‘దేనికైనా రెడీ’… కానీ, ‘కండీషన్స్ అప్లై’!

నటన అంటే కళ. కానీ, కేవలం కళ మాత్రమే కాదు. యాక్టింగ్ అనే ఆర్ట్ కి… కొన్ని కండీషన్స్ అప్లై అవుతాయి అంటున్నారు బాలీవుడ్ స్టార్స్. సల్మాన్ మొదలు సన్నీ లియోన్ వరకూ ఒక్కొక్కరిది ఒక్కో రూల్. దాన్ని ముందుగానే తమ అగ్రిమెంట్ పేపర్స్ లో తెలియజేస్తారట. దర్శకనిర్మాతలు ఒప్పుకుంటేనే… సదరు స్టార్స్ తో సినిమా చేయగలిగేది! ఇంతకీ, ఎవరి నిబంధన ఏంటో ఓసారి చూసేద్దామా…

గ్రీక్ గాడ్ ఆఫ్ బాలీవుడ్… హృతిక్ రోషన్… డేట్స్ విషయంలో ఖచ్చితంగా ఉంటాడు. తాను కేటాయించిన వాటి కంటే ఎక్కువ రోజులు షూటింగ్ జరిగితే ఎక్స్ ట్రా వర్కింగ్ డేస్ కి ఖచ్చితంగా డబ్బులు లెక్క కట్టి ఇవ్వాల్సిందేనట! ఇక ‘క్వీన్ ఆఫ్ బాలీవుడ్’ కంగనా కూడా ఓ కీలక షరతు విధిస్తుందట సినిమా సైన్ చేసే ముందు. తన రెమ్యూనరేషన్ తాలూకూ డబ్బులు మొత్తం ఇచ్చేసి, సెటిల్మెంట్ చేసేదాకా మూవీ రిలీజ్ కాకూడదని దాని సారాంశం! ఇలాంటి నిబంధన పెట్టటం గ్లామర్ ప్రపంచంలో ఎంతైనా సబబే! ఒక్కసారి సినిమా విడుదలై హిట్టో, ఫ్లాపో తేలిపోతే ఎవరి దారిన వారు వెళ్లిపోతారు! బాక్సాపీస్ దాకా సినిమా వచ్చేశాక నిర్మాత బాకీలు చెల్లిస్తాడనుకోవటం… అమాయకత్వమే అవుతుంది!

సల్మాన్ ఖాన్ నిజ జీవితంలో ముద్దు మురిపాలు ఎక్కువే. అయితే, అవన్నీ రియల్ లైఫ్లో. రీల్ లైఫ్లో మాత్రం ముద్దంటే వద్దంటాడు. సల్మాన్ ఇప్పటి వరకూ వెండితెర మీద ఎంగిలి పడలేదు. ఇక మీదట కూడా నో ఛాన్స్ అంటాడు, అగ్రిమెంట్ చేసుకునేటప్పుడే! ఇక కింగ్ ఖాన్ కు హాట్ సీన్స్ విషయంలో అభ్యంతరాలు లేవు. కానీ, హార్స్ రైడింగ్ నా వల్ల కాదంటాడట! ఓసారి గుర్రపు స్వారీ చేస్తూ గాయాలపాలు కావటం వల్ల ఆయనకి ఈ రూల్ పెట్టటం తప్పటం లేదట!

బాలీవుడ్ ఖాన్స్ కే కాదు… ఖిలాడీ కుమార్ కి కూడా ఓ స్ట్రిక్ట్ కండీషన్ ఉంది. ఆదివారం ఎట్టి పరిస్థితుల్లోనూ ఈ ఫ్యామిలీ మ్యాన్ షూటింగ్ చేయడట. ఇంట్లో భార్యాబిడ్డలలో సంతోషంగా గడపటానికే సండే అంటాడు అక్కీ. ఫిల్మ్ మేకర్స్ కూడా స్టార్ హీరో రూల్ కి మరో మాట లేకుండా సరేనంటుంటారు!

మన దేసీ సెలబ్రిటీలే కాదు… ఫారిన్ బ్యూటీ సన్నీ కూడా ప్రతీ సినిమాకి ముందు ఓ ఆశ్చర్యకరమైన కండీషన్ పెడుతుంటుంది. ఈ ఎక్స్ ట్రిపుల్ ఎక్స్ పోర్న్ స్టార్ అలా అంటుంది అని ఎవ్వరూ ఊహించరు కూడా! ఇంతకీ, నిబంధన ఏంటంటే… సన్నీ తెర మీద కిస్ చేయదట! ఇది నిజంగా సర్ ప్రైజే కదా! కాకపోతే, ఇందులో చిన్న కిటుకు ఉంది. సన్నీ లియోన్ సినిమాలో ఎప్పుడూ కిస్ చేయనని చెప్పదు. తన తోటి నటులతో హాట్, ఇంటిమేట్ సీన్స్ లో యాక్ట్ చేస్తున్నప్పుడు మాత్రం ముద్దులిచ్చే ఉద్దేశం లేదట! అంటే, సన్నీ కాంట్రాక్ట్ ప్రకారం ముద్దు ముద్దే! సెక్సీ సీను సెక్సీ సీనే అన్నమాట!