గళంతో గడగడలాడించే రవిశంకర్!
- Follow Us :
-
-
Add as a preferred
source on google
“బొమ్మాళీ… నిన్నొదల…” అంటూ గళంతో జనాన్ని జడిపించి, ప్రతినాయక పాత్రలలోనూ భయపెడుతూ సాగుతున్నారు పూడిపెద్ది రవిశంకర్. వారి కుటుంబం మొత్తం గాత్రాన్ని నమ్ముకొని చిత్రసీమలో నిలదొక్కుకున్నారంటే అతిశయోక్తి కాదు. ఆయన తండ్రి పి.జె.శర్మ వందల చిత్రాలలో నటించారు. అనేక సినిమాల్లో పరభాషా నటులకు గాత్రదానం చేశారు. తండ్రి బాటలోనే పయనిస్తూ రవిశంకర్ అన్న సాయికుమార్ సాగారు. సాయికుమార్ గళంతో సుమన్, రాజశేఖర్ వంటి హీరోలు స్టార్స్ గా చెలామణీ అయ్యారు. అప్పట్లో సాయికుమార్ వాయిస్ ఉందంటే చాలు జనం సైతం ఆసక్తిగా సదరు చిత్రాలను చూసేవారు. ఇక రవిశంకర్ కూడా తన దరికి చేరిన పలు చిత్రాలలో స్వరం వినిపించి ఆకట్టుకున్నారు. ఆ మధ్య తెరకెక్కిన అనేక తెలుగు చిత్రాలలో ప్రధాన ప్రతినాయకులకు రవిశంకర్ గళమే ఆయువు పోసింది.
రవిశంకర్ 1966 నవంబర్ 28న మద్రాసులో జన్మించారు. ఆయన తండ్రి పి.జె.శర్మ వందలాది చిత్రాలలో బిట్ రోల్స్ లో కనిపించారు. తల్లి కృష్ణజ్యోతి కూడా ఒకప్పటి నటీమణి. అలా బాల్యం నుంచీ రవిశంకర్ సినిమా వాతావరణంలోనే పెరిగారు. రవిశంకర్ బాలనటునిగా “గోరింటాకు, ఛాలెంజ్ రాముడు, సప్తపది” వంటి చిత్రాలలో నటించారు. అన్న సాయికుమార్ కు కన్నడ చిత్రసీమలో హీరోగా విశేషమైన గుర్తింపు లభించడంతో రవిశంకర్ కూడా అటువైపు సాగిపోయారు. అనేక కన్నడ చిత్రాలలో నటించారు. ఆ తరువాత తెలుగులోనూ రవిశంకర్ కు నటునిగా అవకాశాలు రావడం మొదలు పెట్టాయి. ఓ వైపు నటిస్తూనే మరో వైపు డబ్బింగ్ చెబుతూ సాగారు రవి. దాదాపు 3500 అనువాద చిత్రాలలో రవిశంకర్ గాత్రం వినిపించింది. తెలుగు, కన్నడ, తమిళ భాషల్లో మొత్తం 150 చిత్రాలలో రవిశంకర్ నటించారు.
Also Read
- Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
- Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
- Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
- Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
అనువాద కళాకారునిగా రవిశంకర్ బిజీబిజీగా సాగుతున్నారు. ఏడు సార్లు బెస్ట్ మేల్ డబ్బింగ్ ఆర్టిస్ట్ గా నంది అవార్డులు అందుకున్నారు రవిశంకర్. జూనియర్ యన్టీఆర్ నటించిన ‘రామయ్యా వస్తావయ్యా’లో ప్రధాన ప్రతినాయకునిగా కనిపించిన రవిశంకర్, ఈ యేడాది ‘క్రాక్’లో ఓ కామెడీ రోల్ లో అలరించారు. అంతకు ముందు మహేశ్ బాబు ‘భరత్ అనే నేను’లోనూ ఓ కీలక పాత్రలో కనిపించారు. చిరంజీవి హీరోగా తెరకెక్కనున్న ‘భోళాశంకర్’లోనూ రవిశంకర్ ఓ కీ రోల్ పోషిస్తున్నారు. కేవలం అనువాద కళాకారునిగా గాత్రం పలికించడమే కాదు, కొన్ని చిత్రాలలో తన గళాన్నీ వినిపిస్తూ పాటలు పాడారు రవిశంకర్. రామ్ గోపాల్ వర్మ తెరకెక్కించిన ‘రక్త చరిత్ర’ రెండు భాగాల్లోనూ రవిశంకర్ గాయకునిగా అలరించారు. “బెజవాడ, వంగవీటి, రాజరథం” వంటి చిత్రాలలోనూ రవిశంకర్ పాటలు పాడారు.
రవిశంకర్ భార్య పంజాబీ. పేరు సుచిల్. ఈ దంపతులకు అద్వేయ్ అనే కుమారుడు ఉన్నాడు. తన తనయుణ్ణి నటునిగా స్వీయ దర్శకత్వంలో పరిచయం చేస్తానని రవిశంకర్ అప్పట్లో ప్రకటించారు. 2004లో ‘దుర్గి’ అనే కన్నడ చిత్రానికి దర్శకత్వం వహించారు రవిశంకర్. ఈ చిత్రం తెలుగులో జూనియర్ యన్టీఆర్ హీరోగా ‘నరసింహుడు’ పేరుతో రూపొందింది. మాతృభాష తెలుగులోనే కాదు పరభాషల్లోనూ రవిశంకర్ తన అభినయంతోనూ, గాత్రంతోనూ ఆకట్టుకుంటూ సాగుతున్నారు. ఆయన మరిన్ని పుట్టినరోజులు ఆనందంగా జరుపుకోవాలని ఆశిద్దాం.
తాజావార్తలు
-
Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
-
OTR : ఎమ్మెల్సీ అభ్యర్థుల ప్రకటనలో బీజేపీ జాప్యం.. అసలు కారణం ఏంటి?
-
OTR: నాయుడుపేటలో టీడీపీకి షాక్.. ఓటమికి అసలు కారణం ఇదేనా?
-
Gold Theft Protection: దొంగలు పడినా నో టెన్షన్.. మీ బంగారు నగలకు పూర్తి రక్షణ ఇచ్చే సూపర్ పాలసీ ఇదే!
-
Congress: CJP ఉద్యమాన్ని కాంగ్రెస్ దెబ్బతీసింది.. రాహుల్పై మాజీ మిత్రపక్షం సంచలన విమర్శలు..!
-
RCB: రిటెన్షన్ తర్వాత ఆర్బీసీ పరిస్థితి ఇదీ.. ఎవరున్నారు..? ఎవరు వెళ్లారు..?
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!