేవీలు, ఉమ్మడి వ్యవహారాలు సమర్థంగా నిర్వహిస్తారు. స్త్రీలకు పొరుగువారి నుంచి ఆహ్వానం అందుతుంది. కోర్టు వాదోపవాదాల్లో ఫ్లీడర్ల విజయం సాధిస్తారు. కుటుంబ సభ్యులతో ఉల్లాసంగా గడుపుతారు. ధనవ్యయం అధికమైన ఇబ్బందులు ఉండవు.

కర్కాటకం : ఈ రోజు మీరు వ్యాపారాల్లో కొత్త కొత్త పథకాలు, ప్రణాళికలతో కొనుగోలుదార్లను ఆకట్టుకుంటారు. ఊహించని ఖర్చులు, చెల్లింపులు వల్ల ఇబ్బందులు తప్పవు. మీ కదలికలపై నిఘా ఉందన్న విషయాన్ని గమనించండి. వేతనం తక్కువైనా వచ్చిన అవకాశాన్ని నిరుద్యోగులు సద్వినియోగం చేసుకోవడం శ్రేయస్కరం.

సింహం : ఈ రోజు ఈ రాశివారు వృత్తి వ్యాపారాల్లో గణనీయమైన పురోభివృద్ధి సాధిస్తారు. మీ శ్రీమతి సలహా పాటించడం చిన్నతనంగా భావించకండి. ఇతరుల ముందు వ్యక్తిగత విషయాలు వెల్లడించడం మంచిదికాదని గమనించండి. మీ వాక్చాతుర్యతో అందరినీ ఆకట్టుకుంటారు.

కన్య : ఈ రోజు మీరు ఎల్.ఐ.సి. బ్యాంకు డిపాజిట్లు సంబంధించిన సొమ్ము అందుకుంటారు. ఎదుటివారు మిమ్మలను రెచ్చగొట్టే విధంగా మాట్లాడినా నిగ్రహించుకోవడం మంచిది. లక్ష్యసాధనంలో స్వల్ప ఒడిదుడుకులు, చికాకులు ఎదుర్కొంటారు. వృత్తి వ్యాపారాల్లో నిలదొక్కుకోవడానికి బాగా కష్టపడాలి.

తుల : ఈ రోజు మీకు గృహంలో ప్రశాంతత నెలకొంటుంది. స్త్రీలకు పొరుగువారి నుంచి ఆహ్వానం అందుతుది. పెద్దల ఆరోగ్యం గురించి ఆందోళన చెందుతారు. వ్యాపార, వ్యవహారాల్లో నిర్మొహమాటంగా వ్యవహరించండి. హోటల్, కేటరింగ్ రంగాల్లో వారు పనివారితో ఇబ్బందులు ఎదుర్కొంటారు.

వృశ్చికం : ఈ రోజు ఈరాశిలోని వ్యవసాయ రంగాలవారికి ఎరువుల కొనుగోలులో చికాకులు తప్పవు. అద్దెలు, ఇతరాత్రా రావలసిన బకాయిల వసూలులో దూకుడుగా వ్యవహరించకండి. స్టాక్ మార్కెట రంగాల వారికి మిశ్రమ ఫలితం. సానుకూల ధోరణితోనే మీ సమస్యలు పరిష్కారమవుతాయి.

ధనస్సు : ఈ రోజు ఈ రాశివారు ప్రయాణాలు, కార్యక్రమాలు వాయిదా వేసుకోవాల్సి వస్తుంది.. పెద్దల గురించి ఆందోళన చెందుతారు. వ్యాపారాల్లో నష్టాలను కొంత వరకు భర్తీచేసుకోగలుగుతారు. గత అనుభవాలు గుర్తుచేసుకుంటారు..స్త్రీలతో మితంగా సంభాషించడం అన్ని విధాలా శ్రేయస్కరం.

మకరం : ఈరోజు ఈ రాశివారికి ఆర్థిక లావాదేవీల్లో ఏకాగ్రత అవసరం. దైవ కార్యాల్లో పాల్గొంటారు. వ్యాపారాల అభివృద్ధికి కొత్త కొత్త పథకాలు రూపొందిస్తారు. చిన్న తరహా పరిశ్రమలు, చిరు వ్యాపారులకు ఆశాజనకం. ఉద్యోగస్తుల సమర్థత, అంకిత భావం అధికారులను ఆకట్టుకుంటాయి.

కుంభం : ఈ రోజు ఈ రాశివారికి బంధువులు, సోదరీ, సోదరులతో సత్సంబంధాలు నెలకొంటాయి. మీ మాటకు ఇంటా బయటా గౌరవం లభిస్తుంది. ఏ వ్యక్తినీ తక్కువగా అంచనా వేయకండి. స్త్రీల పేరిట స్థిరాస్తులు కొనుగోలు చేస్తారు. వృత్తి వ్యాపారాల్లో ప్రోత్సాహకరంగా సాగుతాయి.

మీనం : ఈ రోజు ఈరాశిలోని పత్రికా, ప్రైవేటు సంస్థలలోని వారికి ఒత్తిడి, పనిభారం అధికం. ఇసుక, క్వారీ కాంట్రాక్టర్లకు అధికారుల నుంచి అభ్యంతరాలు ఎదురవుతాయి. ప్రేమికులు అతిగా వ్యవహరించడం వల్ల చిక్కుల్లో పడే ఆస్కారం వుంది. గృహ మార్పుల కోసం యత్నాలు సాగిస్తారు.