మరపురాని మల్లికార్జునరావు కామెడీ!
- Follow Us :
-
-
Add as a preferred
source on google
కొందరు కొన్ని పాత్రలతో ఇట్టే జనం మదిలో చోటు సంపాదించేస్తారు. వంశీ తెరకెక్కించిన ‘లేడీస్ టైలర్’లోని బట్టల సత్తి పాత్రతో మల్లికార్జున రావుకు ఎనలేని గుర్తింపు లభించింది. అప్పటి నుంచీ మల్లికార్జునరావు తెరపై కనిపిస్తే చాలు జనం ‘బట్టల సత్తి’ అంటూ పిలిచేవారు. అలా ‘బట్టల సత్తి’ గా జనం మదిలో నిలచిన మల్లికార్జున రావు తన దరికి చేరిన ఏ పాత్రలలోనైనా ఇట్టే ఒదిగిపోయేవారు. జనాన్ని ఆకట్టుకొనేవారు.
మల్లికార్జునరావు 1951 డిసెంబర్ 13న అనకాపల్లి సమీపంలోని కాశిమ్ కోటలో జన్మించారు. బాల్యం నుంచీ నాటకాలు చూడడం, అందులో నచ్చిన పాత్రల్లాగే నటించడం అలవాటు చేసుకున్నారు. దాంతో చదువుకొనే రోజుల్లోనే మిత్రులతో కలసి నాటకాలు వేశారు. రావు గోపాలరావు ఆయనను ప్రోత్సహించారు. రావు గోపాలరావు చిత్రసీమలో తొలుత అసిస్టెంట్ డైరెక్టర్ గా జీవితం ఆరంభించారు. ఆ సమయంలోనే ఆయనను కలసిన మల్లికార్జునరావుకు సినిమాల్లో ఎలా నటించాలో మెలకువలు చెబుతూ ఉండేవారు. రావు గోపాలరావు నటుడై మంచి పేరు సంపాదించాక, మల్లికార్జునరావును ఆదరించారు. మల్లికార్జునరావులోని నటునికి దర్శకుడు వంశీ తాను తెరకెక్కించిన “మంచు పల్లకి, సితార, అన్వేషణ, ప్రేమించు పెళ్ళాడు, లేడీస్ టైలర్, ఆలాపన” వంటి చిత్రాలలో అవకాశాలు కల్పించారు. ఈ సినిమాలతో నటునిగా మంచి గుర్తింపు సంపాదించారు మల్లికార్జునరావు. ఇతర సినిమాల్లోనూ పాత్రలు లభించాయి. దాంతో మల్లికార్జునరావుకు నటునిగా మరింత గుర్తింపు లభించింది. అయితే వంశీ మాత్రం తాను తెరకెక్కించే ప్రతీ చిత్రంలో మల్లికార్జునరావుకు ఏదో ఒక వైవిధ్యమైన పాత్రను ఇచ్చేవారు. అలా “లాయర్ సుహాసిని, శ్రీకనకమహాలక్ష్మి రికార్డింగ్ డాన్స్ ట్రూప్, చెట్టుకింద ప్లీడర్, ఏప్రిల్ 1 విడుదల, జోకర్, డిటెక్టివ్ నారద” చిత్రాలలో విలక్షణమైన పాత్రలు ఇచ్చారు వంశీ.
Also Read
- World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!
- World Hello Day 2026 : ఒక్క 'హలో'తో ఇన్ని లాభాలా?.. నవంబర్ 21 ప్రత్యేకత ఇదే.!
- Koti Deepotsavam 2026 : త్రిశక్తి మహాపూజ, జోగులాంబ కల్యాణంతో ఎన్టీఆర్ స్టేడియంలో భక్తి పారవశ్యం.!
- Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
ఎస్వీ కృష్ణారెడ్డి, ఇ.వి.వి. సత్యనారాయణ వంటి హాస్య చిత్రాల దర్శకులు కూడా మల్లికార్జునరావులోని నటునికి తగ్గ వేషాలు ఇచ్చి ప్రోత్సహించారు. తమ్ముడు సినిమాలోని మల్లికార్జున రావు నటనకు బెస్ట్ కేరెక్టర్ యాక్టర్ గా అవార్డు లభించింది. చిరంజీవి, బాలకృష్ణ, పవన్ కళ్యాణ్ సైతం తమ చిత్రాలలో మల్లికార్జునరావుకు తగ్గ పాత్రలు ఇచ్చేవారు. శ్రీనగర్ కాలనీలోని శ్రీవేంకటేశ్వర స్వామి దేవస్థానానికి ఛైర్మన్ గానూ మల్లికార్జునరావు సేవలు అందించారు. ‘మా’ కు జనరల్ సెక్రటరీగానూ ఆయన పనిచేశారు. తెలుగు దేశం పార్టీ కల్చరల్ వింగ్ కు సెక్రటరీగానూ ఆయన ఉన్నారు. 2008 జూన్ 24న మల్లికార్జున రావు తుదిశ్వాస విడిచారు.
భౌతికంగా మల్లికార్జునరావు లేకపోయినా, ఆయన పోషించిన అనేక పాత్రలు ఈ నాటికీ ప్రేక్షకులకు గిలిగింతలు పెడుతూనే ఉన్నాయి. ఇప్పటికీ జనం ఆయనను ‘బట్టల సత్తి’గానే గుర్తుచేసుకుంటూ ఉంటారు.
తాజావార్తలు
-
Rohingya Genocide: రోహింగ్యాలను కావాలనే చంపారు..తేల్చేసిన అంతర్జాతీయ న్యాయస్థానం!
-
Ambati Rayudu: పని చేయాలంటే కోహ్లీలా.. పని చేయించాలంటే ధోనీలా ఉండాలి.!
-
Chittoor Municipal Corporation: చిత్తూరు కార్పొరేషన్లో ట్విస్ట్.. ప్రమాణ స్వీకారానికి ముందే వైసీపీ కార్పొరేటర్ రాజీనామా
-
Kaviya Maran: తన ఉద్యోగులకు ఆరెంజ్ ఆర్మీ క్వీన్ సర్ప్రైజ్ గిఫ్ట్.. పెళ్లి కానుక బాక్స్ వీడియోలు వైరల్..
-
Couple Attacked: పార్కులో ఫొటోలు దిగుతున్న జంటపై కర్రలతో దాడి.. అదుపులోకి 8 మంది మైనర్లు..!
ట్రెండింగ్
-
Viral Video: ఛీ.. ఛీ.. వ్యూస్ కోసం ఇంతకు దిగజారాలా..? బస్సులో ప్రయాణికుడితో యువతి వికృత చేష్టలు..!
-
అబ్బా ఏముంది మామ కారు.. 1,100 కి.మీ. రేంజ్, లెవల్-2 ADAS తో రానున్న JSW Combat..!
-
IND vs NZ: ముగిసిన మూడోరోజు ఆట.. 118 పరుగుల ఆధిక్యంలో భారత్.!
-
Royal Enfield బైక్ లవర్స్కు క్రేజీ న్యూస్.. 10 ఏళ్ల వారంటీ.. ఎక్స్ట్రా ఖర్చు లేకుండానే..!
-
Hero Splendor+ బైక్ ధరలు పెంపు.. అన్ని వేరియంట్లపై భారీగా పెరిగిన రేట్లు.. కొత్త ధరలు ఇవే!