బెనిఫిట్ షో ఎఫెక్ట్.. ఏపీలో రెండు థియేటర్లు సీజ్
- Follow Us :
-
-
Add as a preferred
source on google
రోజూ నాలుగు షోలకు మించకూడదు, బెని ఫిట్ షోస్ అసలు వేయకూడదని ఏపీ సర్కార్ చట్ట సవరణ చేసిన విషయం తెలిసిందే. ఈ నేపథ్యంలో నేడు విడుదలైన బాలకృష్ణ ‘అఖండ’ సినిమాను రెండు సినిమా థియేటర్లలో బెనిఫిట్ షోలు ప్రదర్శించారు. దీంతో అధికారులు ఆ థియేటర్లను సీజ్ చేశారు. చట్ట సవరణ తర్వాత నిబంధనలు ఉల్లంఘించి థియేటర్స్ పై మొదటిసారి సర్కార్ యాక్షన్ తీసుకుంది.
కృష్ణా జిల్లా మైలవరంలోని సంఘమిత్ర మిని ధియేటర్ అఖండ సినిమా ఉదయం 8:00 గంటలకు బెన్ ఫిట్ షో ప్రదర్శించారని ఆ థియేటర్‌ను సీజ్ చేసిన రెవెన్యూ అధికారులు చేశారు. దీనితో పాటు గుంటూరు జిల్లాలోని తాడేపల్లి లోగల ఉండవల్లి సెంటర్‌ రామకృష్ణ థియేటర్‌లో తనిఖీలు చేసిన రెవెన్యూ అధికారులు బెనిఫిట్ షో ప్రదర్శించినట్లు తెలియడంతో ఆ థియేటర్‌పై పై అధికారులకు నివేదిక అందించారు. అంతేకాకుండా ఈ థియేటర్‌ను కూడా సీజ్ చేయనున్నట్లు తెలుస్తోంది.